Sun, February 14, 2016

Type in English and Give Space to Convert to Telugu

'భారత్‌లో తయారీకి బ్రహ్మరథం''ఐపీఎస్‌లను పెంచండి''పాకిస్థాన్‌కు అధునాతన ఎఫ్‌-16 యుద్ధవిమానాలు''ఖేడ్‌లో 81.72 శాతం పోలింగ్‌''దిండి మొదటి దశ పనులకు త్వరలో టెండర్లు''మెదక్‌ నిమ్జ్‌లో చైనా పెట్టుబడులు..''చెలకల్లో.. అవినీతి మొలకలు!''మార్చి 10 నుంచి శాసనసభ సమావేశాలు''మళ్లీ తెరపైకి ఓటుకు నోటు కేసు''కళతో సామాజిక సందేశం'
పర్యావరణ అనుమతులకు పడిగాపులు
కొత్త అనుమతులు ఇవ్వరు... ఉన్న వాటికి పునరుద్ధరించరు
ఏడాదిగా ఈసీ కమిటీలు లేని ఫలితం
తెలంగాణలో గనులు, క్వారీలు,
క్రషర్లు, స్థిరాస్తి వ్యాపారుల విలవిల
ఈనాడు, హైదరాబాద్‌: రాష్ట్రస్థాయి పర్యావరణ అనుమతులు ఇచ్చేవారు లేక తెలంగాణ వ్యాప్తంగా వివిధ ప్రాజెక్టులు ప్రారంభానికి నోచుకోవడం లేదు. అనుమతుల మంజూరుకు ఏడాదిగా కమిటీలు లేకపోవడంతో కొత్త పరిశ్రమలు ప్రారంభం కాకపోవటంతోపాటుగా, ఇప్పటికే నడుస్తున్న పలు పరిశ్రమలూ పునరుద్ధరణ లేక మూతపడుతున్నాయి.

పెద్ద ప్రాజెక్టులకు (‘ఏ’ కేటగిరి) కేంద్ర ప్రభుత్వంలోని కమిటీ ఈ అనుమతులిస్తుంది. ‘బీ’ కేటగిరి ప్రాజెక్టులకు అనుమతులు మంజూరు చేసేందుకు రాష్ట్రస్థాయి నిపుణుల అంచనా కమిటీ (సెక్‌), రాష్ట్రస్థాయి ప్రభావ అంచనా సాధికార సంస్థ (ఎస్‌ఈఐఏఏ)లను రాష్ట్ర ప్రభుత్వ సలహా మేరకు కేంద్ర పర్యావరణ మంత్రిత్వశాఖ నియమిస్తుంది. గతంలో ఉమ్మడి రాష్ట్రంగా ఉన్నప్పుడు ఆ రెండు కమిటీలను నియమించగా పదవీకాలం 2013 అక్టోబరుతో ముగిసింది. అప్పటి నుంచి కొత్త కమిటీలను నియమించలేదు. ఇటీవలే ఏపీ ప్రభుత్వానికి కొత్తగా నియమించుకున్నారు. తెలంగాణ రాష్ట్రానికి మాత్రం ఏర్పాటు కాలేదు.

తెలంగాణలో కరీంనగర్‌, ఖమ్మం, వరంగల్‌ జిల్లాల్లో క్వారీలు, స్టోన్‌ క్రషర్లు అధికం. రంగారెడ్డి జిల్లాలో క్వారీలతోపాటు ల్యాటరైట్‌, క్వార్ట్స్‌ తదితర గనులున్నాయి. గతంలో 5 ఎకరాల విస్తీర్ణం కంటే తక్కువ ఉంటే పర్యావరణ అనుమతులు (ఈసీ) అవసరం లేదు. విస్తీర్ణంతో సంబంధం లేకుండా క్వారీలు, గనులు తదితర ప్రాజెక్టులకు ఈసీ తీసుకోవాల్సిందేనని గత ఏడాది సుప్రీం కోర్టు ఆదేశించింది. ఇప్పటికే నడుస్తున్నవి కూడా అనుమతి తీసుకోవాలని తేల్చి చెప్పింది. దీంతో లీజు గడువు ముగిసి ఈసీ లేకుండా ఉన్న వాటికి గనుల శాఖ పునరుద్ధరణ చేయడం లేదు. పదుల సంఖ్యలోనే అలాంటివి ఆగిపోయాయి. ఇక కొత్తవి ప్రారంభానికి ఈసీ పొందేందుకు కమిటీలు లేకపోవడంతో... తెలంగాణ రాష్ట్ర పీసీబీ అధికారులు దరఖాస్తులు కూడా తీసుకోవడం లేదు. హైదరాబాద్‌లో నిర్మించతలపెట్టిన పలు బహుళ అంతస్తుల అపార్ట్‌మెంట్లు పెండింగ్‌లో ఉన్నాయి. జీహెచ్‌ఎంసీకి అనుమతి కోసం దరఖాస్తు చేసుకుంటే ఈసీ తీసుకొని రావాలని చెబుతూ తిరస్కరిస్తున్నారు. ఫలితంగా తెలంగాణ రాష్ట్ర వ్యాప్తంగా 300-400 ప్రాజెక్టులు ఈసీ కోసం ఎదురుచూస్తున్నాయి. వాటిలో సగం ఇప్పటికే నడుస్తున్నవి ఉన్నాయని పీసీబీ వర్గాలు చెబుతున్నాయి. పీసీబీ అధికారులు మాత్రం తాము నిపుణుల జాబితాను రాష్ట్ర ప్రభుత్వానికి పంపామని పేర్కొంటున్నారు. అక్కడి నుంచి జాబితా కేంద్ర ప్రభుత్వానికి వెళ్లలేదని సమాచారం. ఈ ప్రక్రియను త్వరగా పూర్తిచేసి కమిటీలను నియమించి అనుమతులు మంజూరు చేయాలని పరిశ్రమల వర్గాలు కోరుతున్నాయి.

వలచి...గెలిచి..

ప్రేమికుల రోజూ.. అదే సూర్యుడు. అవే ఇరుసంధ్యలు. అదే గాలి. అవే దిక్కులు. ఎప్పట్లాగే ఇరవై నాలుగ్గంటలు!! మరేమిటీ ప్రత్యేకం? ఏముంది? ప్రేమే!!...

ఫైనల్‌లో వారియర్స్‌

రెండోసారి సీసీఎల్‌ ట్రోఫీ గెలవాలన్న తెలుగు వారియర్స్‌ నెరవేరడానికి ఇంకా ఒక్క అడుగు దూరంలో ఉంది. శనివారం హైదరాబాద్‌లో ఉత్కంఠభరితంగా జరిగిన రెండో సెమీఫైనల్‌లో...

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net