సూర్యాపేట: సొంత స్థలం ఉన్నవారికి వెంటనే రెండు పడక గదలు ఇళ్లు మంజూరు చేయాలని భాజపా ఎమ్మెల్యే ఈటల రాజేందర్ రాష్ట్ర ప్రభుత్వా్న్ని కోరారు. సూర్యాపేటలో ఈటల మీడియాతో మాట్లాడారు. 2014లో రాష్ట్ర అప్పులు రూ.65వేల కోట్లు ఉండగా.. ఏడున్నరేళ్లలో ఆ అప్పు రూ.4 లక్షల కోట్లకు చేరిందన్నారు. ప్రతి నెల రూ.65వేల కోట్లు వడ్డీ చెల్లించాల్సిన దుస్థితి వచ్చిందన్నారు. విద్యార్థుల హాస్టల్‌ బిల్లులు కూడా చెల్లించలేని పరిస్థితిలో రాష్ట్ర ప్రభుత్వం ఉందన్నారు. ఆరోగ్యశ్రీ బకాయిలు కూడా చెల్లించలేదని మండిపడ్డారు. వచ్చే ఎన్నికల్లో ప్రజలు తెరాసను భూస్థాపితం చేయడం ఖాయమని ఈటల పేర్కొన్నారు.