latest breaking telugu news

తాజావార్తలు

సోయా.. సాగు లేదయా!
పత్తి స్థానంలో వేయాలంటున్న సర్కారు
రాయితీ విత్తనాలే కొనని రైతులు
గతేడాదిలానే ఈసారీ విక్రయం
రెట్టింపు అమ్మకానికి పెట్టిన ప్రభుత్వ సంస్థలు
ఈనాడు - హైదరాబాద్‌
బీటీ పత్తి స్థానంలో సోయాచిక్కుడు సాగును పెంచాలన్న వ్యవసాయశాఖ లక్ష్యం నెరవేరేలా కనిపించడంలేదు. సోయాసాగుకు ఆదిలాబాద్‌, నిజామాబాద్‌లే తప్ప మిగతా జిల్లాల రైతుల్లో స్పందన లేదని వ్యవసాయశాఖ నివేదికలో వెల్లడైంది. ఈపంటను ప్రోత్సహించేందుకు రాయితీ విత్తనాలను ఆశాఖ ఏర్పాటుచేసింది. కానీ రైతుల స్పందన అంతంతమాత్రంగా ఉంది. ఏటా 2లక్షల సోయా విత్తనాలను రాయితీపై వ్యవసాయశాఖ అమ్మకానికి ఉంచుతుంది. ఈఏడాది పత్తి రైతులు ఇటు మళ్లుతారనే ఆశతో 3.75 లక్షల క్వింటాళ్ల విత్తనాలను సిద్ధంచేసింది. తెలంగాణ రాష్ట్ర విత్తనాభివృద్ధి సంస్థ(టీఎస్‌ సీడ్స్‌)కు 1.20 లక్షల క్వింటాళ్లు, హాకాకు 85 వేలు, మార్క్‌ఫెడ్‌కు 25 వేలు, ఆయిల్‌ఫెడ్‌కు 85 వేల క్వింటాళ్లు అమ్మాలని నిర్దేశించింది. ఇప్పటివరకూ 1,71,262 క్వింటాళ్లు మాత్రమే రాయితీపై అమ్మారు. గతేడాది(2015) ఖరీఫ్‌లో సరిగ్గా 1.71 లక్షల క్వింటాళ్లే అమ్మారు. ఇప్పుడు వర్షాలు పడుతున్నందున మరో 30వేల క్వింటాళ్లు అమ్ముడవ్వవచ్చని విత్తనసంస్థలు భావిస్తున్నాయి. ఎప్పటిలాగానే 2లక్షల క్వింటాళ్లకు అటూ ఇటుగా విత్తనాలు అమ్ముడుకావచ్చని, బీటీ పత్తిని వదిలి ఈపంటను కొనేందుకు రైతులు ముందుకు రావడం లేదని ఓఅధికారి ‘ఈనాడు’కు చెప్పారు.

దెబ్బతీసిన వర్షాభావం
సోయాచిక్కుడు సాగు పెరగకపోవడానికి రెండు కారణాలు కనిపిస్తున్నాయి. ఈనెల 5కల్లా రాష్ట్రానికి ప్రవేశించాల్సిన నైరుతి రుతుపవనాలు 20 వరకూ రాకపోవడంతో భారీవర్షాలు కురవలేదు. సోయా విత్తనాలను రైతులు జూన్‌ 25లోపే కొంటారు. వర్షాభావ పరిస్థితులు విత్తన అమ్మకాలపై ప్రభావం చూపాయి. సోయాను నిజామాబాద్‌, ఆదిలాబాద్‌లోనే రైతులు వేస్తుంటారు. ఖమ్మం, మహబూబ్‌నగర్‌, నల్గొండ జిల్లాల వారికి తెలియదు. ఈపంటను ప్రోత్సహించాలనే సంకల్పముంటే ఏడాది ముందు.. 2015లోనే వ్యవసాయశాఖ ఈజిల్లాల్లో ఎంపిక చేసిన రైతులతో ప్రద¹ర్శన క్షేత్రాలు ఏర్పాటుచేయించి మిగతావారికి సాగు పద్ధతులు తెలపాలి. కానీ అలాచేయలేదు. సోయా నూనెగింజల పంట. ధర పలకాలంటే సాగుప్రాంతాల్లో నూనె మిల్లులుండాలి. అవీలేవు. తెలంగాణలో ఏటా 5లక్షల ఎకరాల్లో పంటవేస్తారు. ఈఏడాది పత్తి నుంచి రైతులను మళ్లించి 10 లక్షల ఎకరాలకు పెంచాలన్నది ప్రభుత్వలక్ష్యం. ఇందులో జూన్‌ 25 నాటికి 2లక్షల ఎకరాలు సాగుకావాలి. ఇప్పటివరకూ లక్షన్నర ఎకరాల్లోనే వేశారు. 2015లో 3.70లక్షల ఎకరాల్లో వేశారు. ఈఏడాది సాధారణంకన్నా రెట్టింపుచేయాలని ప్రభుత్వలక్ష్యం. కనీసం సాధారణ స్థాయిలోనైనా సాగుకాలేదు. వర్షాలు బాగాకురిస్తే సాధారణ సాగువిస్తీర్ణానికి చేరుతుందని అంచనా.

FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు
Property Handling 300x50

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.