latest breaking telugu news
close

తాజావార్తలు

ఇంజినీరింగ్‌కు ‘డీమ్డ్‌’ బాట
విద్యార్థులు, తల్లిదండ్రులను ఆకర్షిస్తున్న ప్రాంగణ నియామకాలు
ఒక్కోవిద్యార్థి ఐదారు ప్రవేశ పరీక్షలకు దరఖాస్తులు
దాదాపు అన్ని డీమ్డ్‌ వర్సిటీల పరీక్షలు ఏప్రిల్‌లోనే
ఎన్నో అంశాలు పరిశీలించాలంటున్న నిపుణులు
ఈనాడు - హైదరాబాద్‌
వేలాదిమంది విద్యార్థులు డీమ్డ్‌ విశ్వవిద్యాలయాల్లో ఇంజినీరింగ్‌ చదివేందుకు ఆసక్తి చూపుతున్నారు. ప్రాంగణ నియామకాల్లో ఉద్యోగం వస్తుందన్న ఆశతో ఆర్థిక భారమైనా తల్లిదండ్రులు అటువైపే మొగ్గుతున్నారు. రాష్ట్రంలో చదివితే ఉద్యోగాల కోసం తిప్పలు తప్పవనే భావనతో దూరం, ఆర్థికభారమైనా వాటివైపు చూస్తున్నారు. జేఈఈ మెయిన్‌, ఎంసెట్‌తోపాటు 4-6 డీమ్డ్‌, ప్రైవేట్‌వర్సిటీల్లో ప్రవేశానికి దరఖాస్తు చేస్తున్నారు. రాష్ట్రంలో ఇంజినీరింగ్‌చదివిస్తే 15-20కళాశాలల్లో తప్ప ఎక్కడా ప్రాంగణ నియామకాలు జరగడంలేదు. వాటిల్లో సీటు సంపాదించాలంటే మంచి ర్యాంకు రావాలి. కోరుకున్న విభాగంలో సీటు వస్తుందన్న గ్యారంటీలేదు. ఈపరిస్థితుల్లో భారీసంఖ్యలో సీట్లుండే డీమ్డ్‌, ప్రైవేట్‌వర్సిటీల్లో అయితే కొద్ది ప్రతిభచూపినా డిమాండున్న కంప్యూటర్‌సైన్స్‌, ఈసీఈలాంటి విభాగాల్లో సీటు వస్తుందని భావిస్తున్నారు. ఒక్కోవర్సిటీలో ఏడాది ట్యూషన్‌ఫీజు రూ.2.50లక్షల నుంచి ప్రారంభమవుతోంది. ప్రవేశపరీక్షల్లో టాపర్లకు 100, 50% వరకు ట్యూషన్‌ఫీజు రాయితీలు ఇస్తున్నాయి. తమిళనాడులోని కొన్నివర్సిటీల్లో సగం మంది తెలుగువిద్యార్థులే ఉంటున్నారు. అందుకే విట్‌ ఏపీలో ప్రాంగణం నెలకొల్పుతోంది. దేశంలో 122డీమ్డ్‌, 222 ప్రైవేట్‌వర్సిటీలున్నాయి. ఒక్కోవర్సిటీలో 5000నుంచి 15వేల బీటెక్‌ సీట్లున్నాయి. కంప్యూటర్‌సైన్స్‌ లాంటి బ్రాంచీల్లో 30సెక్షన్లూ ఉంటున్నాయి.

ఏప్రిల్‌ అంతా పరీక్షలే: తెలుగు రాష్ట్రాల ఎంసెట్లు మేలో జరుగుతాయి. తెలంగాణ ఎంసెట్‌ను మే 12న నిర్వహిస్తున్నారు. ఏపీ సైతం అదే నెలలో నిర్వహిస్తోంది. రాష్ట్రాల పరీక్షలు జరక్కముందే డీమ్డ్‌, ప్రైవేట్‌వర్సిటీలు ప్రవేశపరీక్షలు పెడుతున్నాయి. దాదాపు అన్నివర్సిటీలు ఏప్రిల్‌లోనే ఆన్‌లైన్‌పరీక్షలు జరుపుతున్నాయి. కొన్నిమాత్రం ఆన్‌లైన్‌తోపాటు రాతపరీక్ష నిర్వహిస్తున్నాయి. అత్యధికం తెలంగాణలో హైదరాబాద్‌, ఏపీలో విజయవాడ, విశాఖపట్నంలో పరీక్షాకేంద్రాలు ఏర్పాటుచేస్తున్నాయి. అమృత విశ్వవిద్యాలయం రెండు రాష్ట్రాల్లో ఎక్కువ కేంద్రాలు కేటాయిస్తోంది. ఎంసెట్‌ ద్వారా ప్రవేశాలు జరగకముందే దాదాపు ఈ వర్సిటీలు ప్రవేశాలు ప్రారంభించి అధికశాతం పూర్తిచేస్తున్నాయి. ఎంసెట్‌, జేఈఈ మెయిన్‌ రాసేవారిలో 60-70శాతం మంది కనీసం 3-6వర్సిటీల ప్రవేశపరీక్షలు రాస్తున్నారు. ఎంసెట్‌ ద్వారా కోరుకున్న విభాగం, కళాశాలలో సీటు రాకుంటే, డీమ్డ్‌వర్సిటీలో చేరడానికి వీలవుతుందని విద్యార్థులు భావిస్తున్నారు. బిట్స్‌పిలానీ నిర్వహించే బిట్‌శాట్‌కు 2000సీట్ల కోసం దాదాపు 2లక్షల మంది పోటీపడుతున్నారు.

పరిశీలించాల్సినవి ఇవీ..: డీమ్డ్‌, ప్రైవేట్‌వర్సిటీల్లో తమ పిల్లల్ని చేర్చాలనుకునే తల్లిదండ్రులు పలు అంశాలు పరిశీలించాలని నిపుణులు సూచిస్తున్నారు. ప్రాంగణ నియామకాలనే ప్రాతిపదికగా తీసుకుంటే దీర్ఘకాలంలో పిల్లలు నష్టపోతారన్నారు.

* బోధనాసిబ్బందిలో పీహెచ్‌డీ పూర్తి చేసినవారు ఎందరున్నారు? వారు బీటెక్‌, ఎంటెక్‌/పీహెచ్‌డీలు ఎక్కడ పూర్తిచేశారు? కనీసం ఒక్క డిగ్రీ అయినా ఐఐటీ, ఎన్‌ఐటీ, బెంగళూరులోని ఇండియన్‌ ఇన్‌స్టిట్యూట్‌ ఆఫ్‌సైన్స్‌ లేదా విదేశాల్లోని ప్రతిష్ఠాత్మక వర్సిటీల నుంచి పొందారా?అన్నది చూడాలి. బోధనాసిబ్బంది వివరాలను తప్పనిసరిగా వర్సిటీలు వెబ్‌సైట్లలో ఉంచాలి. పూర్తి వివరాలు లేకుంటే అనుమానించాల్సిందే.

* అధ్యాపకులు పరిశోధనలో పాల్గొంటున్నారా? ప్రాజెక్టులు ఏమైనా దక్కించుకున్నారా?అన్నది చూడాలి.
* ప్రయోగశాలలు, గ్రంథాలయాలు, వాటిని వినియోగించుకునే సమయాలు సాయంత్రం వరకేనా? తర్వాతా ఉపయోగించుకోవచ్చా?అని తెలుసుకోవాలి. కేవలం సాధారణ పనివేళల్లో పూర్తిస్థాయిలో నేర్చుకోవడం అసాధ్యం.
* ఆంగ్ల భాష నైపుణ్యం పెంచుకునేందుకు ఏర్పాట్లున్నాయో తెలుసుకోవాలి. కొన్ని వర్సిటీలు కేంబ్రిడ్జి విశ్వవిద్యాలయంతో ఒప్పందం ద్వారా నేర్పిస్తారు. అందుకు విద్యార్థులే ఫీజు చెల్లించాలి. జర్మనీ, జపనీస్‌, ఫ్రెంచ్‌ తదితర భాషలు నేర్చుకునేందుకు అవకాశాలు పరిశీలించాలి. విదేశీ సంస్థల్లో ఉద్యోగానికి ఎంపికకు అవి ఉపయోగపడతాయి.

* ఉన్నత, విదేశీవిద్యపై వెళ్లేందుకు గేట్‌, క్యాట్‌, జీమ్యాట్‌, టోఫెల్‌ తదితర పరీక్షలకు శిక్షణఇచ్చే సదుపాయాన్ని కల్పిస్తున్నారా?అన్నది తెలుసుకోవాలి.

FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2017 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.