తాజా వార్తలు

Facebook Share Twitter Share Comments Telegram Share
Crime News: ధరణినే బురిడీ కొట్టించి.. నకిలీ పాసుపుస్తకంతో భూమి విక్రయానికి యత్నం

మిడ్జిల్‌, న్యూస్‌టుడే: ధరణిలో తప్పుడు వివరాలు నమోదు చేసి.. నకిలీ పట్టాదారు పాసుపుస్తకం సృష్టించి ఏకంగా రూ.1.50 కోట్ల విలువైన భూమిని విక్రయించేందుకు యత్నించిన వ్యక్తి పోలీసులకు చిక్కాడు. మహబూబ్‌నగర్‌ జిల్లాలో శనివారం ఈ సంఘటన వెలుగులోకి వచ్చింది. పోలీసులు, భూయజమాని తెలిపిన వివరాల మేరకు.. జడ్చర్ల పట్టణం బాదేపల్లికి చెందిన రైతు మహ్మద్‌ జావీద్‌ 2013లో మిడ్జిల్‌ మండలం కొత్తపల్లి శివారు సర్వే నంబరు 46లో 2.01 ఎకరాల భూమి కొన్నారు. కొత్త పట్టాదారు పాసుపుస్తకం కోసం ఆన్‌లైన్‌లో పలుమార్లు దరఖాస్తు చేసుకున్నా నమోదు కాలేదు. తహసీల్దార్‌ శ్రీనివాసులు సూచన మేరకు కలెక్టరేట్‌లోని ధరణి సెక్షన్‌లో సంప్రదించగా.. మీసేవ కేంద్రంలో మరోసారి ఆధార్‌కార్డు ఇచ్చి, వేలిముద్ర వేయాలని సూచించారు. ఈనెల 25న జడ్చర్లలోని మీసేవ కేంద్రానికి జావీద్‌ వెళ్లగా.. అప్పటికే ఆ భూమి మహబూబ్‌నగర్‌కు చెందిన జావీద్‌ పేరిట ఉన్నట్లు ఆన్‌లైన్‌లో చూపించింది. ఆన్‌లైన్‌లో అతని ఆధార్‌ కార్డు.., జిరాక్స్‌ కాపీలో తండ్రి పేరు మార్చేసి ఉన్నాయి. ఈక్రమంలో మహబూబ్‌నగర్‌కు చెందిన సాదత్‌ అలీతో విక్రయ ఒప్పందం చేసుకుని.. భూమి రిజిస్ట్రేషన్‌ చేసేందుకు సిద్ధమయ్యాడు. తనకు జరిగిన మోసాన్ని గుర్తించిన జడ్చర్లకు చెందిన జావీద్‌ పోలీసులను ఆశ్రయించడంతో శనివారం మధ్యాహ్నం నకిలీ పత్రాలతో తహసీల్దారు కార్యాలయానికి వచ్చిన నిందితుడు జావీద్‌ను పోలీసులు పట్టుకున్నారు. అతనికి సహకరించిన ఎజాజ్‌ అలి అన్సారి, సయ్యద్‌ అబ్దుల్‌ ఖలీల్‌, మహ్మద్‌ ఇనాయత్‌ అలి అన్సారీలపై మోసం కేసు నమోదు చేశామని మిడ్జిల్‌ ఎస్సై జయప్రసాద్‌ తెలిపారు.


మరిన్ని

దేవ‌తార్చ‌న

+

© 1999- 2022 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

For Editorial Feedback - eMail: infonet@eenadu.net
For Digital Marketing enquiries Contact : 040 -
23318181 eMail :marketing@eenadu.net
Best Viewed In Latest Browsers
Terms & Conditions   |   Privacy Policy
Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.