Sun, February 14, 2016

Type in English and Give Space to Convert to Telugu

'భారత్‌లో తయారీకి బ్రహ్మరథం''ఐపీఎస్‌లను పెంచండి''పాకిస్థాన్‌కు అధునాతన ఎఫ్‌-16 యుద్ధవిమానాలు''ఖేడ్‌లో 81.72 శాతం పోలింగ్‌''దిండి మొదటి దశ పనులకు త్వరలో టెండర్లు''మెదక్‌ నిమ్జ్‌లో చైనా పెట్టుబడులు..''చెలకల్లో.. అవినీతి మొలకలు!''మార్చి 10 నుంచి శాసనసభ సమావేశాలు''మళ్లీ తెరపైకి ఓటుకు నోటు కేసు''కళతో సామాజిక సందేశం'
50వేల మందినే!
రాష్ట్ర స్థాయి పోస్టుల్లో పంచుకునే ఉద్యోగులింతమందే
మిగతా ఉద్యోగులు ఎక్కడివారు అక్కడే
34 వేల ఖాళీ పోస్టులూ పంపిణీ
3 నెలల్లో కసరత్తు కష్టమే
ఈనాడు, హైదరాబాద్‌: రాష్ట్ర స్థాయి క్యాడర్‌ పోస్టుల్లో పని చేస్తున్న దాదాపు 50 వేల మంది ఉద్యోగులను మాత్రమే భౌతికంగా విభజించే అవకాశం ఉన్నట్టు తెలుస్తోంది. వీరుకాక ఇవే తరహా మరో 34 వేల ఖాళీలనూ ఉభయ రాష్ట్రాలకూ పంపిణీ చేస్తారు. రాష్ట్ర పునర్‌ వ్యవస్థీకరణ బిల్లుకు రాష్ట్రపతి ఆమోదముద్ర వేసి నోటిఫిషన్‌ వెలువడ్డ తర్వాత ఉద్యోగుల విభజనపై మార్గదర్శకాలు జారీ అవుతాయి. ఉద్యోగుల విభజనకు మూడు నెలల వ్యవధిలో కసరత్తును పూర్తి చేయాలని తాత్కాలికంగా భావిస్తున్నా.. అదేమంత సులువు కాదనే వాదనలూ అధికారుల్లో వినిపిస్తున్నాయి. రాష్ట్ర స్థాయిలో బదిలీలకు అర్హమై ఉండే పోస్టులకు విభజన వర్తిస్తుంది. ఇటువంటి పోస్టులు 84 వేలు ఉన్నట్టుగా కేంద్రం ఇప్పటికే వెల్లడించింది. అయితే వీటిలో ఖాళీలను మినహాయిస్తే ప్రస్తుతం దాదాపు 50 వేల మంది ఉద్యోగులే పనిచేస్తున్నారని, అందువల్ల భౌతికంగా వీరికే విభజన వర్తిస్తుందని ఆర్థిక శాఖ అధికారులు లెక్కలేసినట్టు తెలిసింది. రాష్ట్ర ప్రభుత్వ ప్రధాన కార్యదర్శి మహంతి నిర్వహించిన భేటీలో అధికారులు ఈ వివరాలను వెల్లడించినట్టు తెలిసింది. ఖాళీలను కూడా ఉభయ రాష్ట్రాలకు విభజిస్తారు. కేంద్రం నుంచి మార్గదర్శకాలు వెలువడినప్పటి నుంచి కసరత్తు మొదలవుతుంది. ఐఏఎస్‌, ఐపీఎస్‌ వంటి కేంద్ర సర్వీసు అధికారుల విభజనను మాత్రం కేంద్రంలోని సంబంధితశాఖలే చేపడతాయి. వీరి సంఖ్య స్వల్పంగా ఉంటుంది కనుక వీరిని ఉభయ రాష్ట్రాలకు విభజింటం తేలికేనని, రాష్ట్ర ఉద్యోగులను విభజించటానికి చాలా సమయం పడుతుందని అధికార వర్గాలు వ్యాఖ్యానించాయి. విభజన అమల్లోకి వచ్చేరోజు నుంచి రెండు రాష్ట్రాల్లోనూ ప్రభుత్వాలు పనిని మొదలు పెట్టాలి. అంటే ఆ రోజుకే ఉద్యోగుల కేటాయింపులూ కొలిక్కి రావాలి. అందుకే విభజనకు మార్చి నుంచి మే వరకు 3 నెలల సమయాన్ని నిర్ధేశించుకోవాలని అధికారులు తాత్కాలికంగా భావిస్తున్నారు. అయితే ఇది తక్కువ వ్యవధే అవుతుందనే వాదనలు అధికారుల నుంచే వినిపిస్తున్నాయి. ఉద్యోగుల విభజనకు కేంద్రం వివిధ దశల్లో ఇచ్చే గడువుల మొత్తమే 6 నెలల పాటు ఉండనుంది. ఉద్యోగుల విభజనకు రాష్ట్ర స్థాయిలోని సలహా సంఘం పనిని మొదలు పెట్టాక పోస్టుల విభజన, ఉద్యోగుల తాత్కాలిక కేటాయింపుల జాబితా తయారీ, ఉద్యోగుల నుంచి వినతుల స్వీకరణ, వాటి పరిశీలన, తుది జాబితా వెల్లడి తదితరాలకు ఈ సమయం పడుతుంది. రాష్ట్ర స్థాయి క్యాడర్‌ పోస్టులు తప్ప మిగతా పోస్టులు గల ప్రాంతాలు ఏ రాష్ట్ర పరిధిలోకి వెళ్తే అవీ ఆ రాష్ట్రంలోనే ఉంటాయి కనుక నిర్ణీత తేదీ నాటికి మిగతా క్యాడర్లలోని ఉద్యోగులు అందుబాటులో ఉంటారని అధికార వర్గాలు చెప్పాయి.

వలచి...గెలిచి..

ప్రేమికుల రోజూ.. అదే సూర్యుడు. అవే ఇరుసంధ్యలు. అదే గాలి. అవే దిక్కులు. ఎప్పట్లాగే ఇరవై నాలుగ్గంటలు!! మరేమిటీ ప్రత్యేకం? ఏముంది? ప్రేమే!!...

సీసీఎల్‌-6 విజేత తెలుగు వారియర్స్‌

సెలెబ్రిటీ క్రికెట్‌ లీగ్‌లో డిఫెండింగ్‌ ఛాంపియన్‌ తెలుగు వారియర్స్‌ ఫైనల్లో అదిరిపోయే ప్రదర్శనతో కర్ణాటక బుల్డోజర్స్‌ను మట్టికరిపించి రెండోసారి విజేతగా నిలిచింది. ఉప్పల్‌లో జరిగిన ఫైనల్‌ మ్యాచ్‌లో 208 పరుగుల భారీ లక్ష్య ఛేదనకు దిగిన అఖిల్‌...

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net