kalanjali_200
Comments
0
Recommend
0
Views
206
డిజిటల్‌ అంతరాల నిర్మూలనే లక్ష్యం!
ఆ దిశగానే ప్రభుత్వ ప్రయత్నాలు కేంద్రమంత్రి
రవిశంకర్‌ప్రసాద్‌ వెల్లడి
బోస్టన్‌: భారతదేశంలో నెలకొన్న డిజిటల్‌ అంతరాలను నిర్మూలించే లక్ష్యంతోనే తమ ప్రభుత్వం ‘డిజిటల్‌ ఇండియా’ కార్యక్రమానికి రూపకల్పన చేసిందని కేంద్ర సమాచార, ఐటీశాఖ మంత్రి రవిశంకర్‌ప్రసాద్‌ తెలిపారు. హార్వర్డ్‌ బిజినెస్‌ స్కూల్‌, హార్వర్డ్‌ కెన్నడీ స్కూల్‌ శనివారం ఏర్పాటు చేసిన వార్షిక ‘భారత్‌ సదస్సు-2016’లో మంత్రి ప్రసంగించారు. డిజిటల్‌రంగంలో ప్రభుత్వం చేస్తోన్న కృషి సామాన్యులను చేరుతోందని పేర్కొంటూ.. కొందరు వ్యక్తుల విజయగాథలను ఆయన వివరించారు. ‘ఆకర్షణీయ నగరాల’ (స్మార్ట్‌సిటీల)తోపాటు ‘డిజిటల్‌గ్రామాల’ను నిర్మించటానికి ప్రయత్నాలు చేస్తున్నామని తెలిపారు. ఈ గ్రామాల్లో వైర్‌లెస్‌ ఇంటర్నెట్‌ సదుపాయం, డిజిటల్‌ ఆరోగ్యకేంద్రం, సౌరశక్తితో నడిచే ఎల్‌ఈడీ లైట్లు వంటివాటిని ఏర్పాటు చేస్తామన్నారు. పారదర్శకతతోనే సుపరిపాలన సాధ్యమని, ఈ నేపథ్యంలోనే పారదర్శకతకు పెద్దపీట వేస్తున్నామని పేర్కొన్నారు. గ్రామాల్లోకి ఇంటర్నెట్‌ సేవలను విస్తరిస్తుండటం వల్ల భారతదేశంలో ఆన్‌లైన్‌ వ్యాపారం పెరుగుతోందని తెలిపారు. అమెరికా పర్యటనలో ఉన్న రవిశంకర్‌ప్రసాద్‌.. అక్కడి ప్రముఖ ఐటీ కంపెనీల ప్రతినిధులతో సమావేశమై చర్చలు జరిపారు.
Your Rating:
-
Overall Rating:
0