నేటి నుంచి యధావిధిగా రైళ్ల రాకపోకలు
close

తాజావార్తలు


నేటి నుంచి యధావిధిగా రైళ్ల రాకపోకలు
ఆర్‌.ఆర్‌.ఐ ఆధునికీకరణ పనులు పూర్తి
విజయవాడలో అన్ని ప్లాట్‌ఫారాలకు 24 బోగీల రైళ్లు
విజయవాడ: విజయవాడలో చేపట్టిన రూట్‌ రిలే ఇంటర్‌ లాకింగ్‌ సిస్టమ్‌ (ఆర్‌.ఆర్‌.ఐ) తుది దశ పనులు పూర్తయ్యాయి. వందలాది మంది కార్మికులు పది రోజులుగా 24గంటలూ విధులు నిర్వహించి అనుకున్న సమయాని కన్నా ముందుగానే ఇంటర్‌ లాకింగ్‌ మార్పిడి పనులు విజయవంతంగా పూర్తి చేశారు. సోమవారం రాత్రితో పనులు మొత్తం పూర్తి కావడంతో విజయవాడ రైల్వేస్టేషన్‌లోని మంగళవారం నుంచి ఒకటి నుంచి 10ప్లాట్‌ఫారాలకు 24బోగీల రైళ్లు చేరుకుంటున్నాయి. దీంతో దశాబ్దాలుగా ప్రయాణికులు పడిన ఇబ్బందులు పూర్తిగా తొలిగాయి. ఔటర్‌లలో అత్యవసర మినహా రైళ్లను నిలిపే పరిస్థితి తలెత్తదు. ఆధునికీకరణ పనుల్లో భాగంగా విజయవాడ రైల్వేస్టేషన్‌ పరిసరాలతో పాటు యార్డుల వద్ద పాత పట్టాలు, సిగ్నళ్లను తొలగించి అత్యాధునిక సిగ్నల్‌ వ్యవస్థను ఏర్పాటు చేశారు. విజయవాడతో పాటు వివిధ డివిజన్లకు చెందిన వెయ్యి మంది రైల్వే కార్మికులు, మరో 1500 మంది ఒప్పంద కార్మికులు ఆధునికీకరణ పనుల్లో పాల్గొన్నారు. డీఆర్‌ఎం అశోక్‌కుమార్‌, ఏడీఆర్‌ఎం వేణుగోపాలరావు ఆర్‌ఆర్‌ఐ క్యాబిన్‌లో కొత్త వ్యవస్థను లాంఛనంగా ప్రారంభించగా అక్టోబరు మొదటి వారంలో రైల్వే మంత్రి సురేష్‌ప్రభు అధికారికంగా ప్రారంభిస్తారని రైల్వే తెలిపారు. గతంలో కేవలం ఒకటి, 6,7 ప్లాట్‌ఫారాలకు మాత్రమే 24 బోగీల రైళ్లు నడవగా తాజాగా అన్ని ప్లాట్‌ఫారాలలో 24 బోగీల రైళ్లు రాకపోకలు సాగిస్తుండడంతో స్టేషన్‌లో విధులు నిర్వహించే రైల్వే ఉద్యోగులు, ప్రయాణికులు ఆసక్తిగా తిలకిస్తున్నారు. విజయవాడ డిప్యూటీ సీఎస్టీయి (కన్‌స్ట్రక్షన్స్‌) పాండురంగ విఠల్‌, ఎస్‌ అండ్‌టీ చీఫ్‌ ఇంజనీర్‌ సి.మోహన్‌ పర్యవేక్షణలో పనులు విజయవంతంగా పూర్తి చేశారు. ఆర్‌ఆర్‌ఐ పనుల్లో భాగంగా రద్దు, దారి మళ్లించిన రైళ్లు బుధవారం నుంచి యథావిధిగా నడుస్తాయని అధికారులు ప్రకటించారు.
FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.