Saturday, February 13, 2016


Untitled Document
Comments
0
Recommend
0
Views
149
చట్టానికి తూట్లు..!
ఈనాడు, నిజామాబాద్‌
విద్యా హక్కు చట్టం ఏం చెబుతోందంటే.... విద్యా రంగంలో ఉన్న ఉపాధ్యాయులు, ఇతర సిబ్బంది బోధనేతర పనులు చేయడానికి వీలు లేనే లేదు. సెక్షను 26, 27 ప్రకారం జనాభా లెక్కల సేకరణ, ఎన్నికల విధులు, ఇతర ప్రభుత్వ కార్యక్రమాలలో మినహా పనులు నిర్వహించరాదు. డిప్యుటేషన్‌పై ఇతర విభాగాల్లో పనిచేయరాదు. ముఖ్యంగా ప్రజాప్రతినిధుల వద్ద వ్యక్తిగత సహాయకులుగా పనిచేయరాదు. ప్రభుత్వం విద్యా హక్కు చట్టాన్ని అనుసరిస్తూ బోధనా పద్ధతుల్లో, పాఠశాలలు నడిచే సమయాల్లో, పరీక్షల నిర్వహణలో ఇలా పలు కీలక సంస్కరణలు చేస్తోంది. ఉపాధ్యాయులను ప్రజాప్రతినిధుల వద్ద వ్యక్తిగత సహాయకులుగా నియమించకుండా చర్యలు తీసుకోవడంలో మాత్రం అలసత్వం చూపుతోంది.... ఓ విద్యావేత్త ఆవేదన
చట్టాన్ని సట్టుబండగా మార్చేసి ఉపాధ్యాయులు, ఇతర సిబ్బందిని డిప్యుటేషన్‌పై ప్రజాప్రతినిధుల వద్ద వ్యక్తిగత సహాయకులుగా నియమిస్తుండటం జిల్లాలో చర్చనీయాంశంగా మారింది. అప్పటి కలెక్టరు రొనాల్డ్‌రోస్‌ ఈ విషయంలో విద్యాశాఖ అధికారులను కఠినంగా వ్యవహరించాలని కోరారు. డిప్యుటేషన్లను రద్దు చేసి విధుల్లో చేరేలా చూడాలని పేర్కొన్నా చర్యలు మాత్రం శూన్యం. బోధన్‌ ఎమ్మెల్యే షకీల్‌ వద్ద వ్యక్తిగత సహాయకుడిగా కొనసాగుతున్న డీఈవో కార్యాలయం క్లర్కు అకిల్‌పాషాపై విమర్శలు రావడంతో కలెక్టరు తీవ్రంగా పరిగణించి సొంత పోస్టుకు పంపించాలని ఆదేశించారు. దీంతో ఈయన డీఈవో కార్యాలయంలో విధుల్లో చేరారు. కలెక్టరు మెదక్‌ జిల్లాకు బదిలీపై వెళ్లగానే తిరిగి ఎమ్మెల్యే షకీల్‌ వద్ద అకిల్‌పాషా చేరారు.

ఎవరు...ఎప్పటి నుంచి
* శేఖర్‌ సారు దశాబ్దానికి పైబడి....
కామారెడ్డి గంజ్‌లోని ఎంపీపీఎస్‌డబ్ల్యూ పాఠశాలలో ఉపాధ్యాయుడిగా పనిచేసే పి.చంద్రశేఖర్‌ అలియాస్‌ శేఖర్‌ సుదీర్ఘ కాలం నుంచి నేతల వద్ద వ్యక్తిగత సహాయకుడిగా పనిచేస్తున్నారు. వైఎస్‌ హయాంలో మంత్రిగా ఉన్న షబ్బీర్‌అలీ వద్ద 2005 నుంచి 2009 వరకు పనిచేశారు. 2009లో మంత్రి సుదర్శన్‌రెడ్డి వద్ద కొన్నేళ్లు కొనసాగారు. అనంతరం అప్పటి కేంద్ర మంత్రి సర్వేసత్యనారాయణ వద్ద సహాయకుడిగా పనిచేశారు. ప్రస్తుతం ఈయన అర్బన్‌ ఎమ్మెల్యే బిగాల గణేష్‌గుప్తా వద్ద వ్యక్తిగత సహాయకుడిగా కొనసాగుతున్నారు.

* శ్రీనివాసరెడ్డి సారు అంతే
గాంధారి మండలం వజ్జంపల్లి జిల్లా పరిషత్తు ఉన్నత పాఠశాలలో ఉపాధ్యాయుడిగా పనిచేసే శ్రీనివాసరెడ్డిని కొత్తగా ఎన్నికైన ఎమ్మెల్సీ భూపతిరెడ్డి వద్ద వ్యక్తిగత సహాయకుడిగా నియమిస్తూ ప్రభుత్వం తాజాగా ఉత్తర్వులు ఇచ్చింది. శ్రీనివాసరెడ్డి అరికెల నర్సారెడ్డి ఎమ్మెల్సీగా ఉన్న సమయంలో ఈయన వద్ద నాలుగేళ్ల పాటు పనిచేశారు.

* కుశాల్‌ మాస్టారు ఆరేళ్లుగా....
బాన్సువాడ మండలం తిరుమలాపూర్‌ జిల్లా పరిషత్తు ఉన్నత పాఠశాలలో ఉపాధ్యాయుడిగా పనిచేసే కుశాల్‌ 2010 నుంచి 2014 వరకూ ఎమ్మెల్యే హన్ముంతుషిండే వద్ద వ్యక్తిగత సహాయకుడిగా చేశారు. 2014 ఎన్నికల్లో తిరిగి షిండే ఎమ్మెల్యేగా గెలిచారు. అప్పటి నుంచి ఈయనే కొనసాగుతున్నారు.

* సదానంద సారు కూడా....
బోధన్‌ మండలం కల్దుర్కి జిల్లా పరిషత్తు ఉన్నత పాఠశాలలో ఉపాధ్యాయుడిగా పనిచేసే సదానందం ఎమ్మెల్సీ వీజీగౌడ్‌ వద్ద ఏడాది పాటు వ్యక్తిగత సహాయకుడిగా పనిచేశారు. ప్రస్తుతం ఆర్మూరు ఎమ్మెల్యే జీవన్‌రెడ్డి వద్ద పనిచేస్తున్నారు.

* దశరథరెడ్డి సారు ఏడాదిగా
తాడ్వాయి మండలం నందివాడ జిల్లా పరిషత్తు ఉన్నత పాఠశాలలో ఉపాధ్యాయుడుగా పనిచేసే దశరథరెడ్డి ఎల్లారెడ్డి ఎమ్మెల్యే ఏనుగు రవీందర్‌రెడ్డి వద్ద వ్యక్తిగత సహాయకుడిగా పనిచేస్తున్నారు.

* జస్వంత్‌రావు సారు రాజధానిలో....
తాడ్వాయి మండలం కృష్ణోజివాడ జిల్లా పరిషత్తు ఉన్నత పాఠశాలలో ఉపాధ్యాయుడిగా పనిచేసే జస్వంత్‌రావు ఇటీవలే హైదరాబాద్‌ ఎమ్మెల్సీ ఎం.ఎస్‌.ప్రభాకర్‌రావు వద్ద సహాయకుడిగా నియమితులయ్యారు.

* అకిల్‌ భాయ్‌ సుదీర్ఘకాలం నుంచి కొనసాగుతున్నారు
డీఈవో కార్యాలయంలో క్లర్కుగా పనిచేస్తున్న అకిల్‌పాషా 2004 నుంచి 2009 వరకూ అప్పటి బాన్సువాడ ఎమ్మెల్యే బాజిరెడ్డి గోవర్దన్‌ వద్ద వ్యక్తిగత సహాయకుడిగా పనిచేశారు. 2013-14 మధ్య కొంత కాలం బాల్కొండ ఎమ్మెల్యే ఈరవత్రి అనిల్‌ వద్ద పనిచేశారు. 2014 నుంచి బోధన్‌ ఎమ్మెల్యే షకీల్‌ వద్ద కొనసాగుతున్నారు. ఈయన్ను కలెక్టరు రొనాల్డ్‌రోస్‌ డీఈవో కార్యాలయానికి పంపినా తిరిగి షకీల్‌ వద్దకు వెళ్లడం గమనార్హం.

* ఆ ముగ్గురు సొంత పనుల్లో నిమగ్నం
ఉపాధ్యాయులు నేతల వద్ద వ్యక్తిగత సహాయకులుగా పనిచేయడం చట్టం ప్రకారం సబబు కాకపోవడం ఒక ఎత్తైతే, అడ్డగోలుగా వ్యవహరిస్తూ వ్యాపారాలు చేసుకుంటూ భారీగా వెనకేసుకుంటున్నారు. కొందరు తమ స్థానంలో ప్రైవేటు వ్యక్తులను నియమించి సొంత పనులు చూసుకుంటున్నారు.

* ఓ ఎమ్మెల్యే వద్ద వ్యక్తిగత సహాయకుడిగా పనిచేస్తున్న ఉపాధ్యాయుడు చిట్‌ఫండ్‌ వ్యాపారంలో నిమగ్నమయ్యారు.
* ఓ నేత వద్ద పనిచేసే ఉపాధ్యాయుడు రాజధానిలో స్థిరాస్తి వ్యాపారం చేసుకుంటున్నారు.
* ఓ ఉపాధ్యాయుడు తన వృత్తి కంటే వ్యక్తిగత సహాయకుడిగానే జిల్లాలో గుర్తింపు పొందారు. వాస్తవానికి సారు ఉపాధ్యాయుడు అనే సంగతి దాదాపు ఎవరికీ తెలియదు. ఈయన పైరవీలు చేయడంలో దిట్టగా పేరు పొందారు. రూ.కోట్ల ఆస్తులు పోగేసుకున్నారు.
ఈనాడు, నిజామాబాద్‌
ప్రభుత్వమే ఉత్తర్వులు ఇస్తోంది
లింగయ్య, జిల్లా విద్యాశాఖాదికారి
విద్యా హక్కు చట్టం ప్రకారం ఉపాధ్యాయులు, ఇతర సిబ్బంది డిప్యుటేషన్లపై నేతల వద్ద వ్యక్తిగత సహాయకులుగా పనిచేయరాదు. ప్రభుత్వమే ఉత్తర్వులు ఇస్తుండటంతో మేమేమి చేయలేకపోతున్నాం. రాజధాని స్థాయిలో విద్యాశాఖ ఉన్నతాధికారులు జోక్యం చేసుకోవాల్సిన అంశం. అయినా నా హయాంలో మాత్రం డిప్యుటేషన్లు జరగలేదు.

Untitled Document
ఏటీఎం కార్డు మార్చేసి రూ. 89 వేలు గల్లంతు
పదిహేనో‘సారి’..!
సోలార్‌ పంపు.. బహు బాగు..
40 ఏళ్లలో చేయని అభివృద్ధి చేశాను
మట్టి వేశారు.. రహదారిని మూసేశారు..
జికా వైరస్‌కు చోటు ఇవ్వొద్దు
కళాశాల విద్యార్థులకు నెల రోజుల పాటు భోజనం
తెవివిలో ఎమ్మెల్సీ జన్మదినం
వర్సిటీలో వసంత పంచమి వేడుక
బీసీ విద్యార్థి యువ గర్జన జయప్రదం చేయాలి
పనిలేని సిబ్బందిని ఇతర చోటకు పంపాలి
రోడ్డు ప్రమాదంలో యువకుడి దుర్మరణం
ఖాతాదారుడికి బురిడీ
రైతు ఆత్మహత్యపై విచారణ
ఇద్దరికి జైలు శిక్ష
బీడీ కార్మికులంతా ఏకమై పోరాడాలి
ఆర్యవైశ్య, అన్నికులాల అవివాహితులకు సువర్ణావకాశం
కొనుగోలు రోజునే తూకం వేయాలి
న్యాయం కోసం మౌన దీక్ష
సోబర్స్‌, ఏసీసీ జట్ల విజయం
కార్పొరేషన్‌ కార్మికులకు పక్కా గృహాలు
విద్యుత్‌ చోరీ నివారణకు ప్రత్యేక బృందాలు
ఎన్సీపీ సచివ్‌గా షఫీ
35 లక్షల రుణాలు అందజేత
 
  తాజా వార్తలు
  ప్రధాన వార్తలు
  ప్రత్యేక కథనాలు
Untitled Document
 
 
Untitled Document
 
 
 
Untitled Document
Copyright © 2015 Ushodaya Enterprises Pvt. Ltd., All Rights Reserved.
For Marketing enquiries contact 9000180611 or Marketing@eenadu.net