kalanjali_200
Comments
0
Recommend
0
Views
51
భారత్‌తో అమెరికా బలమైన బంధాన్ని కోరుకుంటోంది
యాంటీటమ్‌ కమాండింగ్‌ అధికారి మెకరిట్నీ వెల్లడి
ఈనాడు, విశాఖపట్నం: భారత్‌తో అమెరికా బలమైన బంధాన్ని కోరుకుంటోందని అమెరికా యుద్ధనౌక యాంటీటమ్‌ కమాండింగ్‌ అధికారి మెకరిట్నీ పేర్కొన్నారు. సోమవారం విశాఖ తీరంలో నిలిపిన యుద్ధనౌకపై ఆయన విలేకరులతో మాట్లాడారు. భారత నౌకాదళం ఉపయోగించే సాంకేతిక పరిజ్ఞానాలు అత్యంత అధునాతనంగా ఉన్నాయని, అంతర్జాతీయ ప్రమాణాలకు దీటుగా యుద్ధనౌకలు నిర్మించుకుంటున్నారని పేర్కొన్నారు. అంతర్జాతీయ యుద్ధనౌకల సమీక్షలో పాల్గొనడానికి విశాఖకు రావడం ఆనందంగా ఉందని, అత్యద్భుతంగా కార్యక్రమాన్ని నిర్వహించారని చెప్పారు. అనంతరం యాంటీటమ్‌ యుద్ధనౌక ప్రత్యేకతలను వివరించారు. జపాన్‌ తీరంలో దీన్ని ఉంచుతున్నామని, ఆ దేశం నుంచే విశాఖకు వచ్చామని తెలిపారు. ప్రధానంగా వైమానిక దాడులను తిప్పికొట్టడానికి ఈ యుద్ధనౌక ఉపయోగపడుతుందని తెలిపారు. దీనికి ఉండే సివ్స్‌ అనే యంత్రంతో నిమిషానికి నాలుగువేల తూటాలు పేల్చవచ్చని.. వేగంగా దూసుకువచ్చే క్షిపణులను కూడా ఈ యంత్రంతో కూల్చేయవచ్చని పేర్కొన్నారు. ‘క్రూయిజర్‌’గా వ్యవహరించే తోమర్‌హాక్‌ క్షిపణులతోపాటు పలు రకాల దాడులకు ఉపయుక్తంగా ఉండే వ్యవస్థలన్నీ ఉన్నాయని తెలిపారు. ఈ యుద్ధనౌకలో 375 మంది అధికారులు, సిబ్బంది ఉంటారని పేర్కొన్నారు. మెక్‌ క్యాంప్‌బెల్‌ అనే మరో యుద్ధనౌక కూడా అంతర్జాతీయ యుద్ధనౌకల సమీక్షలో పాల్గొందని వివరించారు.
Your Rating:
-
Overall Rating:
0