Sat, February 13, 2016

Type in English and Give Space to Convert to Telugu

'ప్యాకేజీ ఇవ్వండి''విలీనమా.. అనర్హతా?''అదనపు పనులన్నీ పాత గుత్తేదారులకే''భారతమాతను కించపరిస్తే సహించం''‘తెలంగాణ బ్రాండ్‌’ పేరుతో అమ్మకాలు''శాశ్వత ఉత్సవంగా మేడారం జాతర''కేంద్ర బడ్జెట్‌లో వ్యవసాయం''విలీన లేఖపై ఏమి చేయాలి?''వీరసేనానికి కన్నీటి వీడ్కోలు''అమ్మతనానికి అండ'
రాజధాని సలహా కమిటీలో
సింగపూర్‌ సభ్యుడు ఖూ తెంగ్‌ చెయ్‌
ఖూ తెంగ్‌ చెయ్‌ను నియమించిన ఏపీ సర్కారు
సీఎల్‌సీ ఈడీగా బాధ్యతలు నిర్వహిస్తోన్న చెయ్‌
సింగపూర్‌ అభివృద్ధిలో కీలకపాత్ర
ఈనాడు, హైదరాబాద్‌
రాజధాని నిర్మాణ సలహా కమిటీని ఆంధ్రప్రదేశ్‌ సర్కారు మరింత పటిష్ఠం చేసింది. సింగపూర్‌ అభివృద్ధి ప్రణాళిక విభాగంలో ముఖ్యుడు, జాతీయ అభివృద్ధి మంత్రిత్వ శాఖ పరిధిలోని సెంటర్‌ ఫర్‌ లివబుల్‌ సిటీస్‌(సీఎల్‌సీ) ఎగ్జిక్యూటివ్‌ డైరెక్టర్‌ ఖూ తెంగ్‌ చెయ్‌ ను సభ్యుడిగా నామినేట్‌ చేసింది. ఏపీ పురపాలక మంత్రి నారాయణ ఛైర్మన్‌గా ఏర్పాటైన ప్రస్తుత కమిటీలో తొమ్మిది మంది సభ్యులున్నారు. పారిశ్రామిక వేత్తలు, రాజకీయ నాయకులతో పాటు, పురపాలక శాఖ ముఖ్యకార్యదర్శి కూడా ఉన్నారు. తాజాగా పట్టణ ప్రణాళిక, పౌర సేవలపై అపార అనుభవమున్న ఖూ తెంగ్‌ చెయ్‌ నియామకంతో కమిటీ సమావేశాలు కీలకం కానున్నాయి. సింగపూర్‌ పర్యటనలో భాగంగా బుధవారం ముఖ్యమంత్రి చంద్రబాబునాయుడు సీఎల్‌సీని సందర్శించడంతో పాటు ఆయనతో ప్రత్యేకంగా సమావేశం కానున్నారు.

ముఖ్యమంత్రి ప్రత్యేక చొరవ: రాజధాని నిర్మాణ సలహా కమిటీలో మరో ముగ్గురు జాతీయ, అంతర్జాతీయ సభ్యులను నామినేట్‌ చేస్తామని గతంలోనే సర్కారు చెప్పింది. మరోవైపు ఏపీ రాజధాని నిర్మాణంలో సహకరిస్తామని ఇప్పటికే సింగపూర్‌ హామీ కూడా ఇచ్చింది. సింగపూర్‌ తరహాలో పూర్తిస్థాయి మౌలిక సదుపాయాలతో కూడిన నూతన రాజధాని నిర్మించనున్నట్లు ముఖ్యమంత్రి చంద్రబాబు గతంలోనే చెప్పారు. ప్రభుత్వం ఏర్పాటు చేసిన రాజధాని నిర్మాణసలహా కమిటీలో సింగపూర్‌ నగర ప్రణాళిక, నిర్మాణం, మౌలిక సేవల్లో అపార అనుభవమున్న వ్యక్తిని నియమించాలంటూ చంద్రబాబు సింగపూర్‌ ప్రభుత్వానికి ఇటీవల ఒక లేఖ రాశారు. దీనికి స్పందనగా అక్కడి ప్రభుత్వం.. స్థానిక సీఎల్‌సీ ఎగ్జిక్యూటివ్‌ డైరెక్టర్‌గా ఉన్న ఖూ తెంగ్‌ చెయ్‌ పేరును తాజాగా ఖరారు చేసింది. ఈ విషయాన్ని సింగపూర్‌ కాన్సులేట్‌ జనరల్‌ ఏపీ ప్రభుత్వానికి తెలియజేస్తూ ముఖ్యమంత్రి చంద్రబాబునాయుడుకి లేఖ రాశారు. ఈ మేరకు ఖూ తెంగ్‌ చెయ్‌ను సభ్యుడిగా నామినేట్‌ చేస్తూ లేఖను ఆయనకు పంపించారు.

వ్యక్తిగత వివరాలు..
పేరు : ఖూ తెంగ్‌ చెయ్‌
హోదా : ఎగ్జిక్యూటివ్‌ డైరెక్టర్‌, సెంటర్‌ ఫర్‌ 
లివెబుల్‌ సిటీస్‌ (సీఎల్‌సీ)
చెయ్‌.. 1976 నుంచి 1996 వరకు 20 ఏళ్లపాటు పట్టణ పునర్‌ అభివృద్ధి సాధికార సంస్థలో వ్యూహరచన సంచాలకుడిగా పనిచేశారు. సింగపూర్‌ పట్టణ ప్రణాళికలో మార్పులు, భూమి వినియోగ ప్రణాళిక, పారదర్శకంగా మౌలిక సదుపాయాలతో పాటు పలు సంస్కరణల్లో కీలకపాత్ర పోషించారు. ప్రభుత్వ పెట్టుబడుల కంపెనీ మ్యాప్‌లెట్రీ ఇన్వెస్టిమెంట్స్‌ సీఈవోగా, 2003 నుంచి 2011 వరకు సింగపూర్‌ ప్రజా సేవల బోర్డు సీఈవోగా వ్యవహరించారు. ప్రజాసేవల బోర్డు సీఈవోగా పనిచేస్తున్నపుడు సింగపూర్‌ నీటివనరుల నిర్వహణ ప్రణాళిక రూపొందించారు. తాగునీటి పరిరక్షణ, వినియోగం, విలువ తెలుసుకోవడం ద్వారా అందరికీ తాగు నీటిని అందించవచ్చన్న వ్యూహాన్ని అమలు చేయడంతో పాటు ఆధునిక సాంకేతిక పరిజ్ఞానం ఆసరాగా నూతన నీటివనరుల నిర్మాణం చేపట్టి స్థానికంగా తాగునీటి కొరత తీర్చేందుకు కృషి చేశారు. సింగపూర్‌లోని పలు యూనివర్సిటీలు, సంస్థల్లో సలహాదారుగా, సందర్శక ఆచార్యులుగా ఆయన వ్యవహరిస్తున్నారు.

మా వూరికి మంచి నీళ్లు...

బాగా ఆస్తిపాస్తులున్న వాళ్లని శ్రీమంతులంటారు.మహేశ్‌బాబు నటించిన ‘శ్రీమంతుడు’ చూశాక ఆ అర్థం మారిపోయిందనే చెప్పవచ్చు. ఎక్కడ పెరిగినా, స్థిరపడినా సొంతూరి...

ఎన్టీఆర్‌ ‘దండయాత్ర’కు ఏడాది..!

‘ఇద్దరు కొట్టుకుంటే యుద్ధం.. అదే ఒక్కడు మీదడిపోతే.. దండయాత్ర.. ఇది దయా గాడి దండయాత్ర’. పవర్‌ఫుల్‌ డైలాగులతో ఎన్టీఆర్‌ తెలుగు సినీ సెల్యులాయిడ్‌పై చేసిన దండయాత్రకు ఫిబ్రవరి 13తో ఏడాది పూర్తైంది. ‘వన్‌ ....

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net