Sat, February 06, 2016

Type in English and Give Space to Convert to Telugu

'గులాబీ.. సునామీ''మాట నిలబెట్టుకుంటాం''నౌకా సంరంభం నేడే''కక్షతోనే పార్లమెంటులో రగడ!''వ్యూహాత్మక విజయం''ఆఖర్లో వచ్చారు.. అదరగొట్టారు!''సమర సేనాని''పర్యాటకులకు మణిహారం''ముద్రగడ ఆమరణ దీక్ష''హైదరాబాద్‌లో మరో రెండు పెద్దాసుపత్రులు'
కనీస వేతనం రూ.13వేలు!
వేతన సవరణ సంఘం సిఫార్సు
మూలవేతనం 50- 69 శాతం కోరుతున్న ఉద్యోగులు
పీఆర్‌సీ భారం ఏటా రూ.2,500 కోట్ల పైనే
తెలంగాణ ఆర్థిక శాఖ అంచనా
ఈనాడు, హైదరాబాద్‌: తెలంగాణ రాష్ట్రంలో ఉద్యోగుల కనీస వేతనాన్ని రూ.13వేలుగా వేతన సవరణ సంఘం(పీఆర్‌సీ) సిఫార్సు చేసినట్లు సమాచారం. ప్రస్తుతం కనీస వేతనం రూ.7,100 మేర ఉంది. కనీస వేతనం పెంపునకు అనుగుణంగా మాస్టర్‌ స్కేలులోని వివిధ దశల్లోని వేతనాలూ పెరుగుతాయి. మూలవేతనం పెంపు(ఫిట్‌మెంట్‌) అయిదు శాతం చొప్పున పెరుగుతూ ఉంటే ఒక్కో ఇంక్రిమెంట్‌ కలుస్తుంది. దీంతో ఉద్యోగులు ఇప్పుడు దీన్ని 37, 42 శాతం అడగాలని భావిస్తున్నారు. ఈ అంచనాలతోనే టీఎన్జీవోలు మూలవేతనం 69 శాతం మేర ఇవ్వాలని డిమాండ్‌ చేస్తున్నారు.

నగదు ప్రయోజనం తేదీ కూడా ముఖ్యమే: ఫిట్‌మెంట్‌ ఖరారైన తర్వాత దాన్ని నగదు ప్రయోజనంగా అందుకొనే తేదీ అతి కీలకమైనది. ఆర్థిక శాఖ తాజాగా రూపొందించిన నివేదికలో ఇటువంటి తేదీపై నిర్ణయాన్ని సర్కారుకే విడిచిపెట్టింది. పీఆర్‌సీని అమలు చేస్తున్నట్టుగా ఉత్తర్వును ఇచ్చిన తేదీ నుంచి మాత్రమే నగదు ప్రయోజనాన్ని అమలు చేసిన సందర్భాలు గతంలోఉన్నాయి. దీంతో ఉద్యోగులు అనేక నెలలపాటు నగదు ప్రయోజనాన్ని కోల్పోతూ వచ్చారు. పదో పీఆర్‌సీని 2013, జూలై 1వ తేదీ నుంచి అమలు చేయాల్సి ఉన్నందున అప్పటి నుంచి నగదు ప్రయోజనాన్ని కల్పించాలని ఉద్యోగ సంఘాల నేతలు కోరుతున్నారు.

పీఆర్‌సీ భారం ఏటా రూ.2,500 కోట్ల పైనే: రాష్ట్రంలో ఉద్యోగుల కొత్త వేతనాలకు నాలుగేళ్లపాటు ఏటా అదనంగా రూ. 2,500 కోట్లకు పైగా ఖర్చుకానున్నట్టు ఆర్థిక శాఖ అంచనా వేసింది. ఉద్యోగులు మూలవేతనం పెంపును సాధించుకున్నట్లయితే ఈ భారం మరింత ఎక్కువగా ఉండనుంది. మూలవేతనంలో పెంపును వేతన సవరణ కమిషనరు 29 శాతం సిఫార్సు చేయగా ఉద్యోగ, ఉపాధ్యాయ సంఘాలు మాత్రం 50 శాతం నుంచి 69 శాతం మేర ఉండాలని కోరుతున్నాయి. 10వ పీఆర్‌సీ సిఫార్సులను అనుసరించి ఉద్యోగులకు, పింఛనుదారులకు వివిధ ప్రయోజనాలను కల్పిచేందుకు తాజా బడ్జెట్‌లో ప్రభుత్వం రూ.2,500 కోట్ల మేర కేటాయించింది. ఈ అదనపు భారం వచ్చే ఏడాది రూ.2,625 కోట్లు అవుతుంది. ఇలా 2017-18 నాటికి రూ. 2,894 కోట్లకు చేరుతుంది.

కనీసం జనవరి నుంచైనా అమలు చేయాలి.. దేవీ ప్రసాద్‌: ‘‘ఫిట్‌మెంట్‌ను ఖరారు చేశాక ఆర్థిక ప్రయోజనాన్ని 2013, జూలై 1వ తేదీ నుంచి అమలు చేయాలని ఉద్యోగులు కోరుతున్నారు. ఒక వేళ జూలై నుంచి ఆర్థిక ప్రయోజనం కల్పించటం ఇబ్బందిగా ఉన్నట్లైతే కనీసం మాకు ఐఆర్‌ను మంజూరు చేసిన 2014, జనవరి నుంచైనా అమలు చేయాలి’’.

జీన్స్‌ ప్రభ!

కొన్నిరోజులు వాడగానే జీన్స్‌ బిగుతైపోతాయి. అలాగని వాటిని పారేయలేం. ఎందుకంటే చూడ్డానికేమో కొత్తగా ఉంటాయి. అలాంటి జీన్స్‌నే రీసైకిల్‌ చేసి కొత్త ఉత్పత్తులుగా మార్కెట్‌లోకి...

మనసంతా పొరుగు కథలపైనే!

మహేష్‌బాబు లాంటి ఒకరిద్దరు కథానాయకులు తప్ప దాదాపుగా మిగిలిన తెలుగు హీరోలందరూ రీమేక్‌ చిత్రాలపై మోజు ప్రదర్శించేవాళ్లే. పొరుగు భాషలో ఒక మంచి సినిమా...

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net