Wed, February 10, 2016

Type in English and Give Space to Convert to Telugu

'ఈ హనుమంతుడు మృత్యుంజయుడు!''విద్యా విలీనం''ఆ నాటి హామీలను నెరవేర్చండి''తెరాస గూటికి కుత్బుల్లాపూర్‌ ఎమ్మెల్యే''కాల్పుల్లో అనూహ్య మలుపు''ఉగ్ర మూలం ఐఎస్‌ఐ''వెనక్కు పంపాం.. బహిష్కరణ కాదు''సుశీల్‌ కొయిరాలా కన్నుమూత''వెళ్లిరా నేస్తమా...''రాజ్యాంగం పవిత్రతను కాపాడాలి'
కృష్ణాపై కొత్త జల విద్యుత్కేంద్రాలిక అసాధ్యం!
తెలంగాణలో ప్రస్తుతమున్న వాటితోనే విద్యుదుత్పత్తి
ప్రభుత్వానికి తెలంగాణ జెన్‌కో నివేదిక
ఈనాడు - హైదరాబాద్‌
కృష్ణానదిపై తెలంగాణ రాష్ట్ర పరిధిలో కొత్తగా మరెక్కడా జల విద్యుత్కేంద్రాల నిర్మాణానికి అవకాశంలేదని తెలంగాణ జెన్‌కో తాజాగా స్పష్టంచేసింది. తెలంగాణలో ఈ నదిపై కొత్త జల విద్యుత్కేంద్రాల నిర్మాణానికి ఎక్కడెక్కడ అవకాశాలున్నాయనే అంశంపై తాజా సమాచారాన్ని ప్రభుత్వానికి జెన్‌కో అందజేసింది. ఈ నివేదికలోని ముఖ్యాంశాలు...
* కృష్ణా నదిపై తెలంగాణలో ప్రస్తుతం 5 చోట్ల జల విద్యుత్కేంద్రాలున్నాయి. అవి ప్రియదర్శిని జూరాల (ఎగువ), దిగువ (లోయర్‌) జూరాల, శ్రీశైలం, నాగార్జునసాగర్‌, పులిచింతల. వీటిలో పులిచింతల ప్రాజెక్టు వద్ద కొత్తగా నిర్మించిన విద్యుత్కేంద్రం దాదాపు పూరైంది. ఇక్కడ త్వరలో ఉత్పత్తి ప్రారంభం కానుంది. ఇదొక్కటే కొత్తగా అందుబాటులోకి వచ్చే జల విద్యుత్‌ అని జెన్‌కో తెలిపింది. ఇది కాకుండా భవిష్యత్తులో ఈ నదిపై మరెక్కడా కొత్త విద్యుత్కేంద్రాల నిర్మాణం సాధ్యం కాదు. ఎందుకంటే ప్రస్తుతమున్న ప్రాజెక్టులు, విద్యుత్కేంద్రాల మధ్య నీటిమట్టాల స్థాయిలన్నీ దాదాపు సమానంగా ఉండటమే కారణమని జెన్‌కో వివరించింది.

* సముద్రమట్టం నుంచి నది నీటి ప్రవాహం ఎంత ఎత్తులో ఉందన్నది మీటర్లలో లెక్కిస్తారు. ప్రస్తుతమున్న పాత జలవిద్యుత్‌ కేంద్రాల నుంచి నదిలోకి నీటి విడుదల ఎంత మట్టంలో ఉందన్నది ఇందులో చాలా కీలకం. ఒక స్థలంలో ఉన్న జల విద్కుత్కేంద్రం వద్ద నీటి విడుదల ఏ మట్టంలో ఉంది... దాని తరవాత ఉన్న మరో కేంద్రంలోకి వరద నీరు వెళ్లే నీటిమట్టం ఎంత ఉందో పోల్చి చూస్తారు. ఈ రెండు నీటి మట్టాల మధ్య తేడా అధికంగా ఉంటేనే రెండు కేంద్రాల మధ్య నదిపై మరో జలవిద్యుత్కేంద్రాన్ని కొత్తగా నిర్మించాలన్నది ప్రాథమిక సూత్రం. ప్రస్తుతం కృష్ణానదిపై ఉన్న 4 జలవిద్యుత్‌ కేంద్రాల మధ్య ఈ నీటి మట్టాలను పోల్చి చూస్తే ఎక్కడా పెద్దగా వ్యత్యాసం లేదు. పైగా ప్రతి రెండు కేంద్రాల మధ్య నీటిమట్టాలు సాంకేతికంగా దాదాపు సమానంగా ఉండటంతో కొత్త జలవిద్యుత్‌ కేంద్రాల నిర్మాణం సాధ్యం కాదని విద్యుత్‌ ఇంజినీర్లు తెలిపారు.

* ఉదాహరణకు ప్రియదర్శిని జూరాల జల విద్యుత్కేంద్రంలో విద్యుత్తును ఉత్పత్తి చేసిన తర్వాత ‘నీటిని కిందకు వదిలే స్థలంలో నది నీటిమట్టం’ (టీడబ్లు్యఎల్‌) 299.60 మీటర్లు ఉంది. ఇక్కడ నది ప్రవాహం.. సముద్ర మట్టానికి ఎంత ఎగువన ఉందో తెలిపేదాన్ని టీడబ్లు్యఎల్‌ లెక్కగా మీటర్లలో చెపుతారు. ప్రియదర్శిని జూరాల జల విద్యుత్కేంద్రం నుంచి సరిగ్గా 7.8 కిలోమీటర్ల దూరంలో లోయర్‌ జూరాల జల విద్యుత్కేంద్రం ఉంది. ఈ లోయర్‌ జూరాల కేంద్రంలో విద్యుత్తు ఉత్పత్తికి ‘‘వరద నీరు వచ్చే నీటిమట్టం’’ (ఎస్‌ఆర్‌ఎల్‌) 299 మీటర్లు ఉంది. అంటే ప్రియదర్శిని జల విద్యుత్కేంద్రం వద్ద నీటిని వదిలే మట్టం... లోయర్‌ వద్ద నీరు చేరే మట్టం దాదాపు సమానం. అందువల్ల ఈ రెండు కేంద్రాల మధ్య నదిపై ఇంకెక్కడా కొత్త జల విద్యుత్కేంద్రం నిర్మాణం సాధ్యం కాదు.

* లోయర్‌ జూరాల జల విద్యుత్కేంద్రం వద్ద టీడబ్లు్యఎల్‌ 269.90 మీటర్లు. కాగా లోయర్‌ జూరాల నుంచి సరిగ్గా 175 కిలోమీటర్ల దూరంలో శ్రీశైలం జల విద్యుత్కేంద్రం ఉంది. శ్రీశైలం జల విద్యుత్కేంద్రంలోకి వరదనీరు వచ్చే నీటిమట్టం సముద్రానికి 269.748 మీటర్ల ఎగువన ఉంది. సరిగ్గా లోయర్‌ జూరాల జల విద్యుత్కేంద్రం వద్ద టీడబ్లు్యఎల్‌ 269.90 కావడంవల్ల ఈ రెండు మట్టాలు దాదాపు సమానం. అందువల్ల లోయర్‌ జూరాల నుంచి శ్రీశైలంవరకూ మధ్యలో 175 కిలోమీటర్ల దూరంలో ఎక్కడా అదనపు జల విద్యుత్కేంద్రం నిర్మించడం సాధ్యం కాదు.

* శ్రీశైలం జల విద్యుత్కేంద్రం వద్ద టీడబ్లు్యఎల్‌ 179.832 మీటర్లు. కాగా శ్రీశైలం నుంచి 98 కిలోమీటర్ల దూరంలో గల నాగార్జునసాగర్‌ జల విద్యుత్కేంద్రంలోకి వరద నీరు వచ్చే నీటిమట్టం కూడా 179.832 మీటర్లే. అంటే సరిగ్గా శ్రీశైలం జల విద్యుత్కేంద్రం వద్ద టీడబ్లు్యఎల్‌తో సమానం. ఈ నేపథ్యంలో ఈ రెండు జల విద్యుత్కేంద్రాల నడుమ కొత్తగా మరొకటి నిర్మించడం కుదరదు.

* నాగార్జునసాగర్‌ జల విద్యుత్కేంద్రం టీడబ్లు్యఎల్‌ 73.50 మీటర్లు. ఈ కేంద్రంలో విద్యుదుత్పత్తికి టర్బైన్లు తిరగడానికి కనీసం 75.50 మీటర్ల నీటమట్టం ఉండాలి. ఈ స్థాయిలో నీటిని నిల్వ చేయడానికే నాగార్జునసాగర్‌ టెయిల్‌పాండ్‌లోకి 75.50 మీటర్ల నీటిమట్టం ఉండేలా నిర్మించారు. ఈ రెండు నీటిమట్టాలు దాదాపు సమానం. దీంతో వీటి మధ్య ఎక్కడా కొత్త విద్కుత్కేంద్రం సాధ్యం కాదు.

* నాగార్జునసాగర్‌ టెయిల్‌పాండ్‌ వద్ద నీటిని వదిలే నీటిమట్టం 48.33 మీటర్లు. దీని నుంచి నదిపై కిందన గల పులిచింతల జల విద్యుత్కేంద్రంలోకి వరద నీరు వచ్చే నీటిమట్టం 53.34 మీటర్లు. ఈ రెండు నీటిమట్టాల మధ్య పెద్దగా తేడా లేనందున మధ్యలో కొత్త విద్యుత్కేంద్రం సాధ్యం కాదు.

విద్యుత్తు తెచ్చే దారేది?
త్తీస్‌గఢ్‌ నుంచి రాష్ట్రానికి 1000 మెగావాట్ల విద్యుత్తును తక్కువ సమయంలో తెచ్చుకోవడానికి ఉన్న అన్ని మార్గాలను తెలంగాణ సర్కారు అన్వేషిస్తోంది. ఇందుకు ఏయే విద్యుత్తు లైన్లు ఉపకరిస్తాయన్న దానిపై ప్రభుత్వం దృష్టి సారించింది. సోమవారం చెన్నైలో ‘దక్షిణభారత ప్రాంత లోడ్‌ డిశ్పాచ్‌ కేంద్రం’ (ఎస్‌ఆర్‌ఎల్‌డీసీ) ఆధ్వర్యంలో దక్షిణాది రాష్ట్రాల ఇంధన శాఖల అధికారులసమావేశం జరగనుంది. దీనికికేంద్ర విద్యుత్తు శాఖ ఉన్నతాధికారులు హాజరవుతున్నారు. కేంద్రం ఈ నెల 19న ఢిల్లీలో దక్షిణ భారత రాష్ట్రాల ప్రధాన కార్యదర్శుల సమావేశాన్ని ఏర్పాటు చేస్తోంది. ఈ రెండు సమావేశాల్లోనూ తెలంగాణలో నెలకొన్న విద్యుత్తు కొరతను ప్రస్తావించి సమస్యల పరిష్కార మార్గాలను రాబట్టేందుకు రాష్ట్ర ఇంధనశాఖ కసరత్తులు చేస్తోంది.

మమ్మల్నీ ఉద్యోగులే అనుకున్నారు!

బయోటెక్నాలజీ రంగాన్ని చాలా ఇష్టంగా ఎంచుకున్నారా ఇద్దరు..!కానీ ఆ చదువుకు తగ్గ ఉద్యోగాల్లేవు.. ఈ పరిస్థితుల్లో ఎవరయినా ఉన్నచోటే వేరే ఉద్యోగాలు చూసుకోవడమో...

ఏప్రిల్‌ 1న లడ్‌కీ.. లడ్‌కా.. షురూ..

అర్జున్‌ కపూర్‌, కరీనా కపూర్‌ జంటగా తెరకెక్కుతున్న ‘కీ అండ్‌ కా’ చిత్రాన్ని ఏప్రిల్‌ 1న విడుదల చేయనున్నట్లు .............

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net