latest breaking telugu news

తాజావార్తలు

ఇక కళాశాలల ‘పూర్వ ప్రాథమిక’ బాట
దేశవ్యాప్తంగా ఏర్పాటుకు ఎన్‌సీటీఈ పచ్చజెండా
ఎన్‌ఓసీ కోరుతూ విద్యాశాఖకు పలు యాజమాన్యాల దరఖాస్తు
ఈనాడు - హైదరాబాద్‌
ర్కారు బడుల్లోనూ పూర్వ ప్రాథమిక (ప్రీ ప్రైమరీ) తరగతులు ప్రారంభించే అవకాశం ఉందన్న సంకేతాల నేపథ్యంలో ఉపాధ్యాయ శిక్షణ కళాశాలలు ఏర్పాటు చేసేందుకు పలువురు సమాయత్తమవుతున్నారు. ఇప్పటికే ప్రీ ప్రైమరీ ఉపాధ్యాయ శిక్షణ కళాశాలల ఏర్పాటుకు జాతీయ ఉపాధ్యాయ విద్యా మండలి(ఎన్‌సీటీఈ) ఆమోదం తెలిపి విధి విధానాలను వెల్లడించింది. ఈ క్రమంలో రాష్ట్రంలో విద్యా రంగంలో కళాశాలలు నడుపుతున్న పలు యాజమాన్యాలు తెలంగాణ పాఠశాల విద్యాశాఖకు దరఖాస్తు చేస్తున్నాయి.

ప్రైవేట్‌ పాఠశాలల్లో ఎప్పటి నుంచో నర్సరీ, ఎల్‌కేజీ, యూకేజీ పేరిట పూర్వ ప్రాథమిక తరగతులు నడుస్తున్నాయి. ప్రభుత్వ బడుల్లో మాత్రం 1వ తరగతి నుంచి ప్రారంభం అవుతుంది. దాంతో తల్లిదండ్రులు 4వ సంవత్సరం నుంచే పిల్లలను ప్రైవేట్‌ బడులకు పంపిస్తున్నారు. సర్కారు బడుల్లో విద్యార్థుల సంఖ్య తగ్గిపోవడానికి ఇది ఒక కారణంగా మారింది. ఈ క్రమంలో విద్యా హక్కు చట్టంలో నిబంధనను మార్చాలని, మూడేళ్లు నిండితే ప్రభుత్వ పాఠశాలలో చేర్చుకోవాలని, అందుకు శిశు తరగతులను ప్రారంభించాలని దేశవ్యాప్తంగా డిమాండ్‌ వస్తోంది. దీనిపై ఇప్పటికే కమిటీ వేసిన కేంద్రం సానుకూలంగా ఉంది. ముఖ్యంగా అంగన్‌వాడీ కేంద్రాలను బడులకు అనుసంధానం చేయాలని కేంద్రం భావిస్తోంది. అదే సమయంలో ఎన్‌సీటీఈ ఇటీవల పూర్వ ప్రాథమిక ఉపాధ్యాయ శిక్షణ కళాశాలల ఏర్పాటుకు పచ్చజెండా వూపింది. ఇంటర్‌ విద్యార్హతతో రెండేళ్ల కోర్సునకు డిప్లొమా ఇన్‌ ప్రీ స్కూల్‌ ఎడ్యుకేషన్‌ (డీపీఎస్‌ఈ)గా నామకరణం చేసింది. దీంతో ఈ కళాశాలలకు డిమాండ్‌ రాబోతుందని గ్రహించిన పలువురు వాటి ఏర్పాటుకు నిరభ్యంతర ధ్రువపత్రం(ఎన్‌ఓసీ) కోరుతూ పాఠశాల విద్యాశాఖకు దరఖాస్తు చేసుకుంటున్నారు. ఇప్పటికే డీఈడీ కోర్సులను అందిస్తున్న కళాశాలలు కొత్త కోర్సు ప్రవేశపెట్టేందుకు సమాయత్తమవుతున్నాయి.

అయితే దేశవ్యాప్తంగా ప్రీ ప్రైమరీ ఉపాధ్యాయ విద్యా కళాశాలల ఏర్పాటునకు ఎన్‌సీటీఈ అంగీకరించినా.. దానిపై రాష్ట్ర ప్రభుత్వ ఆలోచన ఏమిటన్నది వెల్లడికాలేదు. ప్రస్తుతం బీఈడీ, డీఎడ్‌ కళాశాలల అనుభవాలను దృష్టిలో పెట్టుకొని అసలు ప్రైవేట్‌ రంగంలో కళాశాలలకు అనుమతి ఇస్తుందా? లేదా ప్రభుత్వమే నెలకొల్పుతుందా..? అనేది తేలాల్సిఉందని అధికారులు చెబుతున్నారు. దీనిపై ప్రభుత్వానికి లేఖ రాసి స్పష్టత తీసుకోవాలని పాఠశాల విద్యాశాఖ ఉన్నతాధికారులు భావిస్తున్నారు. సర్కారు బడుల్లోనూ ప్రీ ప్రైమరీ తరగతులు ప్రారంభిస్తే ఈ కళాశాలలకు భారీ డిమాండ్‌ వస్తుందని నిపుణులు అంచనా వేస్తున్నారు. ఇప్పటికే ఎన్‌సీఈఆర్‌టీ సిలబస్‌ను కూడా సిద్ధం చేసి ఉంచింది.

FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.