Mon, February 08, 2016

Type in English and Give Space to Convert to Telugu

'పట్టణాభిషేకం''వాస్తవాల ప్రతిబింబంగా బడ్జెట్‌''నీటిపై నిప్పుల వాన''సీఎం మొండి అయితే.. నేను జగమొండి''తీరప్రాంత దేశాల మధ్య సహకారం పెరగాలి''ఉత్తర కొరియా రాకెట్‌ ప్రయోగం''చిరుతకు చిక్కి .. ప్రాణాలతో బయటపడి''మౌఖికంలో మార్కులు ఖాయం''ఎయిమ్స్‌కు 220 ఎకరాలు కేటాయింపు''‘అంకుర’ భయాలొద్దు'
ఇసుక ఇబ్బందులు ఇన్నిన్ని కాదయా!
ఇసుక రకమేదైనా రేటు ఒకటే
భారంగా మారుతున్న రవాణా వ్యయం
ఈనాడు, హైదరాబాద్‌: సొంతంగా ఎడ్ల బండి ఉందనో ట్రాక్టరు ఉందనో రేవు దగ్గరకు వెళ్లి ఇసుక కొనుగోలు చేసి తరలించుకుందామంటే కుదరదు. ఇక నుంచీ ప్రభుత్వం నిర్ణయించిన రవాణా కాంట్రాక్టరు వాహనాన్ని అద్దెకు తీసుకోక తప్పదు. నదిలో ఇసుకైనా వాగుల్లో దొరికే సన్నటి ఇసుకైనా ఒకే ధర చెల్లించక తప్పదు. అది తక్కువ రకం కదా? అని ప్రశ్నించినా ఇది సర్కారు నిర్ణయించిన ధర అనే సమాధానం వస్తుంది. ఇల్లు నిర్మించుకునేవాళ్లు... భవన నిర్మాణదారులు ప్రభుత్వం నిర్ణయించిన కొత్త ఇసుక విధానంతో ఈ ఇబ్బందులు ఎదుర్కొంటున్నారు.

రేవుల్లో ఇసుక విక్రయానికి ధరను నిర్ణయించే అధికారాన్ని జిల్లా ఇసుక సంఘాలకు ప్రభుత్వం అప్పగించింది. క్యూబిక్‌ మీటరు ఇసుకను రూ.550 - రూ.650 మధ్య విక్రయిస్తున్నారు. అయితే నదీ తీరాన, నది లోపల లభ్యమయ్యే నాణ్యమైన ఇసుకనూ, వాగుల్లో వంకల్లో దొరికే తక్కువ రకం ఇసుకనూ అదే ధరకు అమ్ముతున్నారు. నిర్మాణాలు చేపట్టేటప్పుడు కాంక్రీట్‌, ఇతర కీలకమైన పనులకు నదుల్లోని ఇసుకను ఉపయోగిస్తారు. ఇతర సాధారణ పనులకు వాగుల్లోని ఇసుకను వినియోగిస్తారు. ఈ రెండు రకాల ఇసుక ధరల మధ్య వ్యత్యాసం ఉంటుంది. ఇప్పటి వరకూ వాగుల్లో ఇసుక ధర తక్కువగా ఉంది. ప్రభుత్వం స్వయం సహాయక సంఘాలకు రీచ్‌లను అప్పగించి, ఇసుక ధరను నిర్ణయించాక అన్ని రకాలకీ ఒకే ధరను వర్తింపజేస్తున్నారు. ఈ నిర్ణయాన్ని ఇళ్లను నిర్మించుకునే సామాన్యుల నుంచి భవన నిర్మాణదారులు, గుత్తేదారులు వ్యతిరేకిస్తున్నారు. ధరల స్థిరీకరణలో మార్పు చేయాలంటున్నారు. మరోవైపు కొనుగోలుదారులు సొంత వాహనాల్లో ఇసుకను తీసుకువెళ్లేందుకు ప్రభుత్వ నిబంధనలు అంగీకరించడం లేదు. జిల్లా ఇసుక సంఘాలు నిర్ణయించిన రవాణా ఖర్చులను భరించాల్సిందే. ప్రస్తుతం కృష్ణా జిల్లాలో ఆరు టైర్ల లారీల ద్వారా ఇసుకను సరఫరా చేస్తున్నారు. ఇందులో 6 టన్నుల వరకూ పడుతుంది. పది టైర్ల లారీల ద్వారా 10 టన్నుల ఇసుకను తరలించుకుంటామని భవనాల నిర్మాణదారులు, గుత్తేదార్లు అడుగుతుంటే అధికారులు అంగీకరించడం లేదు. ఇసుక రేవు నుంచి 50కి.మీ. దూరానికి తరలించాలంటే రవాణా ఛార్జీల్లో వాహనం రానుపోను ఖర్చులు వేస్తున్నారని సమాచారం. ఈ రవాణా వ్యయంలోనూ జిల్లాజిల్లాకీ తేడాలున్నాయి.

మాధవన్‌ పళ్లురాలగొట్టాను..!

సినిమా కోసం ఉత్తుత్తినే కాదు.. నిజంగానే అంతపని చేసిందట రితిక. గత వారం విడుదలై సంచలన విజయం సాధించిన ‘సాలా ఖడూస్‌’ చిత్రం కథానాయిక. అప్పుడెప్పుడో పరుగుల రాణీ...

ఉప్పల్‌లో పరుగుల పండగ

మ్యాచ్‌ అంటే ఇదీ.. ఆడేది సినిమావాళ్లే అయినా, అంతర్జాతీయ మ్యాచ్‌కి ఏమాత్రం తీసిపోదు. టీ ట్వంటీలో ఉండే అసలైన మజా... మరోసారి తెలిసొచ్చింది....

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net