Mon, February 08, 2016

Type in English and Give Space to Convert to Telugu

'పట్టణాభిషేకం''వాస్తవాల ప్రతిబింబంగా బడ్జెట్‌''నీటిపై నిప్పుల వాన''సీఎం మొండి అయితే.. నేను జగమొండి''తీరప్రాంత దేశాల మధ్య సహకారం పెరగాలి''ఉత్తర కొరియా రాకెట్‌ ప్రయోగం''చిరుతకు చిక్కి .. ప్రాణాలతో బయటపడి''మౌఖికంలో మార్కులు ఖాయం''ఎయిమ్స్‌కు 220 ఎకరాలు కేటాయింపు''‘అంకుర’ భయాలొద్దు'
రూ.3,155 కోట్లతో తుపాకులగూడెం ఆనకట్ట
100 టీఎంసీల నీటి వినియోగం లక్ష్యం
ఆరు జిల్లాలకు ప్రయోజనం
240 మెగావాట్ల విద్యుదుత్పత్తికీ అవకాశం
ప్రభుత్వానికి నివేదించిన వ్యాప్కోస్‌
ఈనాడు, హైదరాబాద్‌: వరంగల్‌ జిల్లా తుపాకులగూడెం వద్ద గోదావరిపై ఆనకట్ట (బ్యారేజి) నిర్మాణానికి రూ.3,155 కోట్లు ఖర్చవుతుందని కన్సల్టెన్సీ సంస్థ వాప్కోస్‌ తెలంగాణ ప్రభుత్వానికి సమగ్ర ప్రాజెక్టు నివేదిక అందజేసింది. ఈ ఆనకట్టను మూడేళ్లలో నిర్మించి 100 టీఎంసీల నీటిని వినియోగించుకోవాలన్నది లక్ష్యంగా పేర్కొంది. శ్రీరామ్‌సాగర్‌ ప్రాజెక్టు (ఎస్సారెస్పీ) ఆయకట్టు స్థిరీకరణకు, దేవాదుల ఎత్తిపోతల పథకానికి నీటి సమస్య లేకుండా చూసేందుకు దేవాదుల దిగువన కంతనపల్లి వద్ద ఆనకట్ట నిర్మించాలని ఉమ్మడి ఆంధ్రప్రదేశ్‌లో నిర్ణయించారు. దీనికి టెండర్‌ కూడా ఖరారైంది. అయితే ఈ ఆనకట్ట నిర్మాణం వల్ల పక్క రాష్ట్రంలోనూ ముంపు ఉండడం, అంతర్‌రాష్ట్ర సమస్యలను పరిగణనలోకి తీసుకొని తుపాకులగూడెం వద్ద ఆనకట్ట నిర్మించాలని తెలంగాణ ప్రభుత్వం నిర్ణయించింది. ప్రభుత్వ ఆదేశాల మేరకు కన్సల్టెన్సీ సంస్థ వ్యాప్కోస్‌ దీనిపై సమగ్ర ప్రాజెక్టు నివేదిక (డీపీఆర్‌)ను రూపొందించి అందజేసింది.

గోదావరిపై తుపాకులగూడెం వద్ద 75 శాతం నీటి లభ్యత ప్రకారం 407.4 టీఎంసీలు అందుబాటులో ఉంటాయని నివేదిక పేర్కొంది. ఇప్పటికే వినియోగంలో ఉన్న, ప్రతిపాదించిన ప్రాజెక్టులకు పోనూ ఈ మేరకు నీటి లభ్యత ఉంటుందని వివరించింది. ఇందులో 100 టీఎంసీల నీటిని వినియోగించుకోవడానికి తుపాకులగూడెం వద్ద ఆనకట్ట నిర్మించాలంటే రూ.3,155 కోట్లు ఖర్చవుతుందని అంచనా వేసింది. 50 టీఎంసీల నీటిని ఎస్సారెస్పీ ఆయకట్టు స్థిరీకరణకు, మరో 50 టీఎంసీల నీటిని హైదరాబాద్‌ మహానగర తాగునీటి అవసరాలకు, మార్గమధ్యంలో ఆయకట్టు అవసరాలకు వినియోగించుకోనున్నట్లు నివేదిక పేర్కొంది. వరంగల్‌, కరీంనగర్‌, నిజామాబాద్‌, మెదక్‌, నల్గొండ, రంగారెడ్డి జిల్లాల అవసరాలకు ఈ పథకం దోహదపడుతుందని పేర్కొంది. ఈ ఆనకట్ట వద్ద 240 మెగావాట్ల విద్యుదుత్పత్తికి అవకాశం ఉందని పేర్కొంది. 100 సంవత్సరాల్లో, 500 సంవత్సరాల్లో గరిష్ఠంగా ఎంత వరద వస్తుందో కూడా లెక్కగట్టింది. 88 మీటర్ల ఎత్తు, 1132 మీటర్ల వెడల్పు, 59 గేట్లతో ఆనకట్ట నిర్మించాలని వ్యాప్కోస్‌ నివేదించింది. దీనిపై త్వరలోనే ప్రభుత్వం నిర్ణయం తీసుకోనుంది. కంతనపల్లి బ్యారేజి పని దక్కించుకొన్న గుత్తేదారుకే ఈ పనినీ అప్పగిస్తారా లేక కొత్త గుత్తేదారుకు ఇచ్చేందుకు టెండర్‌ పిలుస్తారా అన్నదానిపై ప్రభుత్వం నిర్ణయం తీసుకోవాల్సి ఉంది.

మాధవన్‌ పళ్లురాలగొట్టాను..!

సినిమా కోసం ఉత్తుత్తినే కాదు.. నిజంగానే అంతపని చేసిందట రితిక. గత వారం విడుదలై సంచలన విజయం సాధించిన ‘సాలా ఖడూస్‌’ చిత్రం కథానాయిక. అప్పుడెప్పుడో పరుగుల రాణీ...

ఉప్పల్‌లో పరుగుల పండగ

మ్యాచ్‌ అంటే ఇదీ.. ఆడేది సినిమావాళ్లే అయినా, అంతర్జాతీయ మ్యాచ్‌కి ఏమాత్రం తీసిపోదు. టీ ట్వంటీలో ఉండే అసలైన మజా... మరోసారి తెలిసొచ్చింది....

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net