kalanjali_200
Comments
0
Recommend
0
Views
713
నిర్మాణ వ్యాపారానికి అడ్డంకుల తొలగింపు
నిబంధనలను సరళీకరించిన వివిధ మంత్రిత్వశాఖలు
వెంకయ్యనాయుడి నేతృత్వంలో ఉన్నతస్థాయి సమీక్ష
ఈనాడు, దిల్లీ: పట్టణ ప్రాంతాల్లో నిర్మాణ ప్రాజెక్టుల వ్యాపారం చేయడాన్ని సులభతరం చేయడానికి సంబంధించి సాధించిన, సాధించాల్సిన పురోగతిపై కేంద్ర పట్టణాభివృద్ధి శాఖ మంత్రి వెంకయ్యనాయుడు మంగళవారం సమీక్షించారు. ఈ ఉన్నత స్థాయి సమావేశంలో రక్షణ శాఖ మంత్రి మనోహర్‌ పారికర్‌, పౌర విమానయానశాఖ మంత్రి అశోక్‌గజపతి రాజు, పర్యావరణ, అటవీ శాఖ మంత్రి ప్రకాశ్‌ జవదేకర్‌, పర్యాటక, సాంస్కృతిక శాఖ మంత్రి మహేశ్‌శర్మ, సంబంధిత మంత్రిత్వశాఖల కార్యదర్శులు, ప్రధాని కార్యాలయం సీనియర్‌ అధికారులు, మంత్రివర్గ సచివాలయ అధికారులు పాల్గొన్నారు. నిర్మాణ రంగంలో అనుమతుల ప్రక్రియ వేగవంతానికి తమ తమ మంత్రిత్వశాఖలు తీసుకున్నచర్యలను వివరించారు. రక్షణశాఖ సంస్థలు, స్థావరాలు ఉన్న చోట్ల నిర్మాణ కార్యక్రమాలకు అవరోధాలు తొలగించేందుకు సంబంధిత చట్టాన్ని తగిన విధంగా సవరించనున్నారు. నిషిధ్ధ ప్రాంతాల్లో నిర్మాణాలకు అనుమతుల విషయమై ఏరియా కమాండర్లు 30 రోజుల్లోగా నిర్ణయం తీసుకోకుంటే అనుమతులు మంజూరు చేసినట్లుగానే భావిస్తారు.
Your Rating:
-
Overall Rating:
0