ఒకరు విఫలమైతే మరొకరు రాణిస్తారు!

తాజావార్తలు

ఒకరు విఫలమైతే మరొకరు రాణిస్తారు!
ముంబయి: టీమ్‌ ఇండియాకు టెస్టు క్రికెట్‌ కెప్టెన్‌ విరాట్‌ కోహ్లి కొత్త నిర్వచనాన్ని ఇచ్చాడు. మ్యాచ్‌ సమయంలో జట్టులోని ఎవరైనా సభ్యుడు విఫలమైతే మరో వ్యక్తి దానిని భర్తీ చేస్తారంటూ కొత్త తత్వాన్ని బోధించాడు. ‘మురళీ విజయ్‌ లేదా అజింక్య రహానె ఎవరైనా సరిగా ఆడలేకపోతే ఆ స్థానాన్ని మరో ఆటగాడు భర్తీ చేస్తాడు’ అంటూ కోహ్లీ చెప్పుకొచ్చాడు. ఇంగ్లాండ్‌తో సిరీస్‌ ప్రారంభమైన దగ్గరి నుంచి విజయ్‌(192 పరుగులు ఆరు ఇన్నింగ్స్‌ల్లో), రహానె (63 పరుగులు 5 ఇన్నింగ్స్‌ల్లో)లు తమ స్థాయికి తగినట్లు ప్రదర్శన ఇవ్వలేకపోయారంటూ విమర్శలు ఎదుర్కొంటున్న సంగతి తెలిసిందే. ఈ నేపథ్యంలో తోటి ఆటగాళ్లకు కెప్టెన్‌ కోహ్లి అండగా నిలిచాడు.

బుధవారం ముంబయిలో జరిగిన విలేకరుల సమావేశంలో కోహ్లీ మాట్లాడాడు. ‘అజింక్య, విజయ్‌లు చక్కటి ఆటగాళ్లు. రాజ్‌కోట్‌లో జరిగిన మ్యాచ్‌లో తొలి ఇన్నింగ్స్‌లో విజయ్‌ శతకాన్ని బాదాడు. న్యూజిలాండ్‌ సిరీస్‌లో నేను కూడా స్థాయికి తగిన విధంగా ప్రదర్శన ఇవ్వలేకపోయాను. ఆ సమయంలో అజింక్య చక్కగా రాణించాడు. ఇలా ఒకరు విఫలమైన పక్షంలో మరొకరు అందిపుచ్చుకుంటారు’ అని కోహ్లి పేర్కొన్నాడు.

‘ఈ ఆటగాడు చక్కగా ఆడాడు. ఇతను అద్భుతంగా ఆడాడు. అంటూ వ్యక్తిగత ప్రదర్శనలకు ఇక్కడ ప్రాధాన్యం ఇవ్వాల్సిన అవసరం లేదు. ఒకరు విఫలమైతే ఆ నష్టాన్ని తర్వాత ఆటగాళ్లు భర్తీ చేస్తారు. ఇదే జట్టు ప్రధాన లక్ష్యం’ అని కోహ్లి వివరించాడు. లోయర్‌ ఆర్డర్‌ ఆటగాళ్ల ప్రదర్శనపై సంతృప్తి వ్యక్త చేసిన కోహ్లి.. కొత్త ఆటగాడు జయంత్‌ యాదవ్‌ ప్రదర్శనపై ప్రశంసలు కురిపించాడు. ‘కేవలం రెండు మ్యాచ్‌ల ప్రదర్శనతోనే జయంత్‌ నన్ను ఆకట్టుకున్నాడు. అతన్ని ఆల్‌రౌండర్‌ అని అనవచ్చు. ఇంతకు మించి అతని గురించి చెప్పాల్సిందేమీ లేదు. బౌలింగ్‌ అవసరాలేంటో అతనికి తెలుసు. అతని సాధన సామర్థ్యాలు బాగున్నాయి. ఆటను అర్థం చేసుకోగలడు. తెలివైన వ్యక్తి. రాబోయే రోజుల్లో అతని నుంచి జట్టుకు మరిన్ని విజయాలు అందుతాయి. మంచి టెస్టు క్రికెట్‌ ఆటగాడు’ అని తెలిపిన కోహ్లి.. మురళీ విజయ్‌, రాహుల్‌లు అద్భుతమైన ఓపెనర్లుగా అభివర్ణించాడు.

ఇంగ్లాండ్‌తో టెస్టు సిరీస్‌ సందర్భంగా గురువారం నుంచి ఇరు జట్ల మధ్య నాలుగో టెస్టు ప్రారంభం కానుంది. టీమ్‌ ఇండియా ఇప్పటికే 2-0 ఆధిక్యంతో సిరీస్‌లో ముందుంది.

FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.