latest breaking telugu news
close

తాజావార్తలు


నిప్పు కణికలు!
గుట్టు చప్పుడు కాకుండా నియంత్రణ రేఖ దాటి వెళ్లి పాకిస్థాన్‌ గుండెల్లో గుబులు పుట్టించి, ముష్కర ముఠాను మట్టుబెట్టిన భారత పారా ప్రత్యేక దళ కమాండోలు ఇప్పుడు అందరి దృష్టినీ ఆకర్షిస్తున్నారు. సరిహద్దుల ఆవలికి వెళ్లి రహస్య ఆపరేషన్లు సాగించడంలో సిద్ధహస్తులైన ఈ యోధులు మన సైన్యానికే కలికితురాళ్లు. ప్రపంచంలోనే అత్యుత్తమ ప్రత్యేక బలగాల్లో ఒకటిగా మన బలగానికి పేరుంది. అంతర్జాతీయంగా జరిగిన పలు పోటీల్లో మన ప్రత్యేక బలగాలు ఇతర దేశాల దళాలను ఓడించాయి.
పారా రెజిమెంట్‌ను 1945లో ఏర్పాటు చేశారు. అయితే రెండో ప్రపంచ యుద్ధం తర్వాత రద్దు చేశారు. వీటిని తిరిగి 1952లో పునరుద్ధరించారు. 1966లో ప్రత్యేక దళాలుగా తీర్చిదిద్దారు. ఈ కమాండోలను విమానాలు, హెలికాప్టర్ల ద్వారా ఆకాశం నుంచి శత్రుభూభాగంలోకి జారవిడుస్తారు. వీరు మెరుపు వేగంతో శత్రువుకు నష్టం కలిగించి, వెనక్కి వస్తారు.

ఈ దళ సభ్యులంతా స్వచ్ఛందంగా ముందుకొచ్చినవారే. సైన్యంలోని మెరికల్లాంటి యువకులు వీటిలో చేరేందుకు ఉత్సాహం చూపుతుంటారు. అయితే కఠోరమైన ఎంపిక, శిక్షణ ప్రక్రియను దాటడం చాలా కష్టం. 10 శాతం కన్నా తక్కువ మందే తుది వరకూ నిలబడతారు.

* శిక్షణ సమయంలో వీరికి రెండు మూడు గంటల మించి నిద్రను అనుమతించరు.
* దాదాపు 15 కిలోల బరువును మోస్తూ ఏకబిగిన 100 కిలోమీటర్ల పరుగు చేపట్టాల్సి ఉంటుంది.
* కఠోర శారీరక కసరత్తులు చేయాల్సి ఉంటుంది.
* పారాచూట్ల సాయంతో శత్రుభూభాగంలోకి రహస్యంగా దిగేలా రాటుదేలుస్తారు.
* ఆయుధం లేకుండా ఒంటిచేత్తో శత్రువును మట్టికరిపించేలా తర్ఫీదు ఇస్తారు.
* మెరుపు వేగంతో గురి తప్పకుండా కాల్పులు, శత్రు శిబిరంపై ఆకస్మిక దాడి చేసేలా వీరిని తీర్చిదిద్దుతారు. చాలా తక్కువ సంఖ్యలో వచ్చి.. శత్రువుకు భారీ స్థాయిలో నష్టం కలిగించడం వీరి ప్రత్యేకత.
* నేల మీద, నీటిపైన, ఆకాశంలోను పోరాటం సాగించేలా వీరిని తీర్చిదిద్దుతారు.
* ఆరుగురు కమాండోలతో కూడిన ఒక విభాగాన్ని స్క్వాడ్‌గా పేర్కొంటారు. వీరిలో ఒక్కొక్కరికి ఒక్కో అంశంపై ప్రత్యేక శిక్షణ ఇస్తారు. బాంబులు పేల్చడం, కమ్యూనికేషన్‌, మార్గదర్శనం, వైద్యం వంటి అంశాల్లో తీర్చిదిద్దుతారు.
* ఈ ఆరుగురులో ఇద్దరేసి చొప్పున ‘బడ్డీలుగా’ విడగొడతారు. వీరి మధ్య పరస్పరం విశ్వాసం నెలకొని ఉండేలా చూడటానికి ‘కాన్ఫిడెన్స్‌ ఫైరింగ్‌’ పేరుతో సాహసోపేతమైన చర్యకు శిక్షకులు దిగుతారు. సహచరుడికి పక్కన 45 సెంటీమీటర్లు దూరంలో లక్ష్యాన్ని పెట్టి, కాల్పులు జరపాలని శిక్షణలో ఆదేశిస్తారు. గురి తప్పితే సహచరుడు బలికాక తప్పదు.
 

మనవాళ్ల సత్తా..
పారా కమాండోలను 1971 భారత్‌-పాక్‌ యుద్ధంలో నియోగించారు. దాదాపు ఆరుగురు సభ్యులున్న కమాండోలు సించెర్‌, సింధు ప్రాంతంలోకి వెళ్లి పాక్‌ సైన్యానికి చెందిన 470 మందిని హతమార్చారు.
* ఖలిస్తాన్‌ ఉద్యమం సమయంలో పంజాబ్‌లో వీరిని ఉపయోగించారు. ఆపరేషన్‌ బ్లూస్టార్‌ సమయంలో స్వర్ణ దేవాలయంలోకి వెళ్లి ఉగ్రవాదులను మట్టుబెట్టారు.
* 1980లలో శ్రీలంకలో ఎల్టీటీఈపై పోరులో ఉపయోగపడ్డాయి. తమిళ పులులకు భారీగా నష్టం కలిగించాయి.
* 1988లో మాల్దీవుల్లో జరిగిన ఆపరేషన్‌ కాక్టస్‌లో పాల్గొన్నాయి.
* ఈ ప్రత్యేక దళాలు 1999లో కార్గిల్‌ యుద్ధంలో పాక్‌ సైనికులను చావు దెబ్బతీశాయి. బటాలిక్‌ సెక్టార్‌లో వారిని తుడిచిపెట్టేశాయి.
* గత ఏడాది మణిపూర్‌లో 18 మంది సైనికులను పొట్టనబెట్టుకున్న ఉగ్రవాదులను హతమార్చడానికి ఈ దళాలు మయన్మార్‌ సరిహద్దులు దాటి వెళ్లాయి. దాదాపు 50 మంది వరకూ ముష్కరులను మట్టుబెట్టాయి.
* జమ్మూకశ్మీర్‌లో ఉగ్రవాదులపై పోరులో ఈ కమాండోలు కీలక పాత్ర పోషిస్తున్నారు.
ఇతర దళాల్లోనూ..
మార్కోస్‌: నౌకాదళ కమాండోలను మార్కోస్‌గా పేర్కొంటారు. ఈ దళాన్ని 1987లో ఏర్పాటు చేశారు. శ్రీలంకలోని ఎల్టీటీఈపై జరిగిన ఆపరేషన్‌ పవన్‌, మాల్దీవుల్లో జరిగిన ఆపరేషన్‌ కాక్టస్‌లో వీరు పాల్గొన్నారు. 2008లో ముంబయిలో ఉగ్రవాదులు విరుచుకుపడ్డప్పుడు వీరు సంబంధిత ఆపరేషన్‌లో పాల్గొన్నారు. కశ్మీర్‌లో ఉగ్రవాదుల చొరబాట్లు అధికంగా ఉండే వులార్‌ సరస్సులో వీరు గస్తీ తిరుగుతుంటారు.
గరుడ్‌: ఈ విభాగాన్ని భారత వైమానిక దళం 2004లో ఏర్పాటు చేసింది. దీని ప్రాథమిక లక్ష్యం.. ఉగ్రవాదుల దాడుల నుంచి వైమానిక దళ స్థావరాలను రక్షించడం. యుద్ధవిమానం శత్రుభూభాగంలో నేలకూలినప్పుడు పైలట్లను రక్షించడం, ప్రత్యర్థి స్థావరాలపై ఆకస్మిదాడి చేయడం వంటివి చేస్తారు.
FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.