kalanjali_200
Comments
0
Recommend
1
Views
493
ప్రభుత్వంలో విశ్వాస సంక్షోభం: మన్మోహన్‌
దిల్లీ: ప్రధాని నరేంద్ర మోదీ నేతృత్వంలోని కేంద్ర ప్రభుత్వంలో ప్రస్తుతం విశ్వాస సంక్షోభం నెలకొని ఉందంటూ మాజీ ప్రధాని మన్మోహన్‌ సింగ్‌ విమర్శించారు. ‘ఇండియా టుడే’తో మన్మోహన్‌ మాట్లాడుతూ... ప్రజాసంక్షేమం కోసం పనిచేయడానికి తానున్నాననే భరోసాను మోదీ ప్రజల్లో కల్పించాల్సి ఉందన్నారు. ప్రభుత్వంపై ప్రస్తుతంప్రజల్లో ఏమాత్రం విశ్వాసం లేదని పేర్కొన్నారు. దేశం ప్రస్తుతం గోమాంసంపై వివాదం, అసహనం వంటి సమస్యలను ఎదుర్కొంటోందన్నారు. ముజఫర్‌నగర్‌ సహా ఇతర ప్రాంతాల్లో మతపరమైన గొడవలు, గోమాంసం అంశాలపై మోదీ స్పందించలేదంటూ విమర్శించారు.

మన్మోహన్‌ మౌనం దేశ ప్రతిష్ఠను దెబ్బతీసింది.. భాజపా: కేంద్ర ప్రభుత్వంపై మాజీ ప్రధాని మన్మోహన్‌ విమర్శలను భాజపా శుక్రవారం తిప్పికొట్టింది. ప్రధానిగా ఉన్న కాలంలో అవినీతికి వ్యతిరేకంగా చర్యలు తీసుకోవడంలో ఆయన అశక్తత, మౌనం దేశ ప్రతిష్ఠను అంతర్జాతీయంగా దెబ్బతీశాయని పేర్కొంది. ఒక్కేఒక్క కుటుంబ ప్రయోజనాలకోసం ఆయన పనిచేశారంటూ విమర్శించింది. మోదీ నేతృత్వంలోని కేంద్రప్రభుత్వం ప్రస్తుతం ‘అందరితో కలిసి, అందరి అభివృద్ధి’ అనే నినాదంతో ముందుకు సాగుతోందని సూచించింది.

Your Rating:
-
Overall Rating:
1.0