దొంగతనానికి వచ్చి.. బాలికపై అత్యాచారం
close

తాజావార్తలు

దొంగతనానికి వచ్చి.. బాలికపై అత్యాచారం
లఖ్‌నవూ: కుటుంబసభ్యులను బంధించి.. తల్లీకూతుళ్లపై సామూహిక అత్యాచారానికి పాల్పడిన బులంద్‌షహర్‌ ఘటన మరవక ముందే ఉత్తరప్రదేశ్‌ రాష్ట్రంలో మరో దారుణం వెలుగుచూసింది. దొంగతనానికి వచ్చిన కొందరు వ్యక్తులు.. 12ఏళ్ల బాలికపై సామూహిక అత్యాచారానికి పాల్పడ్డారు. తల్లిదండ్రులను బంధించి చిన్నారిపై అఘాయిత్యానికి ఒడిగట్టారు. లఖ్‌నవూలో జరిగిన ఈ ఘటన ఆలస్యంగా వెలుగులోకి వచ్చింది. పోలీసులు తెలిపిన వివరాల ప్రకారం..

మంగళవారం తెల్లవారుజామున దాదాపు 20 మందికి పైగా ఓ ఇంట్లోకి చొరబడి దొంగతనానికి పాల్పడ్డారు. అక్కడితో ఆగకుండా కుటుంబసభ్యులను బంధించి.. వారి 12ఏళ్ల కుమార్తెను తమ వెంట తీసుకెళ్లారు. కొంతదూరం వెళ్లాక అందులోని కొందరు వ్యక్తులు ఆమెపై సామూహిక అత్యాచారానికి పాల్పడ్డారు. ఐదుగురు వ్యక్తులు తనపై లైంగిక దాడి చేసినట్లు బాధిత బాలిక పోలీసులకు తెలిపింది. బాధితుల ఫిర్యాదు మేరకు కేసు నమోదు చేసుకున్న పోలీసులు నిందితుల కోసం గాలిస్తున్నారు. వైద్య పరీక్షల నిమిత్తం బాలికను ఆసుపత్రికి తరలించారు. గత జులైలో యూపీలో తల్లీకూతుళ్లపై జరిగిన అత్యాచార ఘటన దేశవ్యాప్తంగా సంచలనం సృష్టించిన విషయం తెలిసిందే. బులంద్‌షహర్‌ ప్రాంతంలో కారులో వెళ్తున్న ఓ కుటుంబంపై బందిపోట్లు దాడి చేసి.. కుటుంబసభ్యులను బంధించారు. అనంతరం తల్లీకూతుళ్లపై సామూహిక అత్యాచారానికి పాల్పడ్డారు.

FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.