నీళ్లు తెచ్చుకున్న వాళ్లకు ఆపరేషన్‌ చేస్తున్నామయ్యా!
latestnews
కళ్లను పొడిచే రెప్పలు.. గుడ్లను మింగే పాములు
కాసులకోసం విచ్చలవిడిగా స్కానింగ్‌ కేంద్రాలు
నిద్రావస్థలో వైద్య, ఆరోగ్య శాఖ అధికారులు
క్షేత్రస్థాయిలో ఆగని భ్రూణ హత్యలు
మూలన పడిన తనిఖీలు, ప్రచారం
పట్టించుకోని ఉన్నతాధికారులు
ఈనాడు, కర్నూలు, కర్నూలు వైద్యాలయం, న్యూస్‌టుడే
గ్రామీణ నిరక్షరాస్యత.. కొందరి వైద్యుల అత్యాశ.. ఉన్నతాధికారుల పర్యవేక్షణ లోపం... ఆడశిశువులకు మరణశాసనం రాస్తున్నాయి. లింగనిర్ధారణ పరీక్షలపై నిఘా ఉంచాల్సిన యంత్రాంగం పట్టించుకోకపోవడంతో లింగ నిష్పత్తి వ్యత్యాసం భారీగా పెరిగిపోతోంది. స్కానింగ్‌ కేంద్రాల అనుమతుల నుంచి పరీక్షల వరకు అడుగడునా అవినీతే.. తనిఖీలు సక్రమంగా చేయకుండా కొందరు అధికారులు మామూళ్ల కోసం బరితెగిస్తుండడంతో చిట్టితల్లులు కళ్లు తెరవకుండానే కన్ను మూస్తున్నారు.

కోడుమూరు మండలానికి చెందిన లక్ష్మిదేవి మూడోసారి గర్భం దాల్చారు. అప్పటికే ఆమెకు ఇద్దరు ఆడపిల్లలు. ఐదో నెల గర్భవతి కావడంతో పుట్టబోయే బిడ్డ గురించి తెలుసుకునేందుకు ఆర్‌ఎంపీ వైద్యుడిని సంప్రదించారు. ఆర్‌ఎంపీ వైద్యుడు లక్ష్మిని ఆమె బంధువులను తీసుకొని, కర్నూలు బస్టాండ్‌లో దిగారు. అక్కడ సమీపంలోని ఒక స్కానింగ్‌ సెంటర్‌కు తీసుకెళ్లాడు. పరీక్షలు చేసిన తర్వాత రూ.2వేలు బిల్లు వేశారు. ఇక్కడ స్కానింగ్‌ చేసింది ఎలాంటి అర్హతలు లేని వ్యక్తి. స్కానింగ్‌ చేస్తున్న సమయంలో అక్కడ పని చేసే ఒక నర్సు రెండు వేళ్లు చూపించింది. దీని అర్థం పుట్టబోయేది ఆడపిల్ల. నాలుగు వేళ్లు చూపితే మగబిడ్డ... ఇక్కడ ఇవే గుర్తులు.

* దీంతో లక్ష్మి భర్త సవారయ్య గర్భస్రావం చేయాలని ఆర్‌ఎంపీని కోరారు. రూ.15వేలు ఇస్తే చేస్తారని చెప్పడంతో ఆ మొత్తం చెల్లించారు. ఇందులో నుంచి రూ.7వేలు స్కానింగ్‌ వారికి ఇచ్చి మిగతా మొత్తాన్ని ఆర్‌ఎంపీ తన జేబులో వేసుకున్నారు. గర్భస్రావం చేసిన రెండు రోజులకు ఆస్పత్రి నుంచి ఇంటికి పంపించారు. గ్రామానికి వెళ్లిన తర్వాత నెలకు కడుపునొప్పి, రక్తస్రావం కావడంతో కర్నూలు జిల్లా ఆస్పత్రికి తీసుకొచ్చారు. ఆమెను పరీక్షించిన ప్రభుత్వ వైద్యులు గర్భసంచికి ఇన్‌ఫెక్షన్‌ అయిందంటూ గర్భసంచి తొలగించారు. ఇలా వైద్య ఖర్చుల కోసం సవారయ్య తనకు ఉన్న ఎకరా పొలాన్ని అమ్ముకోవాల్సి వచ్చింది. ఇది ఒక్క సవారయ్యదే కాదు.. గ్రామాల్లో అబ్బాయి కావాలనుకునే చాలా మంది ఈ విధానాన్నే అనుసరిస్తున్నారు.

100 వరకు అనధికారికమే..!
జిల్లాలో భ్రూణ హత్యలతో ఆడపిల్లల సంతతినే హతమారుస్తున్నారు.. స్కానింగ్‌ కేంద్రాలు బంగారు తల్లుల పాలిట బలిపీఠాలుగా మారుతున్నాయి. స్కానింగ్‌ చేసి బిడ్డ ఎదుగుదల, ఆరోగ్యస్థితిని చెప్పాల్సిన వైద్యులు కాసులకు కక్కుర్తిపడి రాక్షసులుగా మారిపోతున్నారు. * ఇటీవల జిల్లా స్థాయి కమిటీ అనుమతి లేని కేంద్రాలను వైద్య, ఆరోగ్య శాఖ రద్దు చేసింది. అయినా ఇవి కొనసాగుతూనే ఉన్నాయి. జిల్లాలో సుమారుగా 190 స్కానింగ్‌ సెంటర్లు పనిచేస్తున్నాయి. అనుమతి లేనివి మరో 100. వాస్తవానికి 190 కేంద్రాలే జిల్లా జనాభాకు అవసరం లేదని వైద్య నిపుణులే పేర్కొంటున్నారు. అయినా ఇంకా కొత్తవాటికి అధికారులు అనుమతులు ఇస్తూనే ఉన్నారు.

పెరుగుతున్న వ్యత్యాసం
2001 జనాభా లెక్కల ప్రకారం జిల్లాలో ప్రతి వెయ్యిమంది పురుషులకు 958మంది మహిళలున్నారు. తాజా లెక్కలు 2011 ప్రకారం ఈ సంఖ్య 938పడిపోయింది. సుమారు 20శాతం తగ్గింది. రాష్ట్రంలో ప్రతి వెయ్యి మంది పురుషులకు 943మంది మహిళలు ఉండగా.. రాష్ట్ర సగటు కంటే జిల్లా తక్కువగా ఉంది. ప్యాపిలీ, డోన్‌, గడివేముల, మిడుతూరు, వెలుగోడు, శ్రీశైలం మండలాల్లో మహిళల సంఖ్య తక్కువగా ఉంది. ఆడపిల్లల సంఖ్య తక్కువగా మండలాల్లో విస్తృత ప్రచారం నిర్వహించాల్సిన వైద్య, ఆరోగ్యశాఖ అటువంటి చర్యలు తీసుకొన్న దాఖలాలు లేవు.

చట్టం ఏం చెబుతోంది..?
భ్రూణ హత్యలను నివారించేందుకు కేంద్ర ప్రభుత్వం 1994లో ఒక చట్టం రూపొందించింది. గర్భస్థ పిండ పరీక్ష ప్రక్రియ (నియంత్రణ మరియు దురుపయోగ నివారణ) చట్టం తీసుకువచ్చింది. ఈ చట్టాన్నే 2003లో సమగ్ర సవరణలతో ’గర్భధారణ పూర్వ, గర్భస్థ పిండ ప్రక్రియ (లింగ ఎంపిక నిషేధ) చట్టం 1994 చేశారు. దీని ప్రకారం స్కానింగ్‌ కేంద్రాలకు నిర్ణీత రుసుం చెల్లించి, జిల్లా వైద్య, ఆరోగ్య శాఖ కార్యాలయం అనుమతి తీసుకోవాలి. ఈ కేంద్రాల్లో పని చేసే సిబ్బంది నిబంధనల ప్రకారం అర్హత, అనుభవం కలిగి ఉండాలి. లింగ నిర్ధారణ జరపేది లేదని సందర్శకులందరికీ కనిపించే స్థలంలో బోర్డులు ప్రదర్శించాలి. సుప్రీంకోర్టు ఆదేశానుసారం ఉత్పత్తిదారులు, పంపిణీ దారులు, అమ్మకపుదారులు స్కానింగ్‌ యంత్రాలు, పరికరాలు నమోదుపత్రం సమర్పించనిదే వీటిని అమ్మకూడదు, పంపిణీ చేయకూడదు. స్కానింగ్‌ వివరాలను ప్రతినెల ఐదో తేదీ లోపు వైద్య, ఆరోగ్య శాఖ కార్యాలయంలో సమర్పించాలి.

* అనుమతిలేని ప్రదేశాలు, నిబంధనలకు విరుద్ధంగా గర్భస్రావం చేస్తే ఐపీసీ 1860 సెక్షన్‌ 45 ప్రకారం రెండేళ్ల వరకు జైలు శిక్ష పడుతుంది. దీన్ని ఏడేళ్ల వరకు పొడిగించే అవకాశం సైతం ఉంది.

* లింగ నిర్ధారణ పరీక్షలను నియంత్రించేందుకు 1994లో తీసుకొచ్చిన చట్టం ప్రకారం ఉల్లంఘిస్తే మూడేళ్ల వరకు జైలు, రూ.వెయ్యి జరిమానా విధిస్తారు. చట్టానికి వ్యతిరేకంగా లింగనిర్ధారణకు పాల్పడ్డా, సహకరించిన జెనెటిస్టులు, గైనకాలజిస్టులు, వైద్యులకు మూడేళ్లు జైలు, రూ.10వేలు జరిమానా విధిస్తారు. రెండోసారి అలాంటి నేరమే చేస్తే ఐదేళ్ల జైలు, రూ.50వేలు జరిమానా విధిస్తారు.

వాస్తవ పరిస్థితి..!
జిల్లాలో ఇష్టారాజ్యంగా మారిన స్కానింగ్‌ కేంద్రాలపై పర్యవేక్షణ కొరవడింది. కర్నూలు నగరంలోని చాలా కేంద్రాల్లో రేడియాలజిస్టులుపేర్లతో బోర్డులు ఉన్నా.. స్కానింగ్‌ నిర్వహించే వారు మాత్రం అర్హతలేనివారే. జిల్లా వైద్యారోగ్య శాఖ పరిధిలోని డెమో విభాగ అధికారులు స్కానింగ్‌ కేంద్రాల వైద్యులు, గ్రామీణులతో భ్రూణ హత్యల నివారణపై ప్రతి నెలా సదస్సులు ఏర్పాటు చేయాలి.

* డీఎం అండ్‌ హెచ్‌వో అధికారులు విధిగా నెలకు 10శాతం స్కానింగ్‌ సెంటర్లను తనిఖీలు నిర్వహించి, నిబంధనలు పాటించని వాటిని సీజ్‌ చేయాలి.

* జిల్లాలో రెండు సంవత్సరాల క్రితం అధికారులు మొక్కుబడిగా దాడులు చేసి 12 స్కానింగ్‌ కేంద్రాలపై దాడిచేసి, రూ.లక్షల్లో జరిమానా విధించారు. సంబంధిత నిర్వాహకులు ఈ అపరాధాన్ని ఒక గంట సమయంలో చెల్లించడం చూస్తే వారి ఆదాయం ఏమేరకు ఉందో తెలుస్తోంది.

ఎప్పుడు చేయాలి..!
గర్భస్రావం(ఎంటీపీ) చట్టం 1971 ప్రకారం కొన్ని షరతుల పరిధిలో గర్భస్రావం చేయొచ్చు. దీనికి కేంద్ర ప్రభుత్వం కొన్ని మార్గదర్శకాలు జారీ చేసింది.

* గర్భ నిరోధకాలు విఫలమైన కారణంగా గర్భం వచ్చినప్పుడు, అత్యాచారం వల్ల గర్భదాల్చిన సమయంలో అర్హులైన, ధ్రువీకరణ పొందిన వైద్యులే చేయాలి.

* గర్భస్థ పిండానికి అసాధారణ ప్రమాదావకాశాలు ఉన్నప్పుడు.. గర్భవతికి ప్రాణ ప్రమాదం ఉన్నప్పుడు లేదా ఆమె ఆరోగ్యం తీవ్రంగా దెబ్బతినే ప్రమాదం ఉన్న సమయంలోనే గర్భస్రావం చేయాలి.

* గర్భవతి హానికారక మందులు, అణుధార్మిక శక్తి, రసాయనాల బారిన పడినప్పుడు.. గర్భిణీ లేదా ఆమె భర్త ఇతర కుటుంబీకులలో ఎవరికైనా మానసిక బుద్ధిమాంద్యం, శారీరక వైకల్యాలు, జన్ను సంబంధిత * 12వారాలలోపు ఒక వైద్యులు, 20వారాలలోపు అయితే ఇద్దరు వైద్యుల పర్యవేక్షణలో గర్భస్రావం చేయాలి.

* గర్భస్రావం చేసే ఆస్పత్రులు తప్పనిసరిగా ప్రత్యేక రిజిస్టర్‌ నిర్వహించాలి. ప్రతి నెలా జిల్లా వైద్య, ఆరోగ్య శాఖ కార్యాలయంలో సమర్పించాలి. గర్భస్రావం చేసేందుకు ఏర్పడిన పరిస్థితులను అందులో పేర్కొనాలి. ఇంతవరకు ఒక్క ఆస్పత్రి నుంచి నివేదిక అందలేదు.

ఇలా చేస్తే నివారించవచ్చు..
* స్కానింగ్‌ జాబితాను ఇంతవరకు ఆన్‌లైన్‌ చేయలేదు. హైదరాబాద్‌ మాదిరిగా ఆన్‌లైన్‌ అనుసంధానం చేయాలి. దీంతో స్కానింగ్‌ చేసిన ప్రతి ఒక్కటి ఎవరు ఎక్కడ చేశారో తెలుస్తుంది.

* స్కానింగ్‌లు కేంద్రాల్లో సీసీ కెమెరాలు ఏర్పాటు చేయాలి. నెలల ఫుటేజీలను జిల్లా వైద్య, ఆరోగ్యశాఖకు పంపించాలి.

* గర్భవతుల పేర్లను ఆన్‌లైన్‌లో నమోదు చేసి, దాన్ని వైద్య శాఖ కార్యాలయానికి అనుసంధానించాలి.

* మెదటి ప్రసవంలో ఆడపిల్ల పుట్టినవారిని, ఇద్దరు ఆడపిల్లలు ఉన్న తల్లులను ప్రత్యేకంగా ఆన్‌లైన్‌ నమోదు చేస్తే బాగుంటుంది.


బుకాయింపుల బూటకం!

పట్టుమని అయిదు లక్షల రూపాయల పెట్టుబడి; అలవోకగా దాదాపు అయిదు వేలకోట్ల రూపాయల గిట్టుబడి! సోనియాగాంధీ...

Full Story...

అన్నీ ...ప్రశ్నలే?

‘ఉదయ్‌కిరణ్‌ను సాయికుమార్‌ నా రివాల్వర్‌తో కాల్చాడు. నా చేతుల్లోంచి బలవంతంగా దాన్ని తీసుకున్నాడు... భయంతో నేను పారిపోయాను’ ...

ఆయకట్టు... అదిరేట్టు!

చెరువుల సుందరీకరణతోపాటు వాటి కింద ఉన్న పంటపొలాలకు సాగునీరు అందించడానికి జిల్లా అధికారులు పక్కాగా ప్రణాళికలు వేస్తున్నారు. ఈ మేరకు ఎనిమిది చెరువులను ఎంపిక...

2జీ నుంచి 5జీ.. వైఫై.. వాట్సప్‌!

జిల్లాలో ప్రతిష్ఠాత్మకంగా నిర్వహించే మేడారం సమ్మక్క-సారలమ్మ జాతరలో భక్తులకు అధునాతనమైన మొబైల్‌ సేవలు అందించేందుకు ప్రభుత్వ, ప్రైవేటు రంగ సంస్థల టెలికాం ఆపరేటర్లు పోటీ పడుతున్నారు.

నిధులున్నా.. నిర్లక్ష్యమే!

వరుసగా నాలుగు పంటలకు సాగు నీరు లేదు.. కూలీలు పనులు వెతుక్కుంటూ వలస బాట పడుతున్నారు.. సన్న, చిన్నకారు రైతులు చేయడానికి పని లేక...

జిల్లా ప్రాజెక్టులకు రూ.8,690.30 కోట్లు

జిల్లాలో ప్రధాన ఎత్తిపోతల పథకాలకు జూరాల ప్రాజెక్టు కింద పూర్తిస్థాయిలో ఆయకట్టుకు సాగునీరందించి జిల్లాను సస్యశ్యామలం చేయటం కోసం ప్రతిపాదించిన ప్రాజెక్టులకు వచ్చే మార్చి 2016-17 బడ్జెట్‌లో...

రూ.18.50 కోట్లకు తూట్లు

గజ్వేల్‌ నియోజకవర్గ ప్రజలకు మెరుగైన వైద్యసేవలు అందించేందుకు పట్టణంలో నిర్మిస్తున్న 100 పడకల ప్రభుత్వాస్పత్రి పనుల్లో నాణ్యత కొరవడుతోంది. అధికారుల పర్యవేక్షణ లేకపోవడంతో గుత్తేదారు ...

అందరి జీవితాల్లో వెలుగులు

‘‘పాలకులు మారుతున్నారు. ప్రభుత్వాలు మారుతున్నాయి. మా జీవితాలు మాత్రం మారడం లేదు. మాకు భరోసా కల్పించే నాయకులే కరవయ్యారు. ఫ్లోరైడ్‌ మహమ్మారీ వల్ల మా...

బెల్లం.. బంగారమే..!

24క్యారెట్ల బంగారం కొనుగోలు చేయాలనుకున్నా వినియోగదారుల చిరునామా అవసరం లేదు. ముత్యాలు, వజ్రాల వ్యాపార ప్రాంతాల్లో కూడా అధికారులు సీసీ కెమేరాలను ఏర్పాటు చేయలేదు.

పది పరీక్షల్లో ‘కెమెరా’ల కల్లోలం...

ప్రతి ఒక్కరికీ పరీక్ష అనగానే ఏదో తెలియని ఉత్కంఠ సహజం. కొందరికి పరీక్షా కేంద్రం ఫోబియా ఉంటుంది. ఈ పరిస్థితుల్లో సీసీ కెమెరాలు పెడితే మరింత ఆందోళనకు గురయ్యే ఆస్కారం ఉంది. ఇలాంటి పరిస్థితుల్లో గుండెదడ, ...

ముందే సగం డబ్బులు

గ్రామాల్లో పారిశుద్ధ్యానికి ప్రాధాన్యమిస్తూ మరుగుదొడ్ల నిర్మాణంపై ప్రత్యేక దృష్టిపెట్టిన ప్రభుత్వం తాజాగా నిర్మాణాల్లో కొత్త నిబంధనలను ప్రవేశ పెట్టింది. మరుగుదొడ్ల నిర్మాణాన్ని మరింత...

బహిరంగ విఫణిలోకి మార్క్‌ఫెడ్‌

బహిరంగ మార్కెట్‌లో ఈనెల 5న క్వింటాలు కందుల ధర రూ.7000లు... 6న మార్క్‌ఫెడ్‌ రంగంలోకి దిగాక క్వింటా ధర రూ.7677లు... 9న ఇదే ధర వద్ద కొనసాగిన కొనుగోళ్లు... దీంతో తప్పనిసరై ప్రైవేటు...

హామీకి ఏడాది...ఆచరణకు దారేది

ఎక్కడపడితే అక్కడ పెంటకుప్పలు లేకుండా.. గ్రామం మొత్తం పశువులు ఒకే స్థలంలో ఉంటూ.. పాలను మద్దతు ధరకు అమ్ముతూ.. పశువులకు అందుబాటులో వైద్యులు, గడ్డి నిల్వ గోదాము..

మరో సంగమం

నదుల అనుసంధానంలో భాగంగా పట్టిసీమ ప్రాజెక్టు ద్వారా గోదావరి నీటిని కృష్ణాకు తరలించిన రాష్ట్ర ప్రభుత్వం.. పశ్చిమ కృష్ణాలోనూ మరో ప్రాజెక్టుకు రూపకల్పన చేస్తోంది. తిరువూరు...

చిత్రావతిలో ఇసుక దొంగలు!

చిత్రావతి నదిలో ఇసుకాసురులు తిష్టవేశారు. అక్రమంగా ఇసుకను తరలిస్తూ సొమ్ము చేసుకుంటున్నారు. వెరసి సహజ వనులు ధ్వంసం అవుతున్నాయి. అక్రమ రవాణాను అరికట్టాల్సిన యంత్రాంగం చేష్టలుడిగి చూస్తోంది.

రబీ సాగుకు ఎత్తిపోతలు

జిల్లాలో రబీలో సాగునీటి ఎద్దడి నివారణకు నీటిపారుదల శాఖ యంత్రాంగం ప్రత్యామ్నాయ ఏర్పాట్లు చేస్తోంది. రబీలో పంటకు నీటి సమస్య తలెత్తకుండా గోదావరిలో తాత్కాలిక...

కొత్త పారిశ్రామికవేత్తలకు ‘వసతుల’ హారతి

చుట్టుపక్కల జిల్లాలకు కొత్త పరిశ్రమలు వరుసగా వస్తుంటే.. కడప జిల్లా వైపు మాత్రం ఎవరూ తొంగి చూడడం లేదు. వేలాది ఎకరాల భూమి అందుబాటులో...

కళ్లను పొడిచే రెప్పలు.. గుడ్లను మింగే పాములు

గ్రామీణ నిరక్షరాస్యత.. కొందరి వైద్యుల అత్యాశ.. ఉన్నతాధికారుల పర్యవేక్షణ లోపం... ఆడశిశువులకు మరణశాసనం రాస్తున్నాయి. లింగనిర్ధారణ పరీక్షలపై నిఘా ఉంచాల్సిన యంత్రాంగం...

జిల్లాలో ‘జిందాల్‌’ పవర్‌

నెల్లూరు జిల్లాలో ఏర్పాటు చేయనున్న కినెట థర్మల్‌ పవర్‌ ప్లాంట్‌పై ప్రతిష్టంభన తొలగింది. థర్మల్‌ పవర్‌ ప్లాంటు నిర్మాణం చేపట్టేందుకు ఏర్పాట్లు చేస్తున్నారు. ఈ థర్మల్‌ కేంద్రం వాటాలను...

పీజీ.. ఈజీ కాదు

రిమ్స్‌కు రోగుల సంఖ్య గణనీయంగా పెరిగింది.. ఇప్పుడిప్పుడే అరుదైన శస్త్రచికిత్సలతో పేదల మనసులకూ దగ్గరవుతోంది.. కానీ.. అందుకు తగ్గట్లు వైద్యుల సంఖ్య పెరగకపోవడం కొత్త సమస్యలకు దారి తీస్తోంది.

పలాసలో నాణ్యత పలాయనమే!

నీటి పథకం అంటే... ‘అవినీతి మయం’ అనే మాట ఇక్కడ రుజువవుతోంది. తాగునీటి సరఫరా నిధులంటే... జేబులో వేసేసుకొవచ్చనే ఆరోపణలు ఇక్కడ నిజమే అనేలా పనులు సాగుతున్నాయి.

వెళ్లొస్తాం..

భౌగోళికంగా విడివిడిగా ఉన్నా.. మహా సాగరాల్లో మనమంతా ఒక్కటే అన్న నినాదం మారుమోగించి.. విశాఖ సాగర తీరాన మనతో మమేకమై.. మన ఆతిథ్యానికి మెచ్చి.. జనంతో సందడి...

పచ్చ‘ధనానికి’ రెక్కలు...!

సాధారణంగా మన ఇంటివద్ద ఒక మొక్క వేస్తే ప్రతిరోజూ ఎలా ఉందో చూసుకుంటాం. ఎండిపోతే నీరు పోసి సంరక్షణ చర్యలు చేపడతాం. ఎదిగే వరకూ అన్ని చర్యలు...

చిన్న మోసం.. పెద్ద లాభం

తూనికలు-కొలతలు శాఖ మొద్దునిద్ర పోతోంది. ఎంతలా అంటే వారి అధికారిక లెక్కల ప్రకారం జిల్లాలో వివిధ విభాగాలకు సంబంధించి 28 వేల దుకాణాలు నమోదై ఉంటే కేవలం వీటిలో...