Sun, February 14, 2016

Type in English and Give Space to Convert to Telugu

'భారత్‌లో తయారీకి బ్రహ్మరథం''ఐపీఎస్‌లను పెంచండి''పాకిస్థాన్‌కు అధునాతన ఎఫ్‌-16 యుద్ధవిమానాలు''ఖేడ్‌లో 81.72 శాతం పోలింగ్‌''దిండి మొదటి దశ పనులకు త్వరలో టెండర్లు''మెదక్‌ నిమ్జ్‌లో చైనా పెట్టుబడులు..''చెలకల్లో.. అవినీతి మొలకలు!''మార్చి 10 నుంచి శాసనసభ సమావేశాలు''మళ్లీ తెరపైకి ఓటుకు నోటు కేసు''కళతో సామాజిక సందేశం'
దేశంలో 17,650 మెగావాట్ల సౌర విద్యుత్‌ పార్కులు!
ఆంధ్రప్రదేశ్‌, తెలంగాణతోపాటు ముందుకొచ్చిన 12 రాష్ట్రాలు
వాటి పూర్తికి కేంద్రం చేయూత!
సౌర విద్యుత్‌లో రాష్ట్రాల మధ్య పోటీ!
ఈనాడు, హైదరాబాద్‌: సౌర విద్యుత్‌ ఉత్పాదనలో రాష్ట్రాల మధ్య పోటీ నెలకొంది. ఏకంగా 17,650 మెగావాట్ల సౌర విద్యుత్‌ ఉత్పత్తి సామర్థ్యం కలిగిన ‘పార్కుల’ను ఏర్పాటు చేయడానికి ముందుకు వస్తూ.. అవి ఈ విషయంలో కేంద్ర సాయాన్ని అర్థిస్తున్నాయి. ఆంధ్రప్రదే¬,ú మధ్యప్రదేశ్‌, జమ్ముకాశ్మీర్‌ వంటి రాష్ట్రాలు భారీ సౌర విద్యుత్‌ పార్కులు నెలకొల్పే విషయమై కేంద్రంతో అవగాహన ఒప్పందం (ఎంఓయూ) కూడా కుదుర్చుకున్నాయి. నాలుగైదేళ్లలో 20 వేల మెగావాట్ల సామర్థ్యం కలిగిన సౌర విద్యుత్‌ పార్కుల ఏర్పాటుకు కేంద్ర సంప్రదాయేతర ఇంధన వనరుల అభివృద్ధి సంస్థ (ఎంఎన్‌ఆర్‌ఈ) ఓ పథకాన్ని ప్రకటించిన వెంటనే ఆయా రాష్ట్రాలు స్పందించాయి. ఈ పథకం కింద ఒక్కో మెగావాట్‌కు రూ.20 లక్షల కేంద్ర సాయం అందుతుంది. ఎంఎన్‌ఆర్‌ఈ తరఫున సోలార్‌ ఎనర్జీ కార్పొరేషన్‌ ఆఫ్‌ ఇండియా (ఎస్‌ఈసీఐ) ఆయా రాష్ట్రాల సంస్థలతో పార్కుల నిర్మాణంపై అవగాహనకు వస్తుంది. ఆంధ్రప్రదేశ్‌లో 2,500 మెగావాట్ల సౌర విద్యుత్‌ ఉత్పాదనకు ఏపీ జెన్‌కో, నెడ్‌కాప్‌ కలిసి ఎస్‌ఈసీఐతో ఒప్పందం చేసుకున్న విషయం విదితమే. తదనుగుణంగానే ఈ మూడూ కలిపి ఉమ్మడి భాగస్వామ్య సంస్థగా ఆంధ్రప్రదేశ్‌ సోలార్‌ పవర్‌ కార్పొరేషన్‌ ప్రైవేట్‌ లిమిటెడ్‌ను నెలకొల్పుతున్నాయి. ఈ సంస్థ ఏర్పాటుకు రేపోమాపో రిజిస్ట్రార్‌ ఆఫ్‌ కంపెనీస్‌కు ధరఖాస్తూ దాఖలు కాబోతోంది. సౌర విద్యుత్‌ పార్కుల నిర్మాణానికి అవసరమైన భూమి గుర్తింపు పలు రాష్ట్రాల్లో ఇప్పటికే పూర్తయింది. సమగ్ర నివేదికల తయారీకి కన్సల్టెంట్లను నియమించే ప్రక్రియా సాగుతోంది. భూమి అభివృద్ధి, మౌలిక వసతుల కల్పనతోపాటు ఈ పార్కుల్లో ఉత్పత్తయిన విద్యుత్‌ను తీసుకెళ్లేందుకు లైన్లను వేయాల్సిన అవసరం ఉంది. వెయ్యి మెగావాట్ల సౌర విద్యుత్‌ పార్కుకు సుమారు రూ.800 కోట్ల వరకూ ఖర్చవుతాయని కేంద్రం అంచనా వేసింది. ఒక్కో మెగావాట్‌కు కేంద్రం ఇచ్చే రూ.20 లక్షల కింద ఆంధ్రప్రదేశ్‌కు 2,500 మెగావాట్లకుగాను రూ.500 కోట్లు వచ్చే అవకాశం ఉంది. భూసేకరణ పూర్తవడంతో ఇందులో 55 శాతం వరకూ నిధులు త్వరలోనే అందవచ్చని భావిస్తున్నారు. ఇది కాకుండా ఆంధ్రప్రదేశ్‌లోని అనంతపురం ఎన్‌పీ కుంటలో వెయ్యి మెగావాట్ల సౌర విద్యుత్‌ పార్కును పెట్టడానికి ఎంఓయూ చేసుకున్న ఎన్టీపీసీ టెండర్లను పిలిచే కార్యక్రమాన్ని కూడా చేపట్టింది. ఆంధ్రప్రదేశ్‌ సోలార్‌ పవర్‌ కార్పొరేషన్‌ ద్వారా కూడా గ్లోబల్‌ టెండర్లను పిలవనున్నారు.

వలచి...గెలిచి..

ప్రేమికుల రోజూ.. అదే సూర్యుడు. అవే ఇరుసంధ్యలు. అదే గాలి. అవే దిక్కులు. ఎప్పట్లాగే ఇరవై నాలుగ్గంటలు!! మరేమిటీ ప్రత్యేకం? ఏముంది? ప్రేమే!!...

ఫైనల్‌లో వారియర్స్‌

రెండోసారి సీసీఎల్‌ ట్రోఫీ గెలవాలన్న తెలుగు వారియర్స్‌ నెరవేరడానికి ఇంకా ఒక్క అడుగు దూరంలో ఉంది. శనివారం హైదరాబాద్‌లో ఉత్కంఠభరితంగా జరిగిన రెండో సెమీఫైనల్‌లో...

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net