Wed, February 10, 2016

Type in English and Give Space to Convert to Telugu

'ఈ హనుమంతుడు మృత్యుంజయుడు!''విద్యా విలీనం''ఆ నాటి హామీలను నెరవేర్చండి''తెరాస గూటికి కుత్బుల్లాపూర్‌ ఎమ్మెల్యే''కాల్పుల్లో అనూహ్య మలుపు''ఉగ్ర మూలం ఐఎస్‌ఐ''వెనక్కు పంపాం.. బహిష్కరణ కాదు''సుశీల్‌ కొయిరాలా కన్నుమూత''వెళ్లిరా నేస్తమా...''రాజ్యాంగం పవిత్రతను కాపాడాలి'

Alaya Pradhana Pujalu
  ప్రధాన పూజలు

ఇంద్రకీలాద్రిపై ఖడ్గమాల, లక్ష కుంకమార్చన, స్వర్ణపుష్పాలతో అర్చన, శ్రీచక్రార్చన, చండీహోమం, శాంతి కల్యాణం ప్రధాన పూజలు. ఖడ్గమాల పూజ తెల్లవారుజామున 4.30 గంటలకు ప్రారంభమవుతుంది. రూ.516 చెల్లించిన భక్తులు వేకువజామున 4 గంటలకు ఆలయానికి చేరుకోవాల్సి ఉంటుంది. రెండు గంటల పాటు అమ్మవారి ఆలయ ప్రాంగణంలోనే ఈ పూజ జరగుతుంది. ఒక టిక్కెట్టుపై దంపతులు పాల్గొనే అవకాశం ఉంది. మిగతా పూజలకు సైతం టిక్కెట్టు ధర రూ.516 మాత్రమే. ఇవి ఉదయం 9 గంటల నుంచి 11.30 వరకు జరుగుతాయి. ఒక టిక్కెట్టుపై దంపతులు పాల్గొనవచ్చు. ఈ పూజల కోసం ఉదయం 8 గంటలకు ఆలయానికి చేరుకోవాలి. ప్రధానమైన పూజల్లో స్వర్ణపుష్ప పూజ ఒకటి. ప్రతి గురువారం సాయంత్రం 5.15గంటల నుంచి 6.30 గంటల వరకు అమ్మవారి అంతరాలయంలో 108 స్వర్ణపుష్పాలతో జరిగే ఈ పూజలో భక్తులు రూ.2,500 చెల్లించి పాల్గొనే అవకాశం ఉంది. కేవలం ఏడు టిక్కెట్లను మాత్రమే ఇస్తారు. ప్రతి రోజు సాయంత్రం 6 గంటల నుంచి 6.30 గంటల వరకు హారతుల సమయం. ఈ సమయంలో అమ్మవారి హారతులు తిలకించేందుకు రూ.200 టిక్కెట్టు ప్రవేశపెట్టారు. ఒక టిక్కెట్టుపై ఇద్దరిని అనుమతిస్తారు. స్థలాభావం కారణంగా కేవలం 20 టిక్కెట్లు మాత్రమే రోజూ సాయంత్రం 4 గంటల నుంచి దేవస్థానం అధికారులు ‘మే ఐ హెల్ప్‌ యూ’ కౌంటరులో విక్రయిస్తున్నారు. దసరా ఉత్సవాలు, భవానీదీక్షలు, బ్రహ్మోత్సవాల సమయంలో కాకుండా ఈ పూజలు నిర్వహించుకునే అవకాశాన్ని దేవస్థానం అధికారులు భక్తులకు కల్పించారు. పూజ పూర్తయిన తరవాత అమ్మవారి శేషవస్త్రం, రవిక, లడ్డూ ప్రసాదం భక్తులకు దేవస్థానం తరఫున అధికారులు అందిస్తారు.
దేవస్థానం నిర్వహించే పూజలు
ఇంద్రకీలాద్రిపై దేవస్థానం పరిమిత దినాల్లో నిర్వహించే ప్రత్యేక పూజల్లో భక్తులు ఉచితంగా పాల్గొనవచ్చు. అమ్మవారి ఆలయ ప్రాంగణంలో శుక్రవారం సాయంత్రం 7 గంటల నుంచి రాత్రి 8 గంటల వరకు దర్బారుసేవ, ఆదివారం సాయంత్రం 7 గంటల నుంచి 8 గంటల వరకు ­ంజల్‌సేవ జరుగుతాయి. శనివారం సాయంత్రం 6 గంటల నుంచి 7 గంటల వరకు కృష్ణానదీ తీరాన దుర్గాఘాట్‌లో కృష్ణమ్మకు పంచహారతులు ఇస్తారు. ఈ హారతులను భక్తులు ఉచితంగా తిలకించే అవకాశాన్ని దేవస్థానం అధికారులు కల్పించారు.

  ఇంద్రకీలాద్రి
 ఇంద్రకీలాద్రి స్థల పురాణం
 ఇంద్రకీలాద్రి దర్శన వేళలు
Top previous page
 
  దర్శనసమయాలు
 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Marketing enquiries contact 9000180611 or Mail :Marketing@eenadu.net