మంచి ప్రతిపక్షంగా పనిచేస్తాం

తాజావార్తలు


మంచి ప్రతిపక్షంగా పనిచేస్తాం
కరుణానిధి
చెన్నై: తమిళనాడు శాసనసభలో మంచి ప్రతిపక్షంగా ప్రజల సమస్యల పరిష్కార దిశగా పనిచేస్తామని డీఎంకే అధ్యక్షుడు కరుణానిధి తెలిపారు. ఈ మేరకు ఆదివారం ఆయన విడుదల చేసిన ఓ ప్రకటనలో... 15వ శాసనసభ ఎన్నికల్లో కూటమి పార్టీలు పోటీ చేసిన 60 స్థానాలకు 51 స్థానాల్లో ఓడిపోయాయని, కూటమి పార్టీలకు అత్యధిక స్థానాలను కేటాయించడమే డీఎంకే ఓటమికి కారణమని ఓ తమిళ పత్రిక తెలిపిందన్నారు. డీఎంకే పోటీచేసిన స్థానాల్లో ఓటర్ల మద్దతు ఏమాత్రం తగ్గలేదనే కోణంతో దీన్ని తాను చూస్తున్నానని తెలిపారు. 176 స్థానాల్లో పోటీ చేసిన డీఎంకేకు 41.05 శాతం, 232 స్థానాల్లో పోటీచేసిన అన్నాడీఎంకేకు 40.78 శాతం ఓట్లు వచ్చినట్లు ఓ ఆంగ్ల పత్రిక కథనాన్ని ప్రచురించిందని పేర్కొన్నారు. 2011 ఎన్నికలతో పోల్చుకుంటే అన్నాడీఎంకే కూటమికి 14.64 లక్షల ఓట్లు తక్కువగా రాగా డీఎంకే కూటమికి 36.61 లక్షలు ఓట్లు ఎక్కువగా వచ్చాయని తెలిపారు. అప్పట్లో డీఎంకే 23 స్థానాలు గెలుచుకోగా ప్రస్తుత ఎన్నికల్లో 89 స్థానాలు గెలుచుకుందని, గత ఎన్నికలతో పోలిస్తే సుమారు నాలుగింతలు సభ్యుల సంఖ్య పెరిగిందని పేర్కొన్నారు. గత శాసనసభ ఎన్నికల్లో అన్నాడీఎంకే 150 స్థానాల్లో గెలవగా ప్రస్తుతం 134 స్థానాల్లో గెలిచిందని, ఆ విధంగా చూస్తే నిజమైన విజయం ఎవరికంటూ ప్రశ్నించారు. అన్నాడీఎంకే అభ్యర్థులు 2 నియోజకవర్గాల్లో 100 ఓట్లు కన్నా తక్కువ తేడాతో, 8 నియోజకవర్గాల్లో 101 నుంచి 1000లోపు తక్కువ ఓట్లతో, 21 నియోజకవర్గాల్లో 1001 నుంచి 5వేల లోపు ఓట్ల తేడాతో, 22 నియోజకవర్గాల్లో 5001 నుంచి 10వేల లోపు ఓట్ల తేడాతో గెలిచారని తెలిపారు. ఈ గణాంకాలను చూస్తుంటే ఈ ఎన్నికల్లో డీఎంకేకు ప్రజామద్దతు పెరిగిందనే విషయం స్పష్టమవుతోందని పేర్కొన్నారు. తమిళనాడు చరిత్రలో ఇప్పటివరకు లేనిస్థాయిలో అతి బలమైన ప్రతిపక్షంగా శాసనసభలో పనిచేసే అవకాశం డీఎంకేకు దక్కిందని, దీనిని సద్వినియోగం చేసుకుని నిర్మాణాత్మకంగా పనిచేస్తామని తెలిపారు.
FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.