Wed, February 10, 2016

Type in English and Give Space to Convert to Telugu

'ఈ హనుమంతుడు మృత్యుంజయుడు!''విద్యా విలీనం''ఆ నాటి హామీలను నెరవేర్చండి''తెరాస గూటికి కుత్బుల్లాపూర్‌ ఎమ్మెల్యే''కాల్పుల్లో అనూహ్య మలుపు''ఉగ్ర మూలం ఐఎస్‌ఐ''వెనక్కు పంపాం.. బహిష్కరణ కాదు''సుశీల్‌ కొయిరాలా కన్నుమూత''వెళ్లిరా నేస్తమా...''రాజ్యాంగం పవిత్రతను కాపాడాలి'


మెంతి మసాలా!
మెంతులు, మెంతికూర ఆరోగ్యానికి ఎంతో మంచివని తెలిసినా చేదు కారణంగా దూరంగా పెట్టేస్తుంటారు. కానీ గుజరాతీయులు వాటితో రుచికరమైన స్నాక్‌ వెరైటీలెన్నో చేస్తుంటారు. అవేంటో చూద్దామా...

మెంతి చక్లి

కావలసినవి
బ్రెడ్‌స్లైసెస్‌: 4, పెరుగు: అరకప్పు, మైదా: పావుకప్పు, సెనగపిండి: పావుకప్పు, కారం: అరటీస్పూను, నువ్వులు: టీస్పూను, మెంతితురుము: అరకప్పు, అల్లంతురుము: టీస్పూను, నూనె: వేయించడానికి సరిపడా

తయారుచేసే విధానం
బ్రెడ్‌స్లైసెస్‌ను నలిపి పొడిలా చేయాలి. అందులోనే పెరుగు, మైదా, సెనగపిండి, కారం, నువ్వులు, మెంతితురుము, అల్లం అన్నీ వేసి జంతికల పిండిలా కలపాలి. తరవాత పిండిముద్దను జంతికల గొట్టంలో పెట్టి కావలసిన ఆకారంలో ఒత్తి ఎర్రగా వేయించి తీయాలి.


మెంతి లడ్డూ
కావలసినవి
మెంతులు: కప్పు, పాలు: రెండు కప్పులు, గోధుమపిండి: పావుకిలో, నెయ్యి: కప్పు, బెల్లంతురుము లేదా పంచదార: నాలుగు కప్పులు, డ్రైఫ్రూట్స్‌: కప్పు

తయారుచేసే విధానం
* మెంతుల్ని పొడి చేయాలి. తరవాత ఈ పొడిని పాలల్లో వేసి ఓ రాత్రంతా నానబెట్టాలి.
* బాణలిలో కొద్దిగా నెయ్యి వేసి నానబెట్టిన మెంతిపిండిని వేసి ఎర్రగా అయ్యేవరకూ వేయించాలి.
* విడిగా మరో బాణలిలో నెయ్యి వేసి గోధుమపిండిని వేయించాలి. ఇప్పుడు మెంతిపిండిలో గోధుమపిండి, బెల్లం తురుము, డ్రైఫ్రూట్స్‌, నెయ్యి కూడా వేసి కలిపి లడ్డూల్లా చుట్టాలి.


మెంతి క్రిస్పీస్‌
కావలసినవి
సెనగపిండి: 2 కప్పులు, బేకింగ్‌సోడా: పావుటీస్పూను, వాము: పావుటీస్పూను, పసుపు: పావుటీస్పూను, నూనె: టేబుల్‌స్పూను, క్యారెట్‌ తురుము: అరకప్పు, పచ్చిమిర్చి: రెండు, అల్లంతురుము: టీస్పూను, మెంతితురుము: కప్పు, మజ్జిగ: కలిపేందుకు సరిపడా, పంచదార: టీస్పూను, ఉప్పు: సరిపడా, నూనె: వేయించడానికి సరిపడా

తయారుచేసే విధానం
* సెనగపిండిలో బేకింగ్‌సోడా, వాము, పసుపు, నూనె, క్యారెట్‌ తురుము, పచ్చిమిర్చి, అల్లంతురుము, మెంతి తురుము, పంచదార, ఉప్పు అన్నీ వేసి కలపాలి. తరవాత తగినంత మజ్జిగ పోసి చపాతీ పిండిలా కలపాలి.
* పిండిముద్దను అంగుళం మందంతో చపాతీలా చేసి సన్నగా పొడవు ముక్కలుగా కోయాలి.
* బాణలిలో నూనె పోసి ఈ ముక్కలు వేసి ఎర్రగా వేయించి తీయాలి.


మసాలా ఫ్రైస్‌
కావలసినవి
గోధుమపిండి: కప్పు, సెనగపిండి: టేబుల్‌స్పూను, మెంతి తురుము: కప్పు, పచ్చిమిర్చి తురుము: టీస్పూను, అల్లంతురుము: టీస్పూను, పసుపు: పావుటీస్పూను, పంచదార: 2 టీస్పూన్లు, పెరుగు: కప్పు, కారం: అరటీస్పూను, గరంమసాలా: అరటీస్పూను, నూనె: టేబుల్‌స్పూను, ఉప్పు: సరిపడా

తయారుచేసే విధానం
* గోధుమపిండిలో సెనగపిండి, మెంతితురుము, పచ్చిమిర్చి, అల్లం, పసుపు, పంచదార, పెరుగు, కారం, గరంమసాలా, ఉప్పు, నూనె అన్నీ వేసి ఇడ్లీపిండి మాదిరిగా కలపాలి.
* ఇప్పుడు ఈ పిండిని ఇడ్లీపాత్రలో వేసి ఆవిరిమీద ఉడికించాలి.
* తరవాత కావలసిన ఆకారంలో కోసి కాగిన నూనెలో వేయించి తీయాలి.


మెంతి డైమండ్స్‌
కావలసినవి
గోధుమపిండి: అరకప్పు, సెనగపిండి: అరకప్పు, మైదాపిండి: అరకప్పు, బొంబాయిరవ్వ: అరకప్పు, కారం: టీస్పూను, కసూరి మెంతి: అరకప్పు, నువ్వులు: 2 టేబుల్‌స్పూన్లు, ఉప్పు: తగినంత, నూనె: సరిపడా

తయారుచేసే విధానం
* గోధుమపిండిలో మైదా, సెనగపిండి, బొంబాయిరవ్వ, కారం, కసూరిమెంతి, నువ్వులు, ఉప్పు, పావుకప్పు నూనె వేసి కలపాలి. తరవాత తగినన్ని నీళ్లు కూడా పోసి చపాతీపిండిలా కలపాలి.
* పిండిముద్దను మందపాటి చపాతీల్లా చేసి డైమండ్స్‌ ఆకారంలో కోయాలి.
* బాణలిలో నూనె పోసి ఈ డైమండ్స్‌ వేసి ఎర్రగా వేయించి తీయాలి.

మమ్మల్నీ ఉద్యోగులే అనుకున్నారు!

బయోటెక్నాలజీ రంగాన్ని చాలా ఇష్టంగా ఎంచుకున్నారా ఇద్దరు..!కానీ ఆ చదువుకు తగ్గ ఉద్యోగాల్లేవు.. ఈ పరిస్థితుల్లో ఎవరయినా ఉన్నచోటే వేరే ఉద్యోగాలు చూసుకోవడమో...

ఏప్రిల్‌ 1న లడ్‌కీ.. లడ్‌కా.. షురూ..

అర్జున్‌ కపూర్‌, కరీనా కపూర్‌ జంటగా తెరకెక్కుతున్న ‘కీ అండ్‌ కా’ చిత్రాన్ని ఏప్రిల్‌ 1న విడుదల చేయనున్నట్లు .............

 
 
 
Top  |  previous page
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net