తాజా వార్తలు

Facebook Share Twitter Share Comments Telegram Share
Katrina kaif: ‘కత్రినా బుగ్గల్లా రోడ్లు’.. ఆ మంత్రికి సీఎం వార్నింగ్‌‌!

సూరత్‌‌: రహదారులను బాలీవుడ్‌ నటి కత్రినా కైఫ్‌ బుగ్గలతో పోలుస్తూ వివాదాస్పద వ్యాఖ్యలు చేసిన రాజస్థాన్‌ మంత్రి, కాంగ్రెస్‌ నేత రాజేంద్ర సింగ్‌ గుడాపై సీఎం అశోక్‌ గహ్లోత్‌ ఆగ్రహం వ్యక్తంచేశారు. ప్రజా వేదికల్లో మాట్లాడేటప్పుడు హుందాగా వ్యవహరించాలని సూచించారు. శుక్రవారం గుజరాత్‌లోని సూరత్‌లో కాంగ్రెస్‌ దివంగత నేత అహ్మద్‌ పటేల్‌ తొలి వర్ధంతి కార్యక్రమంలో పాల్గొన్న ఆయన దీనిపై స్పందించారు. ఏ సందర్భంలో మంత్రి అలా వ్యాఖ్యానించారో తనకు స్పష్టంగా తెలియదని.. తెలుసుకుంటానన్నారు. ప్రతి ఒక్కరూ హుందాగా ఉండాలనే తాను చెబుతున్నట్టు పేర్కొన్నారు. మరీ ముఖ్యంగా మంత్రులు, ముఖ్యమంత్రి మాటల్లో, ప్రవర్తనలో మరింత హుందాతో, బాధ్యతాయుతంగా వ్యవహరించాలన్నారు. మంత్రులు మర్యాదతో వ్యవహరించాలని, తమ పరిధి దాటొద్దంటూ హెచ్చరికలు జారీచేశారు. పరిమితులకు మించి రాజకీయాలు చేస్తే ఎవరూ హర్షించరన్నారు.

తన నియోజకవర్గంలో రహదారులు బాలీవుడ్‌ నటి కత్రినా కైఫ్‌ బుగ్గల్లా ఉండాలంటూ బుధవారం ఉడైపురవాటి ప్రాంతంలో మంత్రి రాజేంద్ర సింగ్ గుడా చేసిన వివాదాస్పద వ్యాఖ్యల వీడియో సామాజిక మాధ్యమాల్లో వైరల్‌గా మారింది. ఆయన మాటలకు అక్కడున్న జనంలో కొందరు హర్షధ్వానాలు చేయగా.. మరికొందరు నవ్వులు చిందించిన విషయం తెలిసిందే.

Read latest National - International News and Telugu News


మరిన్ని

దేవ‌తార్చ‌న

+

© 1999- 2022 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

For Editorial Feedback - eMail: infonet@eenadu.net
For Digital Marketing enquiries Contact : 040 -
23318181 eMail :marketing@eenadu.net
Best Viewed In Latest Browsers
Terms & Conditions   |   Privacy Policy
Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.