బండెనక బండి.. సాఫీగా సాగండి
close

తాజావార్తలు


బండెనక బండి.. సాఫీగా సాగండి
వరసగా వెళితేనే ఆటంకాలు లేకుండా రాకపోకలు
ట్రాఫిక్‌ జాంలకు ఇదే పరిష్కారమంటున్న నిపుణులు
పేరున్న నగరాలన్నింటిలోనూ ట్రాఫిక్‌ స్తంభించడం నిత్యకృత్యం. అది అమెరికాలోని న్యూయార్క్‌ నగరం కావొచ్చు.. మన దేశంలోని ముంబయి కావొచ్చు. అక్కడ ట్రాఫిక్‌ స్తంభించడం అంటే వాహనం ఎక్కడ ఆగకుండా నిదానంగా ముందుకు సాగడం. మరి మన హైదరాబాద్‌లో ట్రాఫిక్‌ జాం అంటే ఎక్కడి వాహనాలు అక్కడి ఆగిపోవడం. ఎందుకీ తేడా?
 హైదరాబాద్‌: రాజధానిలో ట్రాఫిక్‌ స్తంభించడం నిత్యకృత్యం.. వర్షం పడితే.. ఎక్కడైనా వాహనం పాడైతే.. ధర్నాలు చేస్తే ఆ మార్గం పూర్తిగా గ్రిడ్‌ లాకైపోతుంది. ఇటువంటి పరిస్థితులు ఇతర నగరాల్లో లేవా అంటే.. ఏ నగరం వీటికి మినహాయింపు కాదు. అయినా వాహనాలు ఆగకుండా కదలడానికి రహదారులపై వరస క్రమశిక్షణ పాటించడమే అని ఆయా నగరాలను సందర్శించిన అనుభవంతో నగరవాసులు అంటున్నారు. రవాణా రంగ నిపుణులు సైతం ఇదే అభిప్రాయాన్ని వ్యక్తం చేస్తున్నారు.

గ్రిడ్‌ లాక్‌..
ఇటీవల ఎక్కువగా వినపడుతున్న పదమిది. బెంగళూరు, దిల్లీలో వర్షం పడిన సందర్భంలో ఆయా నగరాలు గ్రిడ్‌లాక్‌ అయ్యాయి. స్వల్పదూరానికే గంటల తరబడి రహదారులపై వాహనాలు నిలిచిపోయాయి. హైదరాబాద్‌లోనూ ఇటీవల కురిసిన వర్షానికి ఇటువంటి అనుభవాన్నే నగరవాసులు ప్రత్యక్షంగా చవిచూశారు. ప్రజారవాణా వ్యవస్థ సమర్థంగా లేకపోవడంతో వ్యక్తిగత వాహనాల సంఖ్య పెరగడం.. రహదారులు విస్తరిస్తున్న వాహన విస్ఫోటాన్ని తట్టుకోలేకపోవడంతో గ్రిడ్‌ లాక్‌ స్థాయికి నగరాలు చేరుతున్నాయి. ముంబయిలో ఎంత వర్షం పడినా అక్కడ ట్రాఫిక్‌ సమస్యలు ఉండవని అక్కడి పరిస్థితులను దగ్గర్నుంచి గమనించిన మెట్రో అధికారి ఒకరు అన్నారు. అందుక్కారణం అక్కడ ఎక్కువమంది లోకల్‌ రైళ్లను వినియోగించడం ఒకటైతే.. రహదారులపై వరస క్రమశిక్షణను పాటించడం అని విశ్లేషించారు.

వరసగా వెళితే..
* హైదరాబాద్‌ నగరంలో మిగతా మెట్రో నగరాలతో పోలిస్తే రహదారుల పరంగా విశాలంగానే ఉన్నాయి. కాకపోతే ఇక్కడ వాహనాలు అడ్డదిడ్డంగా వెళుతుంటాయి.

* ప్రధాన రహదారుల్లోనూ చాలా ప్రాంతాల్లో రహదారులు 100 నుంచి 150 మీటర్ల వరకు ఉన్నప్పటికీ వాహనాలు ముందుకు సాగకపోవడానికి వరస పాటించకపోవడమే కారణం.

* కార్లు వెళుతున్న దారి మధ్యలో ద్విచక్రవాహనాలు దూరుతుంటాయి. ఇలా వరస తప్పడంతో ఆ వరసలో వచ్చే వాహనం ఉన్నపళంగా ఆగిపోతుంది.

* ఎవరికి వారు ముందు వెళ్లాలనే ఆత్రుతలో ట్రాఫిక్‌ స్తంభించడానికి కారణం అవుతున్నారు.

* వాహనాలు ఎక్కడికక్కడ నిల్చిపోవడంతో అంబులెన్స్‌లు కూడా వెళ్లలేని పరిస్థితులు నెలకొన్నాయి. అంబులెన్స్‌లకు కూడా చోటివ్వలేని సిటీ విశ్వననగరం కాలేదని సాక్షాత్తూ ఓ మంత్రి అన్నారు.

ఇలా చేస్తే..
* రహదారులపై ద్విచక్రవాహనాలు, కార్లు, ఇతర వాహనాలు నడిపేవారు ఒక వరసకు కట్టుబడి ఉండాలి. పెద్దవాహనాలు కుడివైపు.. ద్విచక్రవాహనాలు ఎడమవైపు.. కార్లు మధ్యదారిలో వెళ్లేలా ఎవరికివారు స్వీయ క్రమశిక్షణ పాటించాలి.

* వరసలో వాహనాలు వెళ్లేటప్పుడు ఫ్రీ లెఫ్ట్‌ను విస్మరించవద్దు.

* వరసలోనే వెళితే వాహన వేగం మందగించవచ్చు తప్ప ఎక్కడ గంటల తరబడి వాహనాలు ఆగిపోయే పరిస్థితి ఉండదు. ఇతర నగరాల చెబుతున్న అనుభవాలివి.

* వాహన ప్రమాదాలకు ఆస్కారం తక్కువ. వాహనదారులు ఒకరితో ఒకరు వాగ్వివాదాలు ఉండవు.

FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.