పెను తుపానుగా వర్ద

తాజావార్తలు


పెను తుపానుగా వర్ద
నేడు భారీ వర్షాలకు అవకాశం
విశాఖ: ఆగ్నేయ బంగాళాఖాతంలో ఏర్పడిన వర్ణ తుపాను తీరానికి ముంచుకొస్తోంది. శనివారం పెను తుపానుగా మారిన ‘వర్ద’ రేపు సాయంత్రం చెన్నై-పులికాట్‌ సరస్సు మధ్య తీరం దాటే అవకాశాలు ఉన్నట్లు వాతావరణ శాఖ ప్రకటించింది. ప్రస్తుతం ఇది చెన్నైకి 480 కి.మీ దూరంలో, నెల్లూరు తూర్పు ఆగ్నేయంగా 520 కి.మీ దూరంలో కేందీకృతమై ఉంది. గంటకు దాదాపు 11 కిలోమీటర్ల వేగంతో పశ్చిమ దిశగా పయనిస్తోంది. ‘వర్ద’ నెల్లూరు జిల్లాలోని 11 మండలాలపై ్రభావం చూపే అవకాశం ఉందని అధికారులు అంచనా వేస్తున్నారు. దీంతో ఆ మండలలా ప్రజలను
ఇప్పటికే అప్రమత్తం చేశారు. ఆదివారం రెండు ఎన్డీఆర్‌ఎఫ్‌ బృందాలు జిల్లాకు చేరుకున్నాయి.

నేటి నుంచి భారీగా వర్షాలు
వర్ద ప్రభావంతో దక్షిణ కోస్తాతో పాటు ఉత్తర తమిళనాడులో ఆదివారం సాయంత్రం నుంచి భారీ వర్షాలు కురిసే అవకాశాలున్నాయి. తుపాను తీరం దాటే ముందు, తరువాత భారీ వర్షపాతం నమోదయ్యే అవకాశాలున్నాయని అధికారులు తెలిపారు. ఇదే సమయంలో ఉత్తర కోస్తా జిల్లాల్లోనూ అక్కడక్కడా ఈదురుగాలులతో వర్షాలు కురుస్తాయని చెబుతున్నారు. కోస్తాంధ్ర, ఉత్తర తమిళనాడు తీర ప్రాంతాల్లో ఆదివారం సాయంత్రం నుంచి గంటకు 40 నుంచి 60 కిలోమీటర్ల వేగంతో ఈదురుగాలులు వీచే అవకాశం ఉన్నందున సముద్రంలో చేపల వేటను తాత్కాలికంగా నిషేధించారు. తీరంలో అలల ఉద్ధృతి దృష్ట్యా రాష్ట్రంలోని కృష్ణపట్నం, నిజాంపట్నంలో మూడో నంబరు, మిగతా ఓడరేవుల్లో రెండో నంబరు ప్రమాద హెచ్చరికలు జారీ చేశారు.

తుపానును సమర్థంగా ఎదుర్కొందాం: ఏపీ సీఎం
వర్ద తుపాను ముంచుకొస్తున్న నేపథ్యంలో అన్ని ముందు జాగ్రత్త చర్యలు తీసుకుంటున్నామని ఏపీ ముఖ్యమంత్రి చంద్రబాబునాయుడు వెల్లడించారు. మొదటిసారిగా భారత అంతరిక్ష పరిశోధన సంస్థ (ఇస్రో) ఇచ్చిన సూక్ష్మస్థాయి నివేదిక ఆధారంగా చర్యలు చేపట్టామన్నారు. ప్రతి జిల్లా కేంద్రంలో సహాయ కేంద్రాల్ని ఏర్పాటు చేయడంతో పాటు నెల్లూరు, ప్రకాశం, చిత్తూరు, కడప జిల్లాల్లో పర్యవేక్షణకు అదనంగా ఐఏఎస్‌లను నియమిస్తున్నామని వెల్లడించారు. ఇస్రో సమాచారానికి అనుగుణంగా సహాయక చర్యలు చేపట్టేందుకు జిల్లాల అధికారుల్ని సిద్ధం చేశామన్నారు. 4 జాతీయ విపత్తు సహాయ బృందాలు (ఎన్డీఆర్‌ఎఫ్‌) సహకరించనున్నాయని తెలిపారు. ముఖ్యమంత్రి శనివారం రాత్రి విజయవాడలోని పోలీసు కమాండ్‌ కంట్రోల్‌ రూంలో ఇస్రో, ఇతర శాఖల అధికారులతో, కృష్ణా, గుంటూరు, చిత్తూరు, ప్రకాశం, అనంతపురం జిల్లా కలెక్టర్లతో సమీక్ష నిర్వహించారు. అనంతరం విలేకరులతో మాట్లాడారు.

రైతులను, మత్స్యకారులను అప్రమత్తం చేయాలి
‘‘వర్ద తపాను ప్రభావంతో ఆదివారం సాయంత్రం నుంచే ఓ మోస్తరు వర్షం, 12, 13 తేదీల్లో భారీ వర్షాలు పడే అవకాశం ఉంది. నెల్లూరు, చిత్తూరు, కడప, దక్షిణ ప్రకాశం, అనంతపురం, కర్నూలు జిల్లాలో కొంత భాగంలో భారీ వర్షాలు కురుస్తాయి. గుంటూరు, కృష్ణాలో ఓ మోస్తరు వర్షం పడుతుంది. ఇది పరీక్షా సమయం. ఈ రెండు రోజుల్లో 6 జిల్లాల్లో సరాసరి 190 మిమీ వర్షపాతం నమోదయ్యే అవకాశం ఉంది. నెల్లూరు జిల్లాలో 12వ తేదీ ఉదయం నుంచి సాయంత్రం వరకు 6 గంటల వ్యవధిలో 15 సెంమీ వర్షం కురవనుంది. హుద్‌హుద్‌ తుపాను సమయంలో 250 కిలోమీటర్ల వేగంతో గాలులు వీచాయి. వర్ద తుపాను సందర్భంగా గంటకు 100 నుంచి 130 కిలోమీటర్ల వేగంతో గాలులు వీచే అవకాశం ఉంది. చెరువులు, జలాశయాలు, కల్వర్టులకు అవసరమైన మరమ్మతులు చేపట్టాలని ఆదేశాలు జారీచేశాం. ఎక్కడైనా నష్టం జరిగితే కొన్ని గంటల్లోనే అధికారులు పునరుద్ధరణ చర్యలు చేపట్టాలి. బాధ్యతారాహిత్యంతో వ్యవహరిస్తే చర్యలు తప్పవు. పంటలు నష్టపోకుండా రైతులను, సముద్రంలోకి వెళ్లకుండా మత్స్యకారులను అప్రమత్తం చేయాలి’’ అని ఏపీ ముఖ్యమంత్రి ఆదేశించారు.

FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.