latest breaking telugu news
close

తాజావార్తలు

ట్రంప్‌ అధ్యక్షుడయ్యే వేళ..
అమెరికా అధ్యక్షుడిగా డోనాల్డ్‌ ట్రంప్‌ శుక్రవారం బాధ్యతలు తీసుకోబోతున్నారు. ఈ వేడుకకు భారీ స్థాయిలో ఆయన  మద్దతుదారులు హాజరుకాబోతున్నారు. మరోవైపు నిరసనకారులూ ఆందోళనకు సిద్ధమవుతున్నారు.
ప్రమాణ కార్యక్రమాలు
* జనవరి 20: సెయింట్‌ జాన్స్‌ ఎపిస్కోపల్‌ చర్చిలోని ఉదయం (స్థానిక కాలమానం ప్రకారం) ప్రార్థనల్లో ట్రంప్‌ పాలుపంచుకుంటారు. అనంతరం ఒబామాతో కాపిటల్‌ భవనానికి వూరేగింపుగా వెళ్తారు.
* ఉదయం 9.30: ప్రముఖ గాయని జాకీ ఇవాంచో జాతీయ గీతాన్ని ఆలపిస్తారు. అనంతరం మార్మన్‌ టేబెర్నాకిల్‌ గాయక బృందం సంగీత ప్రదర్శన, మతబోధకుల ఉపన్యాసాలు ఉంటాయి.
డెమోక్రటిక్‌ అభ్యర్థి హిల్లరీ క్లింటన్‌, మాజీ అధ్యక్షులు బిల్‌ క్లింటన్‌, జార్జ్‌ డబ్ల్యూ.బుష్‌, జిమ్మీ కార్టర్‌లూ ఈ కార్యక్రమాలకు హాజరవుతారు.
* మధ్యాహ్నం 12: ట్రంప్‌తో అమెరికా సుప్రీం కోర్టు ప్రధాన న్యాయమూర్తి జస్టిస్‌ జాన్‌ రాబర్ట్స్‌ ప్రమాణం చేయిస్తారు. అనంతరం అధ్యక్షుడిగా ట్రంప్‌ తొలి ప్రసంగమిస్తారు. ఉపాధ్యక్షుడిగా మైక్‌పెన్స్‌ ప్రమాణం చేస్తారు.
* కాపిటల్‌ భవనంలోని స్టాచ్యువరీ హాల్‌లో అధికారిక విందు
* 3 గంటలకు: అధ్యక్ష ప్రమాణ స్వీకార కవాతు పెన్సిల్వేనియా ఎవెన్యూ మార్గం గుండా శ్వేతసౌధానికి వెళ్తుంది.
* సతీమణి మెలానియాతో కలిసి మూడు అధికారిక విందుల్లో ట్రంప్‌ పాల్గొనే అవకాశముంది.
* 3,000 మంది పోలీసులు, 7,000 మంది జాతీయ భద్రతా బలగాలు కవాతు మార్గం పరిసరాల్లో మోహరిస్తాయి.
* ప్రమాణ స్వీకారానికి ముందు, తర్వాత ఆందోళనలకు నిరసనకారులు ప్రణాళికలు రచిస్తున్నారు. వాషింగ్టన్‌లో 21వ తేదీ మధ్యాహ్నం భారీ స్థాయిలో మహిళలు ర్యాలీ చేపట్టే అవకాశముంది.



తొలిరోజు ప్రాథమ్యాలివే..
అమెరికాకు పునర్‌వైభవం తీసుకురావాలనే అజెండాను తొలిరోజు నుంచే ట్రంప్‌ ఆచరణలోపెట్టే సూచనలు కనిపిస్తున్నాయి.
ప్రమాణ స్వీకార ప్రసంగంలో ఆయన కీలక నిర్ణయాలను ప్రస్తావించే అవకాశముంది. అవేంటో ఓసారి చూద్దామా...!

* వాణిజ్యం: ట్రాన్స్‌-పసిఫిక్‌ కూటమి నుంచి అమెరికా వైదొలగడం. వివిధ దేశాలతో ద్వైపాక్షిక వాణిజ్య చర్చల ద్వారా పరిశ్రమలు, ఉద్యోగాలను అమెరికాకు వెనక్కుతెప్పించడంపై దృష్టి.



* ఇంధనం: అమెరికా ఇంధన ఉత్పత్తి రంగంలో నిబంధనల ఎత్తివేత. భారీ వేతనాలిచ్చే లక్షల ఉద్యోగాల కల్పనే దీని ముఖ్య ఉద్దేశం. కర్బన ఉద్గారాలు కట్టడికి 2015లో శుద్ధ ఇంధన ప్రణాళిక పేరిట ఒబామా ఏర్పాటుచేసిన నిబంధనలపైనా వేటు.


* నైతిక సంస్కరణలు: ప్రభుత్వ అధికారులు ఒప్పందాల్లో మధ్యవర్తులుగా మారకుండా ఐదేళ్లు నిషేధం. విదేశీ ప్రభుత్వాలకు మధ్యవర్తిత్వం వహించకుండా పూర్తికాల నిషేధం.
అమెరికా చట్టసభ సభ్యులకూ వివిధ పదవులు చేపట్టే అవకాశాలకు పరిమితులు విధించే వీలు.


* నిబంధనలు: ఓ కొత్త నిబంధన అమలులోకి తీసుకొచ్చే ప్రతిసారీ.. రెండు పాత నిబంధనలు పక్కనపెట్టేలా నిర్ణయం.
ప్రస్తుతమున్న వాటిలో 70 శాతం నిబంధనలను తొలగిస్తామని ఇప్పటికే ట్రంప్‌ స్పష్టంచేశారు. అయితే పర్యావరణ, భద్రతా నిబంధనలు యథాతథంగా కొనసాగుతాయని చెప్పారు.


* రక్షణ: సైబర్‌ నేరాలు సహా ఇతర దాడుల నుంచి అమెరికా సదుపాయాలకు భద్రత కల్పించేందుకు సమగ్ర ప్రణాళికను సిద్ధంచేయాలని పెంటగాన్‌కు ఆదేశాలిచ్చే అవకాశం.
* వలసలు: అమెరికా కార్మికుల మీద ప్రభావం చూపే వీసా దుర్వినియోగాలపై దర్యాప్తునకు ఆదేశాలు.
FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2017 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.