Thu, February 11, 2016

Type in English and Give Space to Convert to Telugu

'హైదరాబాద్‌కు యాపిల్‌''కారెక్కిన ఎర్రబెల్లి''మేయర్‌ బొంతు రామ్మోహన్‌!''హనుమంతప్ప పరిస్థితి మరింత విషమం''భాగ్యనగరం తరహాలో ఖేడ్‌ అభివృద్ధి''మహా జాతరకు శ్రీకారం''ఓటుకు నోటు కేసులో మరో తెదేపా ఎమ్మెల్యే అరెస్టు?''ప్రయాణికులపై మళ్లీ వడ్డింపు?''గవర్నర్లు రాష్ట్రాలకు ఉత్ప్రేరకాలు''మహానగర అభివృద్ధికి 100 రోజుల ప్రణాళిక!'
‘రాజధాని’లో రోజుకో రేటు!
భూముల ధరల్లో హెచ్చుతగ్గులు
రైతుల్లో ఆనందం, ఆవేదన...
ఈనాడు - విజయవాడ
ఆంధ్రప్రదేశ్‌ ‘రాజధాని’ ప్రాంతంలో భూముల ధరలు రోజురోజుకూ మారిపోతున్నాయి. కొన్ని గ్రామాల్లో పూటపూటకూ తేడాలు వచ్చేస్తున్నాయి. కొన్ని చోట్ల ధరలు పెరిగిపోతుండగా మరికొన్ని చోట్ల అమాంతం పడిపోతున్నాయి. ధరల హెచ్చుతగ్గులవల్ల భూముల యజమానుల్లో ఓ వైపు ఆనందం, మరోవైపు ఆవేదన కనిపిస్తోంది. రాజధాని ప్రాంతంలోని రైతులకు ఎక్కడెక్కడ ఏయే ధరలు ఎంతెంత ఉన్నాయన్నదీ గంటల వ్యవధిలోనే తెలిసిపోతోంది. వారు బంధువులు, స్నేహితులను అనునిత్యం ఆరా తీస్తున్నారు. పెద్ద రైతులు రెండు, మూడు ఎకరాలను విక్రయించుకుంటుండగా చిన్న, సన్నకారు రైతులూ అదే పనిలో ఉన్నారు. తమకు ఉన్నదాంట్లో కొంత భాగాన్ని అమ్ముకుంటున్నారు. భూముల ధరలు బాగా పలుకుతున్నాయన్న ఉద్దేశంతో విదేశాల్లో ఉంటున్నవారూ స్వగ్రామాలకు వచ్చి ఆరా తీస్తున్నారు. వీలైతే కొనుగోలు చేయడమో, విక్రయించడమో చేస్తున్నారు. భవిష్యత్తులో డబ్బు అవసరాలు ఎలా ఉంటాయోనన్న ఆలోచనలే ఇందుకు కారణం. భూ యజమానులు, విక్రేతలు, కొనుగోలుదారులు, దళారుల సమాచారం ప్రకారం... రాజధాని ప్రాంతంలో ఈ నెల ఒకటి, రెండు తేదీల్లో ఎకరం రూ.70 లక్షల నుంచి రూ.75 లక్షలు పలకగా అదే ప్రాంతంలో 3, 4, తేదీల్లో 80 లక్షల నుంచి 85 లక్షలకు చేరింది. మరుసటి రోజుకు రోడ్డు పక్కనున్న పొలాలు రూ.కోటికి చేరాయి. బాగా లోపల ఉన్న భూముల ధరలు రూ.85 లక్షల నుంచి 90 లక్షలవద్ద నిలిచాయి. 17 గ్రామాల్లో దాదాపుగా ఒకే ధర కొనసాగుతోంది. సోమవారం ఓ గ్రామంలో ఎకరం రూ.1.47 కోట్లకు కొనుగోలు జరిగింది. మంగళవారం రూ.కోటిన్నర అయ్యింది. ఎక్కువ మంది రైతులు వేచి చూసే ధోరణిలోనూ ఉన్నారు. కృష్ణా నదికి, ప్రకాశం బ్యారేజీకి అత్యంత సమీపంలోని మూడు గ్రామాల్లోని పొలాల ధరలు కొద్ది రోజుల కిందటి వరకూ రూ.6 కోట్ల నుంచి రూ.7కోట్ల వరకు పలికాయి. విజయవాడకు చెందిన ప్రముఖ వ్యక్తులు, ధనవంతులకు ఇక్కడి భూములపై ప్రీతి ఎక్కువ. వాటికి కొద్ది దూరంలోని భూముల ధరలు నూ.3 కోట్ల నుంచి రూ.5 కోట్ల వరకు ఉండేవి. రాజధాని ప్రాంతంలో ఆ గ్రామాలను కలిపిన తరువాత ధరలు తగ్గాయి. రాజధాని ప్రాంతంలోని పలు గ్రామాల్లోని 90శాతం మంది రైతులు మాటకు కట్టుబడి ఉంటున్నారు. ముందుగా కుదుర్చుకున్న ఒప్పందం ప్రకారం భూమిని రిజిస్ట్రేషన్‌ చేయిస్తున్నారు. ఎకరంపై రూ.20 లక్షల నుంచి 30 లక్షలు అదనంగా పెరిగినా ముందుగా ఇచ్చిన మాట ప్రకారం విక్రయిస్తున్నారు. ఈనెల ఐదో తేదీన ఎకరం రూ.99 లక్షల చొప్పున బేరం జరిగింది. రూ.లక్ష అడ్వాన్సుగా ఇచ్చారు. మంగళవారానికి అక్కడ రూ.1.45 కోట్లకు చేరింది. అయినా తొలి ఒప్పందం ప్రకారం రైతు రిజిస్ట్రేషన్‌ చేయించడం గమనార్హం. మరో గ్రామంలో పది మంది చిన్నకారు రైతులు తమకున్న కొద్దిపాటి పొలంలో కొంత విక్రయించడానికి ఒప్పందాలు కుదుర్చుకున్నారు. ఎకరం రూ.1.20 కోట్ల వరకు ధర పలికింది. అది రూ.1.35 కోట్లకు చేరింది. దళారుల నుంచి ముందుగా తీసుకున్న అడ్వాన్సులను ఎనిమిది మంది రైతులు తిరిగి ఇచ్చేశారు. మందడం, తుళ్లూరు, మల్కాపురం, దొండపాడు తదితర ప్రాంతాల్లో ఈ పరిస్థితులు ఉన్నాయని కొనుగోలుదారులు, దళారులు చెబుతున్నారు. నదీ సమీప గ్రామాల్లోని రైతులు భూముల విక్రయానికి అంతగా సుముఖత చూపడంలేదు.

నీళ్ల సీసాలపై మీ పేర్లు!

‘మంచి వ్యాపారవేత్త కావాలంటే ఎంబీఏలే చదవాల్సిన అవసరంలేదు. సామాజిక చొరవ ఉంటే చాలు! చక్కటి ఆలోచనతో ఒక్క రూపాయి కూడా పెట్టుబడి లేకుండా ఈ ఏడాదిన్నరలో రెండు...

వెండితెరపై కోట్ల ‘కాంతి’

సినిమా అనేది కచ్చితంగా వ్యాపారమే. ఏ కథానాయకుడికి ఎంత మార్కెట్‌ ఉంది? అనే లెక్కలు ఎప్పుడూ అవసరమే. పెట్టిన ప్రతీపైసాకీ గ్యారెంటీ ఉందన్న నమ్మకం కుదిరిన...

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net