Mon, February 08, 2016

Type in English and Give Space to Convert to Telugu

'పట్టణాభిషేకం''వాస్తవాల ప్రతిబింబంగా బడ్జెట్‌''నీటిపై నిప్పుల వాన''సీఎం మొండి అయితే.. నేను జగమొండి''తీరప్రాంత దేశాల మధ్య సహకారం పెరగాలి''ఉత్తర కొరియా రాకెట్‌ ప్రయోగం''చిరుతకు చిక్కి .. ప్రాణాలతో బయటపడి''మౌఖికంలో మార్కులు ఖాయం''ఎయిమ్స్‌కు 220 ఎకరాలు కేటాయింపు''‘అంకుర’ భయాలొద్దు'
రూ.12 వేల కోట్ల వ్యయంతో పాలమూరు తొలిదశ!
ఎత్తిపోతల ప్రాజెక్టుపై ఒకట్రెండు రోజుల్లో సమగ్ర నివేదిక
సత్వరమే పనులు ప్రారంభించే యోచనలో తెలంగాణ ప్రభుత్వం
ఈనాడు - హైదరాబాద్‌
తెలంగాణలోని మూడు జిల్లాల్లో లక్షల ఎకరాలకు నీరందించే లక్ష్యంతో చేపట్టనున్న పాలమూరు ఎత్తిపోతల పథకం మొదటి దశకు సంబంధించిన సమగ్ర నివేదిక సిద్ధమైంది. ఒకటి, రెండు రోజుల్లో ఇది ప్రభుత్వానికి అందే అవకాశం ఉంది. మొదటి దశకు రూ.12వేల కోట్ల వ్యయం కానుందని అంచనా వేస్తున్నారు. 70 టీఎంసీల కృష్ణా వరద నీటిని జూరాల బ్యాక్‌వాటర్‌ నుంచి మళ్లించేందుకు పాలమూరు ఎత్తిపోతల పథకాన్ని చేపట్టాలని ప్రభుత్వం నిర్ణయించింది. గత ప్రభుత్వ హయాంలో ఈ పథకం సమగ్ర ప్రాజెక్టు నివేదిక (డిపిఆర్‌) తయారు చేయడానికి పరిపాలనా అనుమతి లభించింది. అయితే, పని జరగలేదు. దీంతో ఈ ఏడాది ఆగస్టు ఒకటిన తెలంగాణ ప్రభుత్వం పాలమూరు ఎత్తిపోతల పథకం సమగ్ర ప్రాజెక్టు నివేదికకు ఉత్తర్వు జారీ చేసింది. ఆగస్టు 6న ఈ పనిని ఇంజినీరింగ్‌ స్టాఫ్‌ కాలేజ్‌ ఆఫ్‌ ఇండియాకు అప్పగించారు. ఈ పథకానికి నవంబరులోనే శంకుస్థాపన చేస్తానని ఇటీవల ముఖ్యమంత్రి కేసీఆర్‌ ప్రకటించారు. ప్రాజెక్టు నివేదిక తయారు కావడానికి మరింత సమయం పట్టే అవకాశం ఉండటంతో పాలమూరు ఎత్తిపోతలను రెండు దశల్లో చేపట్టాలని నిర్ణయం తీసుకొన్నట్లు సంబంధిత వర్గాల ద్వారా తెలిసింది. మొదటి దశకు సంబంధించిన నివేదిక పూర్తయ్యిందని, ఒకటి,రెండు రోజుల్లో ప్రభుత్వానికి అందజేస్తామని సంబంధిత వర్గాలు చెప్పాయి. మొదటి దశలో భాగంగా జూరాల బ్యాక్‌ వాటర్‌ నుంచి ఐదు కి.మీ దూరం కాలువ తవ్వుతారు. దీని సామర్థ్యం 26వేల క్యూసెక్కులు. అంటే రోజూ రెండు టీఎంసీలకు పైగా నీటిని మళ్లిస్తారు. తర్వాత 23 కి.మీ.దూరం రెండు సొరంగ మార్గాలు తవ్వుతారు. కోయల్‌సాగర్‌ ఎగువ భాగంలో కోయల్‌కొండ వద్ద భారీ రిజర్వాయర్‌ను నిర్మిస్తారు. దీని సామర్థ్యం 76 టీఎంసీలు. ఈ రిజర్వాయర్‌ నిర్మాణం వల్ల 22 గ్రామాలు ముంపునకు గురవుతాయని, సుమారు 60వేల మంది నిర్వాసితులవుతారని, 27వేల ఎకరాల భూమిని సేకరించాల్సి ఉంటుందని సంబంధిత వర్గాలు తెలిపాయి. రిజర్వాయర్‌ నుంచి 170 మీటర్ల ఎత్తుకు నీటిని తీసుకెళ్లి 1.75 లక్షల ఎకరాల ఆయకట్టుకు సరఫరా చేస్తారు. ఈ రిజర్వాయర్‌ వద్ద భూగర్భ ఎత్తిపోతలను నిర్మిస్తారు. మొదటి దశలో 14 పంపులు ఏర్పాటు చేయనుండగా, ఒక్కోదాని సామర్థ్యం 120 మెగావాట్లు. దీని ప్రకారం మొత్తం పంపుల సామర్థ్యం 1680 మెగావాట్లు. ఇలా మొదటి దశ పనులు పూర్తి చేయడానికి సుమారు రూ.12వేల కోట్లు వ్యయమవుతుందని అంచనా వేశారు.

రెండో దశలో..: పాలమూరు ఎత్తిపోతల రెండో దశలో రంగారెడ్డి జిల్లాలో ఒక రిజర్వాయర్‌, రంగారెడ్డి-మహబూబ్‌నగర్‌ జిల్లాల మధ్య మరో రిజర్వాయర్‌ నిర్మించాల్సి ఉంటుంది. రెండో రిజర్వాయర్‌కు 465 మీటర్ల ఎత్తుకు నీటిని తీసుకెళ్లాల్సి ఉండగా, మూడో రిజర్వాయర్‌కు 675 మీటర్ల ఎత్తుకు తీసుకెళ్లాల్సి ఉంటుంది. రెండో దశకు సంబంధించిన సమగ్ర ప్రాజెక్టు నివేదికను కూడా త్వరలోనే పూర్తి చేస్తామని నీటిపారుదల శాఖ వర్గాలు తెలిపాయి. పాలమూరు ఎత్తిపోతల పథకం కింద మహబూబ్‌నగర్‌, నల్గొండ, రంగారెడ్డి జిల్లాల్లోని 18 అసెంబ్లీ నియోజకవర్గాలకు చెందిన 56 మండలాల్లోని ఆయకట్టుకు నీరందుతుందని నీటిపారుదల శాఖ వర్గాలు తెలిపాయి. రెండు దశల్లో కలిపి మహబూబ్‌నగర్‌ జిల్లాలో ఏడు లక్షల ఎకరాలు, రంగారెడ్డి జిల్లాలో 2.7 లక్షలు, నల్గొండ జిల్లాలో 30వేల ఎకరాల ఆయకట్టు ఉంది. అయితే, రంగారెడ్డి జిల్లాలో ప్రతిపాదించిన ఆయకట్టులో ఎక్కువ భాగం ప్రాణహిత-చేవెళ్ల ప్రాజెక్టు కింద ఇప్పటికే ప్రతిపాదించారు. దీంతో కొంత మార్పు జరిగే అవకాశం ఉంది.

ఆంధ్రప్రదేశ్‌ పునర్విభజన నేపథ్యంలో కృష్ణా, గోదావరి నదీ యాజమాన్య బోర్డులు, కేంద్ర జలవనరుల మంత్రి ఛైర్మన్‌గా, తెలంగాణ, ఆంధ్రప్రదేశ్‌ ముఖ్యమంత్రులు సభ్యులుగా అపెక్స్‌ కౌన్సిల్‌ ఏర్పడింది. ఈ రెండు బేసిన్ల పరిధిలో కొత్త ప్రాజెక్టుల నిర్మాణం చేపట్టాలంటే అపెక్స్‌ కౌన్సిల్‌ నిర్ణయం తీసుకోవాల్సి ఉంటుంది. తెలంగాణ ప్రభుత్వం మాత్రం త్వరలోనే దీనికి శంకుస్థాపన చేసి పనులు చేపట్టాలన్న ఆలోచనతో ఉన్నట్లు తెలుస్తోంది.

మాధవన్‌ పళ్లురాలగొట్టాను..!

సినిమా కోసం ఉత్తుత్తినే కాదు.. నిజంగానే అంతపని చేసిందట రితిక. గత వారం విడుదలై సంచలన విజయం సాధించిన ‘సాలా ఖడూస్‌’ చిత్రం కథానాయిక. అప్పుడెప్పుడో పరుగుల రాణీ...

‘శ్రీశ్రీ’ డబ్బింగ్‌ పూర్తి

అలనాటి తెలుగు సూపర్‌స్టార్‌ కృష్ణ, ఆయన భార్య విజయ నిర్మల కీలక పాత్రధారులుగా తెరకెక్కిన ‘శ్రీశ్రీ’ చిత్రం దాదాపు పూర్తయ్యింది....

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net