తాజా వార్తలు

Facebook Share Twitter Share Comments Telegram Share
Winter session: కాంగ్రెస్​కు ఝలక్​.. విపక్షాల భేటీకి టీఎంసీ దూరం

దిల్లీ: పార్లమెంట్​ శీతాకాల సమావేశాల్లో విపక్షాలను ఏకతాటిపైకి తీసుకురావాలని ప్రయత్నిస్తున్న కాంగ్రెస్​కు తృణమూల్​ కాంగ్రెస్​ పార్టీ (టీఎంసీ) ఝలక్​ ఇచ్చింది. ఈ సమావేశాల్లో కాంగ్రెస్​తో కలిసి నడిచేందుకు తాము సిద్ధంగా లేమని ప్రకటించింది. అయితే, వివిధ అంశాలపై ఇతర విపక్షాలకు సహకరిస్తామని టీఎంసీ సీనియర్​ నేత ఒకరు స్పష్టం చేశారు. నవంబర్​ 29న కాంగ్రెస్​ నేత మల్లికార్జున్​ ఖర్గే పిలుపునిచ్చిన విపక్షాల సమావేశానికి తమ పార్టీ హాజరవటం లేదని తెలిపారు. కాంగ్రెస్​, టీఎంసీల మధ్య సంబంధాలు అంతంత మాత్రంగానే ఉన్నాయని, ఈ క్రమంలో అంతర్గతంగా నేతల మధ్య సమన్వయం చేస్తూ ముందు సొంత ఇంటిని చక్కదిద్దుకోవాలని ఆయన ఎద్దేవా చేశారు.

‘శీతాకాల సమావేశాల్లో కాంగ్రెస్​ పార్టీతో కలిసి నడిచే ఆలోచన లేదు. కాంగ్రెస్​ నేతలు ముందు వారి మధ్య సమన్వయాన్ని పెంచుకోవాలి. సొంత ఇంటిని ముందు చక్కదిద్దుకోవాలి. ఆ తర్వాత ఇతర పార్టీలతో దోస్తీ కోసం ప్రయత్నించాలి. ప్రజాప్రయోజనాల కోసం వివిధ అంశాలను లేవనెత్తుతూ.. ఇతర పార్టీలతో కలిసి ముందుకు సాగుతాం’ అని తృణమూల్‌ కాంగ్రెస్‌ సీనియర్‌ నేత పేర్కొన్నారు. భాజపాపై పోరాటానికి కాంగ్రెస్​తో కలిసేందుకు ఇష్టపడకపోవటంపై ప్రశ్నించగా.. ఆ పార్టీ నేతల్లోనే సరైన అవగాహన, లక్ష్యం లేదని పేర్కొన్నారు. నవంబర్​ 29న బంగాల్​ ముఖ్యమంత్రి, టీఎంసీ అధినేత్రి మమతా బెనర్జీ ఇంట్లో జాతీయ సమన్వయ కమిటీ సమావేశం నిర్వహిస్తున్నట్లు ఆయన తెలిపారు. ఈ భేటీలో పార్లమెంట్​ శీతాకాల సమావేశాల్లో అనుసరించాల్సిన వ్యూహం సహా ఇతర కీలక అంశాలపై చర్చించనున్నామని అన్నారు.

Read latest Political News and Telugu News



మరిన్ని

దేవ‌తార్చ‌న

+

© 1999- 2022 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

For Editorial Feedback - eMail: infonet@eenadu.net
For Digital Marketing enquiries Contact : 040 -
23318181 eMail :marketing@eenadu.net
Best Viewed In Latest Browsers
Terms & Conditions   |   Privacy Policy
Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.