latest breaking telugu news
close

తాజావార్తలు

విస్తరిస్తున్న మెదడు క్షయ!
రాష్ట్రంలో 11 నెలల్లో 442 కేసులు
ఐఎఫ్‌సీఏఐ, హెచ్‌హెచ్‌ఎఫ్‌ సర్వేలో వెల్లడి
ఈనాడు, హైదరాబాద్‌: తెలంగాణలో మెదడు క్షయ (ట్యూబర్‌క్యులోసిస్‌ మెనింజైటిస్‌) చాప కింద నీరులా విస్తరిస్తున్నట్లు తేలింది. భారతీయ అంటు వ్యాధుల నియంత్రణ అకాడమీ (ఐఎఫ్‌సీఏఐ), హెల్పింగ్‌ హ్యాండ్‌ ఫౌండేషన్‌ (హెచ్‌హెచ్‌ఎఫ్‌) నగరంలో వివిధ ప్రైవేటు, కార్పొరేట్‌ ఆసుపత్రుల నుంచి సేకరించిన వివరాల ప్రకారం కేవలం 11 నెలల్లో (2016 జనవరి నుంచి నవంబరు వరకు) 442 కేసులు నమోదయ్యాయి. ఇందులో సగానికి పైగా 30 ఏళ్ల లోపు వారే. ఈ వివరాలను ఐఎఫ్‌సీఏఐ అధ్యక్షుడు డాక్టర్‌ బి.రంగారెడ్డి, నిమ్స్‌ అదనపు ప్రొఫెసర్‌ డాక్టర్‌ అఫ్సాన్‌ జబీన్‌, సీనియర్‌ న్యూరో సర్జన్‌ డాక్టర్‌ అమీర్‌ బాషా, హెచ్‌హెచ్‌ఎఫ్‌ వ్యవస్థాపక ట్రస్టీ ముజ్తబా హసన్‌ అక్సారీ గురువారం విలేకరులకు తెలిపారు. నగర వ్యాప్తంగా 18 ఆసుపత్రుల నుంచి సమాచారాన్ని సేకరించారు. ఇందులో ఉస్మానియా, గాంధీ, నిమ్స్‌ తదితర ప్రభుత్వ దవాఖానాలతోపాటు కార్పొరేట్‌ ఆసుపత్రులూ ఉన్నాయి. సాధారణంగా క్షయ 90 శాతం వూపిరితిత్తులకే సోకుతుంది. మెదడు, వెన్నెముక, ఎముకలు, హృదయం తదితర భాగాలకూ సోకవచ్చు. బహుళ ఔషధాల నిరోధకత (మల్టీ డ్రగ్‌ రెసిస్టెన్స్‌-ఎండీఆర్‌) కారణంగా కూడా ఎక్కువ శాతం మందిలో పరిస్థితి ప్రమాదకరంగా మారుతోందని ఆందోళన వ్యక్తం చేశారు. వారం రోజులకు మించి జ్వరం, మెడ పట్టేయడం, తలనొప్పి, తలతిరగడం, మూర్ఛ వంటి లక్షణాలు కనిపిస్తే తక్షణం వైద్యులను సంప్రదించాలని తెలిపారు. ప్రాథమిక దశలో గుర్తించడం వల్ల పూర్తిగా నివారించవచ్చునన్నారు.
ఉచిత చికిత్స అందించాలి: వూపిరితిత్తులకు కాకుండా మిగతా శరీర భాగాలకు వచ్చే క్షయకు ఆరోగ్యశ్రీ కింద రూ.20 వేలు మాత్రమే చెల్లిస్తుండటంతో పేదలపై భారం పడుతోందని ముజ్తబా హసన్‌ అక్సారీ అన్నారు. ప్రభుత్వమే ఉచితంగాచికిత్స అందించాలని కోరారు.
FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2017 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.