Fri, February 12, 2016

Type in English and Give Space to Convert to Telugu

'వైజ్ఞానిక మైలురాయి''విశ్రమించిన వీరుడు''మేయర్‌ ఎన్నిక ఏకగ్రీవం''కారెక్కిన మరో తెదేపా ఎమ్మెల్యే''‘బేర్‌’మన్న స్టాక్‌ మార్కెట్లు''‘ఆధార్‌’ ఇక తప్పనిసరి కాదు''కేంద్ర బడ్జెట్‌లో వ్యవసాయం''ఎంపీల జీతభత్యాలు త్వరలో రెట్టింపు!''మార్చి మొదటి వారంలో ‘పుర’ ఎన్నికలు''మేడారం జాతరను జాతీయ పండుగగా ప్రకటించండి'
గృహప్రవేశానికి డబ్బు వెదుక్కోవాల్సిందే
బండ్లగూడలో రాజీవ్‌ స్వగృహ
అపార్టుమెంట్ల ధరలు భారీగా పెంపు
ఆదరణ లేక ఇప్పటికే అమ్ముడుపోని పలు ఫ్లాట్లు
హైదరాబాద్‌ - న్యూస్‌టుడే
హైదరాబాద్‌లోని ఎల్బీనగర్‌ సమీపంలోని బండ్లగూడలో రాష్ట్ర ప్రభుత్వం రాజీవ్‌ స్వగృహ పేరుతో నిర్మించిన నివాసాల ధరలు అసాధారణ రీతిలో పెంచేశారు. అసలే ఆదరణ లేక నాలుగేళ్లుగా నాలుగు వందల ఆపార్ట్‌మెంట్‌లు అమ్మలేకపోయిన స్వగృహ కార్పొరేషన్‌ ఏ ప్రాతిపదికన ధరలు పెంచిందో అంతుబట్టడం లేదు. గరిష్ఠంగా రూ.10.67లక్షలు, కని†్ఠ¾ంగా రూ.4.72 లక్షలు పెంచారు. దీనికి కార్పస్‌ ఫండ్‌, 6 శాతం రిజిస్ట్రేషన్‌ ఛార్జీలు, విలువ ఆధారిత పన్ను, కారు పార్కిగ్‌ రుసుం అదనం. ఇంతటి భారీ ధరలు ఈ ప్రాంతంలో ఏ నివాసాలకూ లేవు.

నిర్మాణ ఖర్చులు పెరిగిపోయాయని ఇప్పటికే నాలుగుసార్లు ధరలు పెంచారు. దీంతో ఇప్పటివరకూ కేవలం 400 వరకూ ఫ్లాట్లను అమ్మగలిగారు. బ్యాంకుల నుంచి తెచ్చిన రుణాలను తీర్చలేక... 150 ఫ్లాట్లను వాటికి అప్పగించారు. పూర్తిస్థాయిలో సిద్ధం చేసినవి 450 వరకు అమ్ముడు కాలేదు. అర్ధంతరంగా నిలిపివేసిన 1760ఫ్లాట్లను పట్టించుకోకుండా వదిలేయడంతో శిథిలావస్థకు చేరుకున్నాయి.

ధరలు తగ్గిస్తే ఆదరణ ఉంటుందని కార్పొరేషన్‌ అధికారులు భావించి 25శాతం ధరలు తగ్గించాలని ప్రభుత్వానికి ప్రతిపాదనలు పంపినట్లు వార్తలు వచ్చాయి. అటువంటిది ఇప్పుడు ఒక్కసారిగా ఎందుకు ధరలు పెంచారనే దానిపై అధికారులు నోరు మెదపడం లేదు. తగ్గింపు ప్రతిపాదనలను ప్రభుత్వం తిరస్కరించడంతోనే పెంచినట్లు తెలుస్తోంది. ధరలు ఇలా పెంచేసి...విక్రయాలు జరగడం లేదన్న సాకుతో ఫ్లాట్లను నిర్మాణ గుత్తేదార్లకు తక్కువ ధరకు కట్టబెట్టాలన్న కుట్ర దీని వెనుక ఉన్నట్టు విమర్శలు వస్తున్నాయి.

శాలినీపై చర్యలు?
ఈనాడు, హైదరాబాద్‌: రాజీవ్‌ స్వగృహ సంస్థను నిట్టనిలువునా నష్టాల్లో ముంచిన సీనియర్‌ అధికారులపై చర్యలు తీసుకునేందుకు ప్రభుత్వం సిద్ధమవుతోంది. సంస్థ అప్పటి మేనేజింగ్‌ డైరక్టర్‌ (ఎండీ) శాలినీమిశ్రా, ఆమెకు సహకరించిన అప్పటి చీఫ్‌ ఇంజినీరు (సీఈ) రాధాకృష్ణమూర్తి అడ్డగోలు నిర్ణయాలతో నిధుల దుర్వినియోగం జరిగిందని ప్రభుత్వం నిర్ధరణకు వచ్చినట్లు సమాచారం. వీరిపై తగు చర్యలు తీసుకోవడానికి మరిన్ని ఆధారాలు పంపాలని గృహనిర్మాణశాఖను తాజాగా ఆదేశించింది. వీరిపై చర్యలు తీసుకోవాలని ఈ శాఖ గతంలోనే ప్రభుత్వానికి ప్రతిపాదనలు పంపింది. దాదాపు ఏడాదిగా ఈ ప్రతిపాదనలను ప్రభుత్వం తొక్కిపెట్టింది. అటు ప్రజలను, ఇటు ప్రభుత్వాన్ని ముంచిన అధికారులందరిపై కఠిన చర్యలు తీసుకోవాలని మంత్రివర్గ ఉపసంఘం ఆరునెలల క్రితమే ప్రభుత్వానికి సూచించింది. ఇప్పుడు సంస్థ పూర్తిగా నష్టాల్లో కూరుకుపోవడంతో పాటు, ప్రభుత్వం రూ.1,000 కోట్ల దాకా కట్టాల్సి ఉంటుందని తేలడంతో ప్రభుత్వం ఎట్టకేలకు కళ్లు తెరిచినట్టు సమాచారం. వివరణ ఇవ్వాలని శాలినీమిశ్రాకు సంజాయషీ నోటీసు ఇవ్వనున్నారు. రాష్ట్రంలో 24 పట్టణాల్లో స్వగృహ సంస్థ 2008లో మొదటిదశ కింద 16,660 ఇళ్లు, అపార్టుమెంట్ల నిర్మాణం చేపట్టింది. ఈ పనులను ఇష్టారీతిగా చేపట్టడం వల్ల సంస్థ తీవ్ర ఆర్థిక సంక్షోభంలో చిక్కుకుంది. ప్రభుత్వ అనుమతి లేకుండానే ఐదు బ్యాంకుల నుంచి రూ.వెయ్యి కోట్లు అప్పులు తెచ్చి ఖర్చుపెట్టారు. ఇప్పుడవి వడ్డీలతో రూ.1,300 కోట్లకు చేరాయి.

సమంత@100 కేజీలు

మొదటి సినిమాలో సన్నగా సన్నజాజి తీగలా కనిపించి..రెండో చిత్రానికి వచ్చేసరికి బొద్దుగుమ్మగా దర్శనమిచ్చారు ఎంతో మంది కథానాయికలు....

మణిరత్నం వీరాభిమానిని!

హను రాఘవపూడి... తీసింది ‘అందాల రాక్షసి’ ఒక్కటే. దాని చుట్టూ బోలెడు కామెంట్లు.. కాంప్లిమెంట్లు. ‘మణిరత్నం ప్రభావం కుర్రాడిపై చాలా ఎక్కువ ఉంది’ అనుకొన్నారు చాలామంది....

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net