latest breaking telugu news
close

తాజావార్తలు

పాఠంపై పట్టు దొరకడంలేదు!
2వ తరగతి పాఠ్యాంశాన్ని వల్లె వేయలేని 8వ తరగతి విద్యార్థులు
ఇదీ తెలంగాణలోని ప్రభుత్వ, ప్రైవేటు పాఠశాలల దుస్థితి
‘ప్రథమ్‌’ అసర్‌ నివేదికలో తేటతెల్లం ఈనాడు - హైదరాబాద్‌
తెలంగాణలో తరగతులకు తగ్గట్లుగా విద్యార్థుల అభ్యసనస్థాయి ఏటేటా పడిపోతోంది. నేర్చుకునే విద్యాసామర్ధ్యం గణనీయంగా తగ్గిపోతున్నట్లు సృష్టమైంది. ప్రభుత్వ, ప్రైవేటు బడుల్లో ఇదే దుస్థితి. బడుల్లో విద్యార్థుల హాజరు శాతం పెరుగుతుండగా, మరోవైపు ఉపాధ్యాయుల హాజరీ తగ్గిపోతోంది. వార్షిక విద్యాస్థాయి నివేదిక(అసర్‌) తాజా నివేదిక ఈ విషయాలను తేటతెల్లం చేసింది. ప్రథమ్‌ స్వచ్ఛందసంస్థ దేశవ్యాప్తంగా గ్రామీణ ప్రాంతాల్లో ఇంటింటి సర్వేచేసి ఈ నివేదికను విడుదల చేసింది. తెలంగాణలో పాత 9 గ్రామీణ జిల్లాల్లో విద్యార్థుల నమోదు, పాఠాలు చదివేస్థాయి, తీసివేతలు, భాగహారాలు చేయడం, బడుల్లో వసతులు తదితర అంశాలపై సర్వే చేసింది. సర్కారు బడుల్లోని 5వ తరగతి పిల్లలు 2వతరగతి పుస్తకాన్ని 60శాతం మంది, ప్రైవేటు విద్యార్థులు 40శాతం మంది సక్రమంగా చదవలేకపోతున్నట్లు వెల్లడైంది. విచిత్రమేమంటే 28శాతం మంది 8వతరగతి విద్యార్థులూ తప్పుల్లేకుండా చదవలేకపోయారు.
అధ్యయనం తేల్చిన ముఖ్యాంశాలు: 60, అంతకంటే తక్కువ విద్యార్థులున్న ప్రభుత్వ, ప్రైవేటు పాఠశాలలు(ప్రాథమిక, ప్రాథమికోన్నత) ఏటా పెరుగుతున్నాయి. 2010లో 17.2 శాతముండగా 2012(18.0), 2014(19.7), 2016లో 26.5 శాతానికి పెరిగాయి.

* 6-14 ఏళ్ల వయసున్న 2.2శాతం మంది బడుల్లో చేరలేదు. 15-16 వయసు పిల్లల్లో 11.2 శాతం మంది బాలురు, 12.8 శాతం మంది బాలికలు బడులకు దూరంగా ఉన్నారు.

* 6-14 వయసు మధ్య విద్యార్థులు ప్రైవేటు బడుల్లో చదువుతున్న వారు అత్యధికంగా కరీంనగర్‌ జిల్లాలో 53.1 శాతం ఉన్నారు. అత్యల్పంగా ఆదిలాబాద్‌లో 31 శాతమున్నారు. అదేవిధంగా 3-8 తరగతుల్లో అభ్యసనస్థాయి అత్యధికంగా ఖమ్మం జిల్లా విద్యార్థుల్లో ఉండగా అత్యల్పంగా ఆదిలాబాద్‌ జిల్లాలో ఉంది.

* ప్రైవేటు బడుల్లో 1-5 తరగతుల పిల్లలు స్వల్పంగా పెరుగుతుండగా.. 6-8 తరగతుల పిల్లల సంఖ్యలో మార్పులేదు. 2010లో ప్రైవేటులో చదివే 1-5 తరగతుల వారు 41 శాతముండగా 2016కు 45 శాతానికి చేరింది. అదే 6-8 తరగతుల వారి శాతం మాత్రం 2010లో 30 శాతముండగా 2016లో అంతే శాతమున్నారు.

FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2017 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.