kalanjali_200
Comments
-
Recommend
0
Views
0
జేఎన్‌యూలో ఆందోళనను ఖండించిన ‘బనారస్‌’ ఉపకులపతి
వారణాసి: పార్లమెంటుపై దాడి కేసులో దోషిగా తేలిన అఫ్జల్‌ గురు ఉరితీతకు వ్యతిరేకంగా జేఎన్‌యూ-దిల్లీలో విద్యార్థులు నిర్వహించిన కార్యక్రమాన్ని బనారస్‌ హిందూ విశ్వవిద్యాలయం(బీహెచ్‌యూ) ఉప కులపతి గిరీష్‌చంద్ర త్రిపాఠి తీవ్రంగా ఖండించారు. భారత్‌కు వ్యతిరేకంగా నినాదాలు చేస్తూ... కశ్మీర్‌కు స్వేచ్ఛ కల్పించాలని డిమాండ్‌ చేసిన విద్యార్థులపై కఠిన చర్యలు తీసుకోవాలని సూచించారు. ఇలాంటి జాతి వ్యతిరేక కార్యక్రమాలకు పాల్పడటానికి బీహెచ్‌యూ ప్రాంగణంలో కూడా ప్రయత్నాలు జరిగాయని... అయితే, విద్యార్థులను తప్పుదోవ పట్టించాలని చూసినవారిపై తాను కఠిన చర్యలు తీసుకున్నానని ఆయన చెప్పారు. అఫ్జల్‌ గురు ఉరితీతను వ్యతిరేకించడంతోపాటు కశ్మీర్‌కు విముక్తి కల్పించాలని డిమాండ్‌ చేస్తూ జేఎన్‌యూలో పలువురు విద్యార్థులు మంగళవారం ఆందోళన కార్యక్రమం నిర్వహించిన సంగతి గమనార్హం.
Your Rating:
-
Overall Rating:
0