Thu, February 11, 2016

Type in English and Give Space to Convert to Telugu

'హైదరాబాద్‌కు యాపిల్‌''కారెక్కిన ఎర్రబెల్లి''మేయర్‌ బొంతు రామ్మోహన్‌!''హనుమంతప్ప పరిస్థితి మరింత విషమం''భాగ్యనగరం తరహాలో ఖేడ్‌ అభివృద్ధి''మహా జాతరకు శ్రీకారం''ఓటుకు నోటు కేసులో మరో తెదేపా ఎమ్మెల్యే అరెస్టు?''ప్రయాణికులపై మళ్లీ వడ్డింపు?''గవర్నర్లు రాష్ట్రాలకు ఉత్ప్రేరకాలు''మహానగర అభివృద్ధికి 100 రోజుల ప్రణాళిక!'

ప్రధాన పూజలు
కాణిపాకం
సత్య ప్రమాణాల దేవుడు కాణిపాకం వినాయకుడు

పంచామృతాభిషేకం
టిక్కెట్‌ ధర: రూ.550
సేవాఫలితం: స్వామివారిని పంచామృతాలతో అభిషేకం చేయడం పుణ్యఫలం. ఈ సేవలో పాల్గొనడం వలన అన్ని కష్టాలు తొలగుతాయి.

గణపతి హోమం
టిక్కెట్‌ ధర: 500
సేవాఫలితం: ‘కలౌ చండి వినాయకా’ అంటే.. ఈ కలియుగమున పిలవగానే పలికే దేవతలు.. చండి(దుర్గా), గణపతి. మన దైనందిన జీవితంలో ఎన్నో విఘ్నాలు, ప్రతి పనికి పోటీ.. ఏదో ఒక ఆటకం జరగవచ్చు. అన్ని విఘ్నాలను అధిగమించాలి. అంటే గణపతిని అగ్నియుక్తంగా పూజించాలి. స్వామివారి సన్నిధిలో గణపతి హోమం చేసుకోవడం వలన విఘ్నాలు తొలగిపోతాయి. సకల శుభాలు కలుగుతాయి.

గణపతి మోదక పూజ
టిక్కెట్‌ ధర: రూ.300
గణపతి పురాణంలో సహస్రనామాల్లో ‘మోదక ప్రియాయనమః’ అని ఉంది. మోదకం అంటే కుడుములు అని అర్థం. హిందువులు ఏ శుభకార్యం చేయాలన్న ముందుగా వినాయకునికి కుడుములు నైవేద్యంగా సమర్పిస్తారు. ఆలయంలో గణపతి మోదక పూజ చేయడం వలన స్వామివారి అనుగ్రహం పొందుతారు.

సహస్ర నామార్చన, పత్రపూజ
టిక్కెట్‌ ధర: రూ.150, రూ.58
సేవాఫలితం: ‘కలౌ గణేశ’ స్మరణామున్ముక్తి అన్న నానుడిని అనుసరించి స్వామివారికి 1008 నామాలు అర్చించడం వలన విశేష ఫలం కలుగుతుంది.

మూలమంత్రార్చన
టిక్కెట్‌ ధర: రూ.300
సేవాఫలితం: దీనినే నారికేళ పూజ అంటారు. వినాయకునికి గణాధిపతిగా నియమించిన తరువాత.. అక్కడ విష్ణుమూర్తి దర్శనమిచ్చారు. వినాయకుడు విష్ణువు చేతిలోని సుదర్శన చక్రాన్ని తీసుకొన్నాడు. విష్ణువు అడిగినా వినాయకుడు తిరిగి ఇవ్వలేదు. దీనికి బదులుగా ఏదైనా వరం కోరుకొమ్మని విష్ణుమూర్తి అంటే ‘త్రినేత్రములు’ గల శిరస్సు కావాలని గణపతి కోరుతాడు. అప్పుడు విష్ణుమూర్తి బ్రహ్మదేవుని సహాయంతో నారికేళాన్ని సృష్టించి ఇచ్చాడని పురాణాలు చెపుతున్నాయి. అందుకే గణపతిని అవాహనం చేసి నారికేళంతో పూజిస్తే మహా గణపతి సంతుష్ఠి చెందుతారు. సకల విఘ్నాలు తొలగి సుఖశాంతులు కలుగుతాయి.

సంకటహర గణపతి వ్రతం
టిక్కెట్‌ ధర: రూ.151
సేవాఫలితం: గణేశ పురాణంలో ఈ వ్రతానికి విశేష స్థానం కల్పించారు. దీన్ని శ్రీకృష్ణుడు, బ్రహ్మ దేవుడు తదితరులు ఆచరించారు. సంతానం, వ్యాపార అభివృద్ధి, సకల విఘ్నాలు తొలగడం, ముఖ్యంగా కోర్టు వ్యవహారాల్లో జయం కలగడానికి దీన్ని ఆచరిస్తారు.

పూలంగి సేవ
టిక్కెట్‌ ధర: రూ.1000
సేవాఫలితం: వివిధ రకాలైన పుష్పాలను స్వామివారి గర్భాలయం, అంత్రాలయం, అర్థమండపం, స్వామివారికి విశేష పుష్పాలంకరణ చేస్తారు. రంగుల పుష్పాలతో స్వామివారిని పూజించడం వలన లక్ష్మీ అనుగ్రహం, సౌభాగ్యం కలుగుతాయి.

అక్షరాభ్యాసం
టిక్కెట్‌ ధర: రూ.116
సేవాఫలితం: చదువుల తండ్రి వినాయకుడు. అలాంటి వినాయకుని ఆలయం వద్ద అక్షరాభాస్యం చేసుకొంటే పిల్లల చదువులు వృద్ధి చెందుతాయని భక్తుల నమ్మకం. ఆలయంలో నిత్యం అక్షరాభాస్యం జరుగుతుంటుంది.

అన్నప్రాసన
టిక్కెట్‌ ధర: రూ.116
సేవాఫలితం: పిల్లలకు అన్నప్రాసనం విశిష్ఠ రోజున చేస్తారు. విఘ్నాలను తొలగించే వినాయకుని ఆలయంలో అన్నప్రాసన చేయడం శుభం. ఇక్కడ అన్నప్రాసన చేయడం వలన పిల్లలకు జీవితంలోమంచి జరుగుతుంది. మొదటి పూజలు అందుకొనే వినాయకుని ఆలయంలో అన్నప్రాసన చేస్తే మంచిదని పురాణాలు చెబుతున్నాయి.

వివాహ ఆహ్వన పత్రికలకు పూజలు
టిక్కెట్‌ ధర: రూ.51
ఫలితం: వివాహం చేసుకొనే నూతన జంటలకు సంసార జీవితంలో ఎలాంటి ఒడిదుడుకులు జరగకుండా ఉండాలని వినాయకుని చెంత పూజలు చేస్తారు. మొదటి వివాహ పత్రికను స్వామివారి చెంత ఉంచి పూజలు చేస్తే విఘ్నాలు తొలగుతాయి.

  కాణిపాకం
 కాణిపాకం స్థల పురాణం
Top previous page
 
  దర్శనసమయాలు
 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Marketing enquiries contact 9000180611 or Mail :Marketing@eenadu.net