అఖిలేశ్‌పై పోటీ చేస్తా
close

తాజావార్తలు


అఖిలేశ్‌పై పోటీ చేస్తా
ఆయన ముస్లింల వ్యతిరేకి
తనయుడిపై ములాయం మండిపాటు
లఖ్‌నవూ: కుమారుడైన యూపీ ముఖ్యమంత్రి అఖిలేశ్‌ యాదవ్‌పై శాసనసభ ఎన్నికల్లో పోటీ చేయడానికైనా తాను సిద్ధమేనని ఆయన తండ్రి, సమాజ్‌వాదీ పార్టీ వ్యవస్థాపకుడు ములాయంసింగ్‌ యాదవ్‌ ప్రకటించారు. తాను చెప్పినట్లు అఖిలేశ్‌ వినకపోతే ఈ పరిస్థితి తప్పదన్నారు. ‘నేను ముస్లింల కోసం జీవిస్తా. వారి కోసం మరణిస్తా. ముస్లింల ప్రయోజనాల విషయానికి వచ్చేసరికి నేను అఖిలేశ్‌తోనూ పోరాడుతా’నని ములాయం తెగేసి చెప్పారు. పార్టీని రక్షించే ప్రయత్నాలన్నీ తాను చేస్తున్నాననీ, అఖిలేశ్‌కు కొన్ని విషయాలు అర్థం కావడం లేదనీ నిందించారు. ఇరు వర్గాల మధ్య సయోధ్య కుదర్చడానికి జరిగిన ప్రయత్నాలన్నీ విఫలమైన నేపథ్యంలో ములాయం సోమవారం కార్యకర్తల సమావేశంలో చేసిన వ్యాఖ్యలు పార్టీ వర్గాలను నిర్ఘాంతపరిచాయి. అనేక ఏళ్లుగా ఎస్పీకి విధేయులైన ఓటర్లుగా ఉన్న ముస్లింల పట్ల అఖిలేశ్‌కి వ్యతిరేక వైఖరి ఉందని ఆరోపించారు.

ముస్లిం డీజీపీ రావడం అఖిలేశ్‌కి ఇష్టంలేదు..: ‘ఎల్లప్పుడూ ముస్లింల ప్రయోజనాలను పరిరక్షించడానికి పాటుపడే నేను ఒక ముస్లింను రాష్ట్ర డీజీపీగా నియమించాలని ప్రయత్నించాను. దానిపై అఖిలేశ్‌ 15 రోజుల పాటు నాతో మాట్లాడలేదు. ఓ ముస్లిం ఈ పోస్టులోకి రావడం ఆయనకు ఇష్టం లేదు. అది ఆయన ముస్లిం వ్యతిరేకి అనే సంకేతాన్ని పంపింది. బాబ్రీ మసీదు కూల్చివేతను అడ్డుకునేందుకు నేనెంతగా ప్రయత్నించానో మీకు తెలియనిది కాదు’ అని చెప్పారు. భాజపా సూచనల మేరకు పనిచేసే రాంగోపాల్‌ యాదవ్‌ చేతుల్లో అఖిలేశ్‌ కీలుబొమ్మగా మారారని విమర్శించారు. కొడుకే వ్యతిరేకంగా మారిన పరిస్థితుల్లో తానేం చేయగలనని ప్రశ్నించారు. ఇలా జరుగుతుందని తానెన్నడూ వూహించలేదన్నారు. ఈ సందర్భంగా షాజహాన్‌, ఔరంగజేబులతో తనను, అఖిలేశ్‌ని పోల్చుకున్నారు. పార్టీని నిర్మించడానికి తాను అనేక త్యాగాలు చేస్తే అఖిలేశ్‌ మాత్రం సహేతుక కారణాలు లేకుండానే ఒక మహిళ సహా అనేకమంది మంత్రుల్ని తొలగించారని చెప్పారు. పార్టీలో చీలికను నివారించడంలో తాను నిస్సహాయుడినయ్యానన్నారు. సోమవారం ఉదయం ఆయన తన చిన్నతమ్ముడు, ఎస్పీ రాష్ట్ర అధ్యక్షుడు శివపాల్‌యాదవ్‌ నివాసానికీ వెళ్లారు. అఖిలేశ్‌ ద్వారా రాష్ట్ర అధ్యక్షునిగా నియమితుడైన నరేశ్‌ ఉత్తమ్‌తోనూ ఆయన సమావేశమయ్యారు.

నేటి నుంచి నామినేషన్లు
యూపీ తొలిదశ ఎన్నికలకు నామినేషన్ల ఘట్టం మంగళవారం ప్రారంభం కానుంది. ఫిబ్రవరి 11న పశ్చిమ యూపీలోని 73 శాసనసభ నియోజకవర్గాలకు జరిగే ఎన్నికల కోసం ఈ నెల 24 వరకు నామినేషన్లు స్వీకరిస్తారు. ఈ ప్రాంతాల్లో గత సార్వత్రిక ఎన్నికల్లో భాజపా బాగా రాణించింది.
FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2017 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.