Thu, February 11, 2016

Type in English and Give Space to Convert to Telugu

'హైదరాబాద్‌కు యాపిల్‌''కారెక్కిన ఎర్రబెల్లి''మేయర్‌ బొంతు రామ్మోహన్‌!''హనుమంతప్ప పరిస్థితి మరింత విషమం''భాగ్యనగరం తరహాలో ఖేడ్‌ అభివృద్ధి''మహా జాతరకు శ్రీకారం''ఓటుకు నోటు కేసులో మరో తెదేపా ఎమ్మెల్యే అరెస్టు?''ప్రయాణికులపై మళ్లీ వడ్డింపు?''గవర్నర్లు రాష్ట్రాలకు ఉత్ప్రేరకాలు''మహానగర అభివృద్ధికి 100 రోజుల ప్రణాళిక!'
నేడు నింగిలోకి పీఎస్‌ఎల్‌వీ-సీ31
జీపీఎస్‌ వ్యవస్థకు మరింత వూతం
శ్రీహరికోట, న్యూస్‌టుడే: భారత అంతరిక్ష ప్రయోగ కేంద్రమైన నెల్లూరు జిల్లాలోని సతీష్‌ ధావన్‌ స్పేస్‌ సెంటర్‌ షార్‌ నుంచి బుధవారం ఉదయం 9.31 గంటలకు పొలార్‌ శాటిలైట్‌ లాంచ్‌ వెహికల్‌-సీ31(పీఎస్‌ఎల్‌వీ) వాహక నౌకను ఇస్రో పంపేందుకు సిద్ధమైంది. ప్రయోగానికి ముందుగా నిర్వహించే కౌంట్‌డౌన్‌ ప్రక్రియ సోమవారం ప్రారంభమై నిరంతరాయంగా కొనసాగుతోంది. ఇది 48 గంటల పాటు కొనసాగిన పిదప పీఎస్‌ఎల్‌వీ నింగిలోకి దూసుకెళ్లనుంది. ఈ రాకెట్‌ ద్వారా నావిగేషన్‌ వ్యవస్థకు సంబంధించిన 1,425 కిలోల ఐఆర్‌ఎన్‌ఎస్‌ఎస్‌-1ఇ ఉపగ్రహాన్ని కక్ష్యలో ప్రవేశ పెట్టనున్నారు. ఇస్రో అధిపతి కిరణ్‌కుమార్‌ మంగళవారం మధ్యాహ్నం షార్‌కు చేరుకుని పీఎస్‌ఎల్‌వీ రాకెట్‌ను పరిశీలించి, కౌంట్‌డౌన్‌ తీరు తెలుసుకున్నారు. తాజా ఉపగ్రహంతో గ్లోబల్‌ పొజిషినింగ్‌ సిస్టమ్‌(జీపీఎస్‌)కు మరింత వూతం లభించనుంది. ఇప్పటి వరకు నాలుగు ఐఆర్‌ఎన్‌ఎస్‌ఎస్‌ ఉపగ్రహాలను కక్ష్యలో ప్రవేశపెట్టారు. బుధవారం ఐఆర్‌ఎన్‌ఎస్‌ఎస్‌కు సంబంధించి ఐదో ఉపగ్రహం పంపనున్నారు. ఇవి భూతల, ఆకాశ, సాగర గమన(నావిగేషన్‌) సేవలను అందిస్తాయి. భూస్థిర కక్ష్యకు 36 వేల కిలోమీటర్ల ఎత్తున ఉపగ్రహాన్ని రోదసిలో నిలుపుతారు.

రాకెట్‌కు శ్రీవారి ఆశీస్సులు: పీఎస్‌ఎల్‌వీ-సీ31 ప్రయోగం విజయవంతం కావాలని వేడుకుంటూ సతీష్‌ ధావన్‌ స్పేస్‌ సెంటర్‌(షార్‌) అధికారులు స్వామివారిని మంగళవారం దర్శించుకున్నారు. ఈ రాకెట్‌ నమూనాను తీసుకువచ్చి శ్రీవారి పాదాల చెంత అర్చకుల ద్వారా ఉంచి ఆశీస్సులు అందుకున్నారు.

నీళ్ల సీసాలపై మీ పేర్లు!

‘మంచి వ్యాపారవేత్త కావాలంటే ఎంబీఏలే చదవాల్సిన అవసరంలేదు. సామాజిక చొరవ ఉంటే చాలు! చక్కటి ఆలోచనతో ఒక్క రూపాయి కూడా పెట్టుబడి లేకుండా ఈ ఏడాదిన్నరలో రెండు...

వెండితెరపై కోట్ల ‘కాంతి’

సినిమా అనేది కచ్చితంగా వ్యాపారమే. ఏ కథానాయకుడికి ఎంత మార్కెట్‌ ఉంది? అనే లెక్కలు ఎప్పుడూ అవసరమే. పెట్టిన ప్రతీపైసాకీ గ్యారెంటీ ఉందన్న నమ్మకం కుదిరిన...

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net