Mon, February 08, 2016

Type in English and Give Space to Convert to Telugu

'కడలి వేదికగా కదన విన్యాసం''కల్తీల నుంచి కాపాడాలి''ఎస్సై కొలువులకు సై''వాట్సన్‌ @ రూ. 9.5 కోట్లు''హామీలు నెరవేర్చే వరకు దీక్ష''అన్నయ్యే వారసుడు..''ప్రజల మనసులు చూరగొంటూ..''సాగర జలాల్లో స్నేహబంధం''కాగిత రహిత టికెట్ల దిశగా రైల్వే''అనుమతి లేకుండా ప్రాజెక్టులు'
కంది పప్పు ధరలకు మళ్లీ రెక్కలు!
కొత్త పంట వచ్చే సమయంలో కొనుగోళ్లకు
సిద్ధమవుతున్న ఏపీ, తెలంగాణ ప్రభుత్వాలు
ప్రజా పంపిణీ కోసం టెండర్లు ఆహ్వానించే యోచన
ఇదే అదనుగా ధరలు పెంచేస్తున్న వ్యాపారులు
ఈనాడు - హైదరాబాద్‌
కాశాన్నంటిన కంది పప్పు ధర ఈ మధ్యే కొత్త పంట రాకతో ఓ మెట్టు దిగింది. కిలో రూ.200 నుంచి రూ.175కు, ఆ తర్వాత రూ.155 వరకూ దిగి వచ్చింది. కానీ, ఈ వారం ఆరంభంలోనే మళ్లీ రూ.185 నుంచి రూ.190కు పెరిగింది. బహిరంగ విపణి(మార్కెట్టు)లోకి కొత్త పంట వస్తున్న వేళ మళ్లీ ధర పెరగటానికి కారణం ...ఆంధ్రప్రదేశ్‌, తెలంగాణ రాష్ట్ర ప్రభుత్వాలు ప్రజాపంపిణీ వ్యవస్థ కోసం వచ్చే మూడు నెలల కాలానికి కంది పప్పును ఒకేసారి కొనుగోలు చేసేందుకు సిద్ధమవటమేనని మార్కెట్‌ వర్గాలు భావిస్తున్నాయి. ఈ రెండు రాష్ట్రాలు దాదాపు 28వేల మెట్రిక్‌ టన్నుల కందిపప్పును కొనుగోలు చేసేందుకు టెండర్లు పిలవనున్నాయని సమాచారం. కొత్త పంట రాకతో ధరలు తగ్గు ముఖం పట్టనున్న దశలో తెలంగాణ, ఏపీ ప్రభుత్వాలు భారీగా కందిపప్పు కొనుగోలు చేసేందుకు సమాయత్తం కావటంతో ఖజానాపైనా ఆ భారం పడనుంది. ధరలు తగ్గుతాయని తెలిసినప్పటికీ ప్రజా పంపిణీ వ్యవస్థ కోసం ప్రభుత్వం కొనుగోలుకు సన్నద్ధం అవటం వ్యాపారులకు అందివచ్చిన అవకాశంగా మారింది. తెలంగాణలో సుమారు 13 వేల మెట్రిక్‌ టన్నులు, ఆంధ్రప్రదేశ్‌లో 15 వేల మెట్రిక్‌ టన్నుల వరకు కందిపప్పు కొనుగోలు చేసేందుకు వారాంతంలోగా టెండర్లు ఆహ్వానించేందుకు అధికారులు దస్త్రాలను సిద్ధం చేస్తున్నారు. ఈ టెండర్లను దృష్టిలో పెట్టుకునే మిల్లర్లు, వ్యాపారులు ధరల పెంచారన్న ఆరోపణలు వస్తున్నాయి. రేషన్‌ కార్డుదారులకు తెలంగాణ ప్రభుత్వం కిలో రూ.50 చొప్పున, ఆంధ్రప్రదేశ్‌ ప్రభుత్వం రూ.90 చొప్పున కందిపప్పును సరఫరా చేస్తున్నాయి. దీనికోసం తెలంగాణ రాష్ట్రానికి నెలకు సుమారు 4,500 మెట్రిక్‌ టన్నులు, ఏపీకి 6,500 మెట్రిక్‌ టన్నుల కందిపప్పు అవసరం. ప్రతి మూడు నెలలకు ఒకదఫా కందిపప్పును టెండర్ల ద్వారా కొనుగోలు చేయటం ఆనవాయితీగా ఉంది.

కొత్త పంట రాక ప్రారంభం
కొత్త కందిపప్పు విపణిలోకి రావటం ఇప్పటికే ప్రారంభమయ్యింది. డిసెంబరు మొదటి వారానికి ఈ రాక మరింత పెరుగుతుంది. మహబూబ్‌నగర్‌, నారాయణ్‌పూర్‌ ప్రాంతాలకు చెందిన కందిపప్పు ఇప్పటికే బహిరంగ విపణిలోకి వచ్చింది. కొత్త పంట వచ్చే వేళ ధరలు తగ్గుతుంటాయి. ఈ విషయం అధికారులకు తెలిసినా మూడు నెలలకు సరిపడా కందిపప్పును ఒకేసారి కొనుగోలు చేయటానికి టెండర్లను సిద్ధం చేయటం చర్చనీయాంశమయ్యింది. ఇటీవల టెండర్లకు సంబంధించి కిలో ఒక్కింటికి రూ.143.50 చొప్పున మిల్లర్లు సరఫరా చేశారు. కొత్త కందిపప్పు అందుబాటులోకి వస్తున్నందున ధర కనీసంగా కిలోకు రూ.30 నుంచి రూ.40 వరకు తగ్గే అవకాశం ఉంటుంది. ఈ తరుణంలో అధికారులు భారీ మొత్తంలో కందిపప్పును అధిక ధరకు కొనుగోలు చేస్తే ప్రభుత్వ ఖజానాపై భారం పడుతుంది. అధికారులు తొలి దశలో డిసెంబరు నెలకు సరిపోయేటంతటి కందిపప్పును కొనుగోలు చేసి, ధర తగ్గిన తరవాత మిగిలిన మొత్తం కొనుగోలు చేస్తే ప్రభుత్వంపై అంతగా భారంపడదనే అభిప్రాయం వ్యక్తం అవుతోంది.

మాధవన్‌ పళ్లురాలగొట్టాను..!

సినిమా కోసం ఉత్తుత్తినే కాదు.. నిజంగానే అంతపని చేసిందట రితిక. గత వారం విడుదలై సంచలన విజయం సాధించిన ‘సాలా ఖడూస్‌’ చిత్రం కథానాయిక. అప్పుడెప్పుడో పరుగుల రాణీ...

ఉప్పల్‌లో పరుగుల పండగ

మ్యాచ్‌ అంటే ఇదీ.. ఆడేది సినిమావాళ్లే అయినా, అంతర్జాతీయ మ్యాచ్‌కి ఏమాత్రం తీసిపోదు. టీ ట్వంటీలో ఉండే అసలైన మజా... మరోసారి తెలిసొచ్చింది....

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net