kalanjali_200
Comments
0
Recommend
0
Views
412
ఐఎస్‌ఐ అధికారుల ప్రమేయంపై ఆధారాలు సమర్పించనున్న భారత్‌
దిల్లీ: ముంబయి దారుణ మారణహోమంలో పాక్‌ గూఢచర్య సంస్థ ఐఎస్‌ఐ అధికారుల ప్రమేయంపై భారత్‌ ఆ దేశానికి తాజాగా ఆధారాలను సమర్పించే అవకాశం ఉంది. ఐఎస్‌ఐ అధికారులు, లష్కరే తోయిబా అధిపతి హఫీజ్‌ సయీద్‌, ఆ సంస్థ కమాండర్‌ జకీ ఉర్‌ రెహ్మాన్‌ పాత్రపై ఆధారాలను చూపిస్తూ భారత్‌ ఇప్పటికే పాకిస్థాన్‌కు పలు పత్రాలను అందించింది. హెడ్లీ సాక్ష్యంతో వారి కుట్ర మరోసారి రుజువయిందని, తాజా సాక్ష్యాన్ని పాకిస్థాన్‌కు సమర్పిస్తామని సీనియర్‌ అధికారి ఒకరు చెప్పారు. హెడ్లీ సాక్ష్యం ఆధారంగా హఫీజ్‌ సయీద్‌పై అమెరికా చర్య తీసుకోవాలని కూడా భారత్‌ కోరే అవకాశం ఉంది.

రష్యాలో ఏడుగురు అనుమానిత ఐఎస్‌ ఉగ్రవాదుల అరెస్టు
మాస్కో: రష్యాలోని సెయింట్‌పీటర్స్‌బర్గ్‌, మాస్కో, ఉరల్‌ ప్రాంతంలో దాడులకు కుట్ర పన్నుతున్న ఏడుగురు అనుమానిత ఐఎస్‌ఐఎస్‌ ఉగ్రవాదులను రష్యా భద్రతాధికారులు అరెస్టు చేశారు. యెకాటెరిన్‌బర్గ్‌లో ఈ పరిణామం చోటుచేసుకుంది. వారి ఇళ్ల నుంచి పేలుడు పదార్థాలు, డిటోనేటర్లు, గ్రెనేడ్లు, తుపాకులు స్వాధీనం చేసుకున్నారు.

Your Rating:
-
Overall Rating:
0