Fri, February 12, 2016

Type in English and Give Space to Convert to Telugu

'వైజ్ఞానిక మైలురాయి''విశ్రమించిన వీరుడు''మేయర్‌ ఎన్నిక ఏకగ్రీవం''కారెక్కిన మరో తెదేపా ఎమ్మెల్యే''‘బేర్‌’మన్న స్టాక్‌ మార్కెట్లు''‘ఆధార్‌’ ఇక తప్పనిసరి కాదు''కేంద్ర బడ్జెట్‌లో వ్యవసాయం''ఎంపీల జీతభత్యాలు త్వరలో రెట్టింపు!''మార్చి మొదటి వారంలో ‘పుర’ ఎన్నికలు''మేడారం జాతరను జాతీయ పండుగగా ప్రకటించండి'
అంతర్జాతీయ విద్యా మార్కెట్‌ భారత్‌దే!
2024కల్లా భారత్‌లో స్నాతకోత్తర విద్యార్థులు 4.8 కోట్ల మంది
విదేశాలకు 2.09 లక్షల మందితో రెండో స్థానం
54 శాతం మంది అమెరికాకే మొగ్గు
బ్రిటిష్‌ కౌన్సిల్‌ అధ్యయన నివేదిక అంచనా
ఈనాడు, హైదరాబాద్‌: మరో పదేళ్లలో విదేశాల్లో చదివే భారత్‌ విద్యార్థుల సంఖ్య గణనీయంగా పెరగనుంది. ప్రపంచవ్యాప్తంగా అత్యధిక సంఖ్యలో విద్యార్థులను విదేశాలకు పంపడంలో చైనా అగ్రస్థానంలో ఉండనున్నా; పీజీ విద్య చదివే వయసు వారి సంఖ్య చైనాలో తగ్గుతూ భారత్‌లో మాత్రం పెరుగుతూ వస్తోంది. ఫలితంగా ఈ విషయంలో భవిష్యత్తులో భారత్‌ ప్రథమ స్థానంలో నిలవనుందని బ్రిటిషు కౌన్సిల్‌ అధ్యయనంలో పేర్కొంది. ‘స్నాతకోత్తర విద్యార్థుల గమన తీరుతెన్నులు - 2014’ పేరిట అది తాజాగా ఓ నివేదిక విడుదల చేసింది. వచ్చే దశాబ్దంలో విద్యార్థుల గమ్యస్థానం అమెరికా, ఇంగ్లాండ్‌, జర్మనీ, ఆస్ట్రేలియా, కెనడా, జపాన్‌ దేశాలవుతాయని అంచనా వేసింది. అత్యధిక సంఖ్యలో విద్యార్థులను విదేశాలకు పంపడంలో చైనా, భారత్‌ మొదటి, రెండో స్థానాల్లో ఉంటాయని పేర్కొంది. వచ్చే పదేళ్లలో భారత్‌ నుంచి విదేశాల్లో చదివే విద్యార్థుల సంఖ్య శరవేగంగా పెరుగుతుందని వెల్లడించింది.
విశేషాలు..
* 2024 నాటికి భారత్‌లో స్నాతకోత్తర (పీజీ) విద్య చేరే వారి సంఖ్య 4.80 కోట్లు ఉంటుంది. అదే సమయంలో చైనాలో 3.70 కోట్లు, అమెరికాలో 2.20 కోట్లు, ఇండోనేషియాలో 1.10 కోట్ల మంది ఉంటారు.

* అత్యధిక సంఖ్యలో విద్యార్థులను విదేశాలకు పంపడంలో చైనా ప్రథమ స్థానంలో ఉండనున్నా అక్కడ యువకుల సంఖ్య ప్రస్తుతమున్న 10.9 కోట్ల నుంచి 2024 నాటికి 7.90 కోట్లకు తగ్గనుంది. అదే సమయంలో భారత్‌లో వారిసంఖ్య పెరగనుంది.

* చైనాలో యువకుల సంఖ్య తగ్గనున్నా 2024 నాటికి 3.38 లక్షల మందిని విదేశాలకు పంపుతూ మొదటిస్థానంలోనిలవనుంది. భారత్‌లో 2.09 లక్షల మంది విదేశాల్లో పీజీ చదువుతారు.

* 2024 నాటికి చైనా నుంచి 44 శాతం మంది అమెరికాలో స్నాతకోత్తర విద్యలో చేరితే భారత్‌ నుంచి 54 శాతం మంది ఉండనున్నారు. అంటే అమెరికాకు పెద్దమార్కెట్‌గా భారత్‌ నిలవనుంది.

* 8.3 శాతం విద్యార్థుల పెరుగుదలతో నైజీరియా మొదటి స్థానంలో ఉండగా భారత్‌ 7.5 శాతం, ఇండోనేషియా 7.2 శాతం, పాకిస్థాన్‌ 6.4 శాతం, సౌదీ అరేబియా 5.2 శాతంతో తర్వాత స్థానాల్లో ఉంటాయి.

* మొత్తం 4.07 లక్షల మంది విదేశీ విద్యార్థులతో అమెరికా ప్రథమ స్థానంలో నిలుస్తుంది. ఆ తర్వాత 2.41 లక్షల మందితో ఇంగ్లాండు, 1.13 లక్షలతో జర్మనీ, 1.12 లక్షలతో ఆస్ట్రేలియా రెండు, మూడు, నాలుగు స్థానాల్లో ఉంటాయి.

* అమెరికాకు ఏటా 4 శాతం విద్యార్థులు పెరుగుతారు. ఇంగ్లాండుకు మాత్రం 3.5 శాతానికి తగ్గిపోతారు. 2007-2012 వరకు ఇంగ్లాండులో వృద్ధి రేటు 4.1 శాతంగా నమోదైంది.

మారుతున్న చైనా, భారత్‌ విద్యార్థుల గమ్యం
ఇంగ్లాండులో చదివే భారతీయుల సంఖ్య తగ్గనుంది. చైనా నుంచి మాత్రం పెరగనుంది. ప్రస్తుతం భారత విద్యార్థులు అమెరికా, ఆ తర్వాత ఇంగ్లాండ్‌లో అత్యధికంగా చదువుకుంటున్నారు. 2024 నాటికి ఇంగ్లాండ్‌ స్థానాన్ని ఆస్ట్రేలియా ఆక్రమించనుంది.

సమంత@100 కేజీలు

మొదటి సినిమాలో సన్నగా సన్నజాజి తీగలా కనిపించి..రెండో చిత్రానికి వచ్చేసరికి బొద్దుగుమ్మగా దర్శనమిచ్చారు ఎంతో మంది కథానాయికలు....

జైగంగాజల్‌ ట్రైలర్‌ విడుదల

ప్రకాశ్‌ ఝా దర్శకత్వంలో ప్రియాంక చోప్రా ప్రధాన పాత్రలో తెరకెక్కుతున్న జైగంగాజల్‌ చిత్ర ట్రైలర్‌ను విడుదల....

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net