Thu, February 11, 2016

Type in English and Give Space to Convert to Telugu

'హైదరాబాద్‌కు యాపిల్‌''కారెక్కిన ఎర్రబెల్లి''మేయర్‌ బొంతు రామ్మోహన్‌!''హనుమంతప్ప పరిస్థితి మరింత విషమం''భాగ్యనగరం తరహాలో ఖేడ్‌ అభివృద్ధి''మహా జాతరకు శ్రీకారం''ఓటుకు నోటు కేసులో మరో తెదేపా ఎమ్మెల్యే అరెస్టు?''ప్రయాణికులపై మళ్లీ వడ్డింపు?''గవర్నర్లు రాష్ట్రాలకు ఉత్ప్రేరకాలు''మహానగర అభివృద్ధికి 100 రోజుల ప్రణాళిక!'
ఆయుష్‌ నియామకాలకు అనుమతి
మొత్తం 391 ఉద్యోగాల్లో వైద్య పోస్టులు 184
అన్నీ ఒప్పంద పద్ధతిలోనే
నియామక మార్గదర్శకాలపై అస్పష్టత
ఈనాడు - హైదరాబాద్‌
యుష్‌ విభాగంలో గత మూడేళ్లుగా ఖాళీగా ఉన్న 391 పోస్టుల భర్తీకి తెలంగాణ సర్కారు అనుమతించింది. ఈ ఖాళీలన్నింటినీ ఒప్పంద (కాంట్రాక్టు) పద్ధతిలోనే భర్తీ చేస్తారు. అయితే, నియామకాలకు సంబంధించి స్పష్టమైన మార్గదర్శకాలు రూపొందించకపోవడంతో గందరగోళం నెలకొనే పరిస్థితులు ఉన్నాయి.

అలోపతి, ఆయుర్వేదం, హోమియో, యునానీ, ప్రకృతి వైద్యం.. తదితర వైద్యసేవలన్నింటినీ ఒకే ఆరోగ్య కేంద్రంలో అందించాలనే లక్ష్యంతో.. కేంద్ర ప్రభుత్వం జాతీయ గ్రామీణ ఆరోగ్య మిషన్‌ కింద ప్రాథమిక ఆరోగ్య కేంద్రాల్లోనూ(పీహెచ్‌సీ) ఆయుష్‌ సేవలను ప్రారంభించింది. రెండు విడతల్లో 892 పోస్టులను మంజూరు చేసింది. అయితే, గత మూడేళ్లుగా ఇందులో 391 పోస్టులు ఖాళీగా ఉంటున్నాయి. తాజాగా తెలంగాణ ప్రభుత్వం ఈ ఖాళీలను భర్తీ చేసేందుకు పచ్చజెండా వూపింది. నియామకాలపై ప్రత్యేక మార్గదర్శకాలేవీ రూపొందించకుండా ఆయుష్‌ కమిషనర్‌ నుంచి దస్త్రం సిద్ధమైనట్లు తెలిసింది. ఈ ఖాళీల్లోనూ ఇటీవల భర్తీ ప్రక్రియ చేపట్టిన ‘రాష్ట్రీయ బాల సురక్షా కార్యక్రమం(ఆర్‌బీఎస్‌కే)’ మాదిరిగానే నియామకాలు జరపాలని భావిస్తున్నట్లు సమాచారం. జిల్లాలవారీగా ప్రతిభ ఆధారంగా నియామకాలు చేపడితే.. ఆర్‌బీఎస్‌కే భర్తీలో ఎదురైన అనుభవాలే ఆయుష్‌ నియామకాల్లోనూ ఎదురయ్యే అవకాశాలున్నాయి. వైద్యుల పోస్టులు రాష్ట్ర స్థాయివి కావడంతో.. ప్రతిభావంతులైన వైద్యులు అన్ని జిల్లాల్లోనూ దరఖాస్తు చేసుకునే వెసులుబాటు ఉంటుంది. ఈ క్రమంలో ఒక జిల్లాలో నియామక ప్రక్రియ ముందుగా ప్రారంభమై.. అక్కడ ప్రతిభావంతుడు ఎంపికై.. ఆ తర్వాత మరో జిల్లాలో నియామకాల్లోనూ ఇదే ప్రతిభావంతుడే ఎంపికయ్యే అవకాశాలుంటాయి. అప్పుడు ఒక చోట రాజీనామా చేసి.. మరోచోట చేరిపోతారు. ఇలా అన్ని జిల్లాల్లోనూ చేరికలు, రాజీనామాలతో ఎక్కువ సంఖ్యలోనే ఖాళీలు ఏర్పడే అవకాశాలున్నాయి. ఈ పరిస్థితి ప్రస్తుతం ఆర్‌బీఎస్‌కే నియామకాల్లోనూ ఎదురవుతోంది. ఈ పరిస్థితుల్లో రాష్ట్రస్థాయిలోనే నియామక ప్రక్రియను ఎందుకు చేపట్టకూడదనే అభిప్రాయం వ్యక్తమవుతోంది. ఒప్పంద పద్ధతిలో జరిపే ఈ భర్తీలో వేతనాలను కూడా స్పష్టం చేయనట్లుగా తెలుస్తోంది. ఈ విషయాలన్నింటిపై ఆయుష్‌ కమిషనర్‌ చొరవ తీసుకొని నియామక మార్గదర్శకాలను స్పష్టంగా రూపొందించిన అనంతరమే ఉత్తర్వులు విడుదల చేస్తే గందరగోళ పరిస్థితులకు తావుండదనే అభిప్రాయాలు వ్యక్తమవుతున్నాయి.

నీళ్ల సీసాలపై మీ పేర్లు!

‘మంచి వ్యాపారవేత్త కావాలంటే ఎంబీఏలే చదవాల్సిన అవసరంలేదు. సామాజిక చొరవ ఉంటే చాలు! చక్కటి ఆలోచనతో ఒక్క రూపాయి కూడా పెట్టుబడి లేకుండా ఈ ఏడాదిన్నరలో రెండు...

వెండితెరపై కోట్ల ‘కాంతి’

సినిమా అనేది కచ్చితంగా వ్యాపారమే. ఏ కథానాయకుడికి ఎంత మార్కెట్‌ ఉంది? అనే లెక్కలు ఎప్పుడూ అవసరమే. పెట్టిన ప్రతీపైసాకీ గ్యారెంటీ ఉందన్న నమ్మకం కుదిరిన...

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net