Mon, February 08, 2016

Type in English and Give Space to Convert to Telugu

'పట్టణాభిషేకం''వాస్తవాల ప్రతిబింబంగా బడ్జెట్‌''నీటిపై నిప్పుల వాన''సీఎం మొండి అయితే.. నేను జగమొండి''తీరప్రాంత దేశాల మధ్య సహకారం పెరగాలి''ఉత్తర కొరియా రాకెట్‌ ప్రయోగం''చిరుతకు చిక్కి .. ప్రాణాలతో బయటపడి''మౌఖికంలో మార్కులు ఖాయం''ఎయిమ్స్‌కు 220 ఎకరాలు కేటాయింపు''‘అంకుర’ భయాలొద్దు'
దర్శన వేళలు
శ్రీవారి ప్రత్యేక ప్రవేశ దర్శన వేళలు
తిరుమల, న్యూస్‌టుడే: తిరుమల శ్రీవేంకటేశ్వరస్వామి వారి ప్రత్యేక ప్రవేశ దర్శన వేళలు ఒక్కో రోజు ఒక్కో విధంగా ఉంటాయి. స్వామివారికి జరిగే నిత్య, వారపు సేవలను బట్టి సమయాలను తితిదే నిర్దేశించింది. టిక్కెట్లను ముందస్తుగా అంతర్జాలం, ఈ-దర్శన్‌, తపాలాశాఖ ద్వారా తితిదే విక్రయిస్తోంది. ఉదయం నుంచి సాయంత్రంలోపు నిర్దేశించిన సమయంలోపు శ్రీవారిని దర్శించుకునే వేళలను ఎంపిక చేసుకోవచ్చు. ఎంపిక చేసుకున్న సమయం టిక్కెట్టుపై ముద్రితమవుతుంది. ఈ సమయానికి మాత్రమే ఆలయానికి చేరుకోవడానికి వరుస వద్దకు రావాల్సి ఉంటుంది. ప్రత్యేక ప్రవేశ దర్శనం టిక్కెట్లను నిత్యం రూ.300 ధర వంతున 26 వేల టిక్కెట్లను అందుబాటులోకి తీసుకువచ్చింది. 56 రోజులకు ముందుగా టిక్కెట్లను పొందే అవకాశం ఉంది. విశేష పర్వదినాల్లో రద్దీని దృష్టిలో పెట్టుకుని టిక్కెట్ల సంఖ్యను దేవస్థానం తగ్గిస్తుంది. తితిదే ప్రకటించిన వేళలు వివరాలు.

వారం           సమయం
ఆదివారం ఉదయం|| 9.00 నుంచి సాయంత్రం 7.00.
సోమవారం ఉదయం|| 9.00 నుంచి సాయంత్రం 7.00.
మంగళవారం ఉదయం|| 9.00 నుంచి సాయంత్రం 7.00.
బుధవారం ఉదయం|| 10.00 నుంచి సాయంత్రం 7.00.
గురువారం ఉదయం|| 9.00 నుంచి సాయంత్రం 4.00.
శుక్రవారం ఉదయం|| 10.00 నుంచి సాయంత్రం 4.00.
శనివారం ఉదయం|| 7.00 నుంచి సాయంత్రం 4.00.

వృద్ధులకు, వికలాంగులకు దర్శన వేళలు
తిరుమల, న్యూస్‌టుడే: తిరుమల శ్రీవేంకటేశ్వరస్వామివారి దర్శనానికి వికలాంగులు, వృద్ధులకు ప్రత్యేక ప్రవేశ అవకాశం తితిదే కల్పించింది. మందిరం మహాద్వారం సమీపం నుంచి ఆలయంలోకి చేరుకునే సౌలభ్యం కల్పించింది. నిత్యం ఉదయం 10, మధ్యాహ్నం 3 గంటలకు ఆలయానికి అనుమతిస్తుంది. ఈ దర్శన సమయాల కన్నా గంట ముందుగా పరిశీలనకు చేరుకోవాల్సి ఉంటుంది. 65 ఏళ్లకు పైబడిన వృద్ధులను వయస్సు ధ్రువీకరణ పత్రం ఆధారంగా అనుమతిస్తారు. నడవలేని పరిస్థితిలో ఉన్నవారి వెంట సహాయకులను వెంట తీసుకెళ్లడానికి అవకాశం ఉంటుంది. వికలాంగులు, గుండెజబ్బుతో ఆపరేషన్‌ చేసుకున్న భక్తులను వైద్యులు జారీ చేసిన పత్రాల పరిశీలన అనంతరం అనుమతిస్తారు. బ్రహ్మోత్సవాలు వంటి విశేష పర్వదినాల్లో ఈ దర్శనాలను తితిదే రద్దు చేస్తుంది. ఈ సమాచారాన్ని తితిదే ముందుగానే ప్రకటిస్తుంది.
దర్శన వేళలు
* ఉదయం 10 గంటలు.
* మధ్యాహ్నం 3 గంటలు.

భక్తులకు ప్రయాణ సదుపాయాలు

తిరుమల, న్యూస్‌టుడే: తిరుపతి రైల్వేస్టేషన్‌కు చేరుకునే భక్తులకు స్టేషన్‌ ఎదురుగానే ఆర్టీసీ బస్సులు అందుబాటులో ఉంటాయి. తిరుపతి రైల్వేస్టేషన్‌ నుంచి తిరుమలకు ప్రతి నిమిషానికి ఒక బస్సు వంతున బ్రహ్మోత్సవాల సమయంలో నడుస్తుంటాయి. ప్రీపెయిడ్‌ ట్యాక్సీలు కూడా అందుబాటులో ఉంటాయి.

* రేణిగుంట రైల్వేస్టేషన్‌ చేరుకునే భక్తులకు కూడా ఆర్టీసీ బస్సులు అందుబాటులో ఉంటాయి. గంటకు ఆరు బస్సుల వంతున తిరుమల రేణిగుంట మధ్యన నడుస్తాయి. ఇక్కడ ట్యాక్సీలు అందుబాటులో ఉంటాయి.

* రేణిగుంట విమానాశ్రయం నుంచి నిత్యం మధ్యాహ్నం సూపర్‌ లగ్జరీ సర్వీసు ఆర్టీసీ నడుపుతుంది. తిరుమల నుంచి ఉదయం 11గంటలకు బయలుదేరి రేణిగుంట విమానాశ్రయానికి మధ్యాహ్నం 12.30నిమిషాలకు బస్సు చేరుకుంటుంది. తిరిగి విమానాశ్రమం నుంచి మధ్యాహ్నం 1.30గంటలకు తిరుమలకు బయలుదేరుతుంది. విమానాశ్రయంలో ట్యాక్సీలు అందుబాటులో ఉంటాయి. తిరుపతి కేంద్రంగా ఉన్న ట్రావెల్‌ కంపెనీలకు సమాచారం ఇచ్చే పక్షంలో వాహనాలను సమకూర్చుతాయి. అన్ని రకాల సొంత వాహనాలను తిరుమలకు తితిదే అనుమతిస్తుంది. అలిపిరి భద్రతా వలయంలో తనిఖీలు నిర్వహించుకున్న అనంతరం టోల్‌ఫీ చెల్లించి తిరుమలకు రావాల్సి ఉంటుంది. అన్ని రకాల వాహనాలు అలిపిరి నుంచి తిరుమలకు రెండో కనుమ రహదారిలో 28నిమిషాల వ్యవధిలో చేరుకోవాల్సి ఉంటుంది. ప్రమాదాలను దృష్టిలో పెట్టుకుని తితిదే వేగనియంత్రణ చర్యలు చేపట్టింది. అదేవిధంగా తిరుమల నుంచి
తిరుపతికి మొదటి కనుమ రహదారిలో ప్రయాణ సమయం 45 నిమిషాలు తీసుకోవాల్సి ఉంటుంది. నిర్దేశిత సమయంకంటే ముందుగా వచ్చే పక్షంలో సంబంధిత వాహనాలను తిరుమలకు పదిరోజులపాటు రాకుండా నిషేధం విధిస్తూ చర్యలు తీసుకుంటారు. రెండో సారి కూడా నిబంధనలు పాటించని పక్షంలో జరిమానా విధిస్తారు. సమయాన్ని లెక్కించడానికి అలిపిరి భద్రతావలయంలో వాహనదారులకు బార్‌కోడింగ్‌ రశీదులను తితిదే జారీచేస్తుంది.

* అలిపిరి, శ్రీవారి మెట్టు నుంచి తిరుమలకు కాలినడకన రావడానికి తితిదే అనుమతిస్తుంది. అలిపిరి నుంచి 24గంటల సమయం, శ్రీవారి మెట్ల నుంచి ఉదయం 6నుంచి సాయంత్రం 6గంటల వరకు మాత్రమే ప్రవేశం కల్పిస్తుంది. గరుడోత్సవం సమయంలో 24 గంటల సమయం అనుమతించాలని నిర్ణయించింది. అడవి జంతువులను దృష్టిలో పెట్టుకుని శ్రీవారిమెట్టు
మార్గంలో పగటి సమయంలో మాత్రమే అనుమతిస్తుంది. వీరికి మార్గమధ్యంలో దివ్యదర్శనం టోకన్లను తితిదే ఉచితంగా జారీ చేస్తుంది. టోకన్లు పొందిన
భక్తులకు శ్రీవారి దర్శనం ఉచితంగా కల్పించడంతో పాటు ఒక లడ్డూ ప్రసాదాన్ని అందజేస్తుంది. రెండు లడ్డూలను రూ.10వంతున రాయితీపై విక్రయిస్తుంది. రూ.25 ధరపై మరో రెండు లడ్డూలు పొందవచ్చు. భక్తులు తమవెంట తెచ్చుకునే లగేజిని తిరుమలకు ఉచితంగా తితిదే తరలిస్తుంది. అలిపిరి, శ్రీవారి మెట్టు ప్రవేశమార్గంలో లగేజీ కేంద్రాలున్నాయి. అక్కడ లగేజీని డిపాజిట్‌ చేసి
రశీదును పొందాల్సి ఉంటుంది. ఈ రశీదును తిరుమలలోని లగేజీ కేంద్రాల్లో చూపించిన పక్షంలో లగేజీని అందజేస్తారు.

* ప్రత్యేక ప్రవేశ దర్శనం టికెట్లను బ్రహ్మోత్సవాల సమయంలో కరెంటు బుకింగ్‌ కింద తితిదే రద్దుచేసింది. సెప్టెంబర్‌ 16 నుంచి 24 వరకు అడ్వాన్స్‌ బుకింగ్‌ కింద టికెట్లను జారీని తితిదే రద్దు చేసింది. భక్తుల రద్దీని దృష్టిలో పెట్టుకుని తితిదే నిర్ణయం తీసుకుంది. అడ్వాన్స్‌ బుకింగ్‌ కింద నిత్యం అంతర్జాలంలో 6వేలు, ఈ దర్శన కౌంటర్ల ద్వారా 5వేల టికెట్లను రూ.300వంతున విక్రయిస్తుంది. టికెట్లలో నిర్దేశించిన సమయానికి శ్రీవారి దర్శనానికి హాజరుకావాల్సి ఉంటుంది. భక్తులు సంప్రదాయ వస్త్రధారణతో దర్శనానికి రావాల్సి ఉంటుంది. గుర్తింపు కార్డు, సంప్రదాయ దుస్తులు ధరించని పక్షంలో శ్రీవారి దర్శనానికి తితిదే అనుమతించదు. ఒక్కో టికెట్‌పై రెండు లడ్డూలను ఉచితంగా అందజేస్తుంది.

* తిరుమలలో ఆకలే అర్హతగా భక్తులందరికీ తితిదే అన్నప్రసాదం అందజేస్తుంది. మాతృశ్రీ తరిగొండ వెంగమాంబ అన్నప్రసాద సముదాయంలో ఉదయం 9.30 నుంచి రాత్రి 10గంటల వరకు అన్నప్రసాదం అందుబాటులో ఉంటుంది. ఎలాంటి సిఫార్సు లేకుండా అన్నప్రసాదం స్వీకరించవచ్చు. బ్రహ్మోత్సవాల్లో రద్దీ ప్రాంతాలను గుర్తించి భక్తులకు అల్పాహారం, పానీయాలను తితిదే ఉచితంగా అందజేస్తుంది.
శ్రీవారి ఆర్జిత సేవల వేళలు ఆర్జిత సేవ పేరు
హాజరు కావాల్సిన సమయం
సుప్రభాతం

వస్త్రాలంకరణ సేవ


భిషేకం


తోమాల


అర్చన


నిజపాద దర్శనం


అష్టదళ పాద పద్మారాధన సేవ


సహస్ర కలశాభిషేకం


తిరుప్పావడ సేవ


విశేష పూజ


కల్యాణోత్సవం


వూంజలసేవ


ఆర్జిత బ్రహ్మోత్సవం


వసంతోత్సవం


సహస్ర దీపాలంకరణ సేవ
ఉ|| 2 గంటలు

ఉ|| 3 గంటలు


ఉ|| 3 గంటలు


ఉ|| 3 గంటలు


ఉ|| 4 గంటలు


ఉ|| 4.30 గంటలు


ఉ|| 5 గంటలకు


ఉ|| 5 గంటలకు


ఉ|| 5 గంటలకు


ఉ|| 6 గంటలకు


ఉ|| 10 గంటలకు


ఉ|| 11 గంటలకు


మ|| 1.30 గంటలకు


మ|| 2 గంటలకు


సా|| 5 గంటలకు
Top previous page
 
  దర్శనసమయాలు
 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Marketing enquiries contact 9000180611 or Mail :Marketing@eenadu.net