Sun, February 07, 2016

Type in English and Give Space to Convert to Telugu

'కడలి వేదికగా కదన విన్యాసం''కల్తీల నుంచి కాపాడాలి''ఎస్సై కొలువులకు సై''వాట్సన్‌ @ రూ. 9.5 కోట్లు''హామీలు నెరవేర్చే వరకు దీక్ష''అన్నయ్యే వారసుడు..''ప్రజల మనసులు చూరగొంటూ..''సాగర జలాల్లో స్నేహబంధం''కాగిత రహిత టికెట్ల దిశగా రైల్వే''అనుమతి లేకుండా ప్రాజెక్టులు'
బోధనం ఇచ్చేదెప్పుడో?
ముడివీడని స్థానికత సమస్య
నిధుల కొరత లేకున్నా నిబంధనలపై స్పష్టత కరవు
చదువులు పూర్తయినా అందని ధ్రువపత్రాలు
ఈనాడు - హైదరాబాద్‌
బోధన రుసుముల చెల్లింపు పథకం కింద అర్హత సాధించి తెలంగాణలో చదివే ఆంధ్రప్రదేశ్‌ విద్యార్థులు పడరానిపాట్లు పడుతున్నారు. రాష్ట్ర విభజన సందర్బంగా తలెత్తిన ఈ సమస్యకు పరిష్కారాన్ని కనుగొనడంలో ఏపీ సాంఘిక సంక్షేమ శాఖలో జాప్యం జరుగుతోంది. సుమారు 25 వేల మంది విద్యార్థులు ఈ సమస్యను ఎదుర్కొంటున్నారు. కొందరు కోర్సుల్ని ముగించినప్పటికీ రుసుముల చెల్లింపులు జరగనందున కళాశాల యాజమాన్యాలు ధ్రువపత్రాలు ఇచ్చేందుకు నిరాకరిస్తున్నాయి. ప్రాంగణ నియామకాల్లో ఎంపికైనా ధ్రువపత్రాలు లేక ఇంకొందరు ఇబ్బంది పడుతున్నారు. నిధుల సమస్యల్లేకున్నా.. చెల్లింపులు ఎలా జరగాలన్న దానిపై స్పష్టత లేకపోవడం దీనికంతటికీ కారణం. తెలంగాణ సమాధానం కోసం ఎదురు చూస్తున్నామని ఏపీ అధికారులు అంటున్నారు. జిల్లా నుంచి రాష్ట్ర స్థాయి కార్యాలయాల చుట్టూ తిరుగుతున్నా పరిష్కారం లభించడం లేదని విద్యార్థులు వాపోతున్నారు.

స్వీకరించని ఈ-పాస్‌
విశాఖ జిల్లాకు చెందిన ఓ విద్యార్థి పాలిటెక్నిక్‌ తొలి సంవత్సరం విశాఖలోనే చదువుతున్నాడు. 4 నుంచి 7వ తరగతి వరకు హైదరాబాదులో, 8 నుంచి 10 వరకు విశాఖపట్నంలో చదివాడు. కులం, ఆదాయం, ఆధార్‌ నెంబరు, ఇతర ఆధారాలన్నీ విశాఖ జిల్లా నుంచే పొందాడు. పదో తరగతి వరకు ఏడు సంవత్సరాల చదువులో నాలుగు సంవత్సరాలు తెలంగాణలో చదివినందున ఏపీ ఈ-పాస్‌లో వివరాలు తీసుకోవడంలేదు. ఏపీకి స్థానికులు కాదంటూ సమాధానం వస్తోంది. పోనీ, తెలంగాణ ఈ-పాస్‌ నుంచి దరఖాస్తు చేసేందుకు ప్రయత్నిస్తే ఎస్సెస్సీ వివరాలు లేవని వస్తోంది.

ఉద్యోగం వచ్చినా పత్రాలు లేక..
కరీంనగర్‌ జిల్లా కాటారానికి చెందిన దినేష్‌కుమార్‌ చందా విశాఖ జిల్లాలో ఎంటెక్‌ బయాటెక్నాలజీ పూర్తి చేశాడు. ఒకటి నుంచి పదో తరగతి వరకు వరంగల్‌ జిల్లా, ఇంటర్‌ నుంచి ఎంటెక్‌ వరకు అనంతపురం, గుంటూరు, విశాఖ జిల్లాల్లో చదివాడు. కోర్సు పూర్తయినా మొదటి సంవత్సరం ఫీజు ఇంకా చెల్లించలేదు. రెండో సంవత్సరం ఫీజు కోసం ఎలా దరఖాస్తు చేయాలో కూడా తెలియదు. ఫీజు చెల్లిస్తే కానీ ధ్రువపత్రాలు ఇవ్వలేమని కళాశాల యాజమాన్యం చెబుతోంది. ప్రాంగణ నియామకాల ద్వారా ఓ కంపెనీ ఉద్యోగాన్ని పొందానని, పత్రాలు లేక తీవ్ర ఆందోళనతో ఉన్నానని వాపోయాడు. అదే విధంగా డిగ్రీ ఒకోట, పీజీ మరో చోట చదివిన వారికీ ఇబ్బందులు ఎదురవుతున్నాయి.

ఆధార్‌తో అదనపు కష్టాలు
విద్యార్థులతో పాటు తల్లిదండ్రుల ఆధార్‌ నెంబర్లను కూడా ఇవ్వాలని చెప్పడంతో మరో 25 వేల మందికి కష్టాలు ఎదురయ్యాయి. తల్లిదండ్రుల మధ్య సమస్యలున్నందున ఈ విషయంలో నష్టపోతున్నారు. విద్యార్థి పూర్తి వివరాలు అందుబాటులో ఉండగా, తల్లిదండ్రుల ఆధార్‌ కార్డుల్ని తప్పనిసరిచేయడం ఏమిటని ప్రశ్నిస్తున్నారు. ఆధార్‌ వినియోగంపై సుప్రీంకోర్టు ఇచ్చిన తీర్పును గుర్తుచేస్తున్నారు.

మరో వారం రోజుల్లో..
దీనిపై ఏపీ ప్రభుత్వ వర్గాలను సంప్రదించగా మరో వారంలో ఈ సమస్య పరిష్కారం అవుతుందని తెలిపాయి. దీనికి అవసరమైన చర్యలు వివిధ దశల్లో ఉన్నాయని చెప్పాయి.

వెలుగు వైపు నా అడుగులు...

బడిగంట కొట్టగానే పిల్లలందరూ బిలబిలమంటూ బయటకు పరుగుతీశారు. టీచర్లూ ఇంటిదారిపట్టారు. ఒకరిద్దరు తప్ప నిర్మానుష్యంగా మారిన ఆ బడిలో..

పరిశ్రమ వదిలి వెళ్లిపోదామనుకున్నా!

మానవీయ కోణాల్ని స్పృశిస్తూ సినిమాలు తీయడంలో దర్శకుడు మదన్‌ది ప్రత్యేక శైలి. మనిషి, మనసు, అనుబంధాల మధ్య సంఘర్షణల్ని ఆయన తెరపైకి తీసుకొచ్చే విధానం బాగుంటుంది.

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net