Sat, February 06, 2016

Type in English and Give Space to Convert to Telugu

'గులాబీ.. సునామీ''మాట నిలబెట్టుకుంటాం''నౌకా సంరంభం నేడే''కక్షతోనే పార్లమెంటులో రగడ!''వ్యూహాత్మక విజయం''ఆఖర్లో వచ్చారు.. అదరగొట్టారు!''సమర సేనాని''పర్యాటకులకు మణిహారం''ముద్రగడ ఆమరణ దీక్ష''హైదరాబాద్‌లో మరో రెండు పెద్దాసుపత్రులు'
శాసనసభ సమావేశాలు ‘నాగార్జున’లో ?
నేడు పరిశీలించనున్న సభాపతి
ఈనాడు, హైదరాబాద్‌, గుంటూరు: ఆంధ్రప్రదేశ్‌ శాసనసభ సమావేశాలను గుంటూరు జిల్లాలోని నాగార్జున విశ్వవిద్యాలయంలో నిర్వహించే విషయమై ప్రభుత్వం కసరత్తు చేస్తోంది. పరిస్థితులు అనుకూలిస్తే ఈ నెలాఖరు, లేదా డిసెంబరు మొదటి వారంలో అయిదారు రోజుల పాటు జరపదలచిన శీతాకాల సమావేశాలకు విశ్వవిద్యాలయం వేదిక కానుంది. సాధ్యాసాధ్యాలపై పరిశీలనకు సోమవారం శానసభాపతి కోడెల శివప్రసాదరావు, శాసనసభ కార్యదర్శి సత్యనారాయణ, అందుబాటులో ఉన్న రాష్ట్ర మంత్రులు, గుంటూరు జిల్లాకు చెందిన కొందరు శాసనసభ్యులు విశ్వవిద్యాలయానికి రానున్నారు. 175మంది శాసనసభ్యులు, ఉన్నతాధికారులు, శాసనసభ సిబ్బందికి.. వసతి, భద్రత, సౌకర్యాలు కల్పించడం సాధ్యమవుతుందా అనే అంశాన్ని పరిశీలించనున్నారు. ఇక్కడ దాదాపు వేయి మంది కూర్చునే సామర్థ్యం కలిగిన హెచ్‌హెచ్‌ డెక్‌మెన్‌, సర్‌ జాన్‌ డేవిడ్‌ సమావేశ మందిరం అందుబాటులో ఉంది. దీనికి ఏసీ సౌకర్యం ఉంది. దీన్ని అసెంబ్లీ హాలుగా వినియోగించుకునేందుకు ఉన్న అవకాశాలను చూడనున్నారు. ఈ మందిరంలోకి సభాపతి, ముఖ్యమంత్రి, శాసనసభ్యులు వేర్వేరుగా ప్రవేశించేందుకు అనువైన మార్గాలున్నాయి. ప్రతి సీటు వద్దా మైకు లేదన్న ఒక్క లోపం తప్పా, మిగిలిన సౌకర్యాలు ఉన్నాయని అంచనా వేస్తున్నారు. కార్డ్‌లెస్‌ మైకులు ఇవ్వడం ద్వారా దీన్ని అధిగమించవచ్చని అంటున్నారు. ఇంజినీరింగ్‌ విభాగంలో కొత్తగా నిర్మిస్తున్న భవనాలను కూడా ఉపయోగించుకునేందుకు అవకాశం ఉందని భావిస్తున్నారు. విభాగాల అధిపతుల కార్యాలయాల తరలింపుపై రాష్ట్ర ప్రభుత్వం ఏర్పాటు చేసిన అధికారుల సంఘం కూడా ఇటీవల ఈ భవనాలను పరిశీలించిన తగిన మార్పులు చేయాలని సూచించింది. విశ్వవిద్యాలయంలో సమావేశాలు నిర్వహించి, ప్రజాప్రతినిధులు, అధికార్లకు గుంటూరు, విజయవాడల్లో వసతి కల్పిస్తే ఎలా ఉంటుందని ఆలోచిస్తున్నారు. సౌకర్యాలన్నీ బాగున్నాయని భావిస్తే శీతాకాల సమావేశాలు ఇక్కడ నిర్వహించాలని, అవి విజయవంతమయితే వచ్చే ఏడాది బడ్జెట్‌ సమావేశాలను కూడా ఇక్కడే జరపాలని భావిస్తున్నారు. అయితే ఈ సమావేశాల నిర్వహణ కారణంగా బోధనకు ఏమైనా ఆటంకం కలుగుతుందా అనే కోణంలోనూ అధ్యయనం చేస్తారు. వీటన్నింటిపై ప్రభుత్వానికి నివేదిక అందించనున్నారు.

జీన్స్‌ ప్రభ!

కొన్నిరోజులు వాడగానే జీన్స్‌ బిగుతైపోతాయి. అలాగని వాటిని పారేయలేం. ఎందుకంటే చూడ్డానికేమో కొత్తగా ఉంటాయి. అలాంటి జీన్స్‌నే రీసైకిల్‌ చేసి కొత్త ఉత్పత్తులుగా మార్కెట్‌లోకి...

భక్తిరస మధుర కావ్యానికి 84 ఏళ్లు..

అలనాటి దృశ్య కావ్యం భక్త ప్రహ్లాద విడుదలై నేటికి సరిగ్గా 84 ఏళ్లు పూర్తయ్యాయి. 1932 ఫిబ్రవరి 6న విజయవాడలోని దుర్గాకళామందిర్‌లో ....

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net