latest breaking telugu news

తాజావార్తలు

కారు చీకట్లో..చావు వాకిట్లో..!
పాముకాటు, జ్వరాలతో 47 మంది మృతి
కరవైన రక్షిత మంచినీరు
బడికి దూరంగా 50 మంది పిల్లలు
ఎల్లన్ననగర్‌ వాసుల దీనస్థితి
ఈనాడు, ఖమ్మం: నేటికీ రాష్ట్రంలో విద్యుత్తు సౌకర్యం లేని గ్రామాలున్నాయంటే నమ్మగలమా? దాహమేస్తే కాలువ వైపు..రోగమొస్తే చావు వైపు పరుగెత్తే మనుషులున్నారంటే నమ్ముతారా? ఖమ్మం జిల్లా కొణిజర్ల మండలం గుబ్బగుర్తి పంచాయతీ పరిధిలోని ఎల్లన్ననగర్‌ గ్రామాన్ని చూస్తే అది నిజమని నమ్మక తప్పదు. ఖమ్మం జిల్లా కేంద్రానికి సుమారు 28 కి.మీ. దూరంలో ఎల్లన్ననగర్‌ గ్రామం ఉంది. జనాభా 450. కుటుంబాల సంఖ్య 180. 1993లో ఏర్పడిన ఈ గ్రామానికి ఇప్పటికీ విద్యుత్తు సౌకర్యం లేదు. రహదారి సౌకర్యం, పాఠశాల కూడా లేదు. రాత్రివేళల్లో కిరోసిన్‌ దీపాల వెలుగులో గ్రామస్థులు కాలం వెళ్లదీస్తున్నారు.

మరణంతో సహవాసం: గ్రామం అటవీ ప్రాంతానికి సమీపంలో ఉండటంతో పాములు, దోమల బెడద ఎక్కువే. విద్యుత్తు సౌకర్యం లేని కారణంగా ఇప్పటివరకు సుమారు 47 మంది పాముకాటు, జ్వరాలతో మరణించారు. ప్రసవానంతర వైద్యం అందక ఇటీవల ఇరువురు బాలింతలు మృతిచెందారు. సరైన దారి లేకపోవడంతో గ్రామంలోని గర్భిణులు నెలవారీ చికిత్స నిమిత్తం వైరా, ఖమ్మం, కొత్తగూడెం వెళ్లేందుకు నరకయాతన అనుభవిస్తున్నారు. 2000 సంవత్సరంలో బోరు వేసినా..అందులో నీరు అడుగంటడంతో సమీపంలోని నాగార్జునసాగర్‌ ఎడమ కాల్వ నీటిపైనా ఆధారపడుతున్నారు. పాఠశాల లేని కారణంగా గ్రామంలోని సుమారు 50 మంది ఎనిమిదేళ్లలోపు పిల్లలు చదువుకు దూరమయ్యారు. 33/11 కేవీ విద్యుత్తు ఉపకేంద్రం గ్రామానికి 3 కి.మీటర్ల దూరంలోపే ఉన్నా.. విద్యుత్తు సౌకర్యం కల్పించడంలేదని గ్రామస్థులు వాపోతున్నారు. విద్యుత్తు లేని కారణంగా మగ పిల్లలకు వివాహాలుకావడం లేదని, కోడళ్లు కాపురాలకు రావడం లేదన్నారు.

అటవీశాఖ అభ్యంతరాలతోనే: అటవీశాఖ అభ్యంతరాల కారణంగా గ్రామానికి విద్యుత్తు సౌకర్యం కల్పించలేకపోయాం. ఆ ఇబ్బందులు తొలిగితే విద్యుత్తు సౌకర్యం కల్పించేందుకు సిద్ధమే. - రవి, డీఈ, ఎన్‌పీడీసీఎల్‌, ఖమ్మం

FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు
Property Handling 300x50

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.