చిక్కుడు గింజల మురుకులు

కావల్సినవి: చిక్కుడు గింజలు-అర కేజీ, బియ్యం- రెండు కేజీలు, ఉప్పు-రుచికి సరిపడా, నూనె-కేజీన్నర, వాము-కొద్దిగా, కారం-చెంచా, బటర్‌-చెంచా, పసుపు-చిటికెడు.
తయారీ: చిక్కుడు గింజల్నీ, బియ్యాన్నీ విడివిడిగా మెత్తగా పిండిలా పట్టించుకోవాలి. ఇప్పుడు పెద్దగిన్నె తీసుకుని అందులో చిక్కుడు గింజల పిండి, బియ్యప్పిండీ వేసి తగినంత ఉప్పూ, వాము, కారం, పసుపు, బటర్‌ వేసి కలపాలి. తరువాత వేణ్నీళ్లు పోస్తూ పిండిని గరిటెతో కలపాలి. కాసేపటికి చల్లగా అయ్యాక పిండిని బాగా కలిపి పక్కన పెట్టుకోవాలి. ఇరవై నిమిషాలపాటు అలా పక్కన పెట్టుకుంటే మురుకులు కరకరలాడేలా వస్తాయి. ఇరవై నిమిషాలయ్యాక పొయ్యి మీద కడాయి పెట్టి మురుకులు వేగడానికి సరిపడా నూనెపోయాలి. నూనె వేడయ్యాక మురుకుల గిద్దలో పిండిని పెట్టి కడాయిలోకి ఒత్తుకోవాలి. మురుకులు రెండు వైపులా గోధుమ రంగులోకి వచ్చేవరకూ వేయించాలి.

వడ్డె భద్రమ్మ, పెంటేలవారిగూడెం, కృష్ణాజిల్లా

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు