Latest Telugu News | Breaking News Telugu | Telugu News Today | News in Telugu

ఆంధ్రప్రదేశ్

Facebook Share Twitter Share Comments Telegram Share
ఎమ్మార్‌ కేసులోనిందితులకువారంట్లు

ఈనాడు, హైదరాబాద్‌: ఎమ్మార్‌ కేసులో నిందితులైన కోనేరు ప్రదీప్‌, విజయరాఘవ్‌, శ్రీకాంత్‌ జోషిలకు హైదరాబాద్‌లోని సీబీఐ కోర్టు బుధవారం నాన్‌ బెయిలబుల్‌ వారంట్లు జారీచేసింది. సీబీఐతోపాటు ఈడీ కేసుల్లో విజయ్‌రాఘవ్‌, శ్రీకాంత్‌ జోషి, వారి తరఫున ఎవరూ హాజరు కాకపోవడంతో వారంట్లు జారీచేసింది. ఈడీ కేసులో కోనేరు ప్రదీప్‌ తరఫున న్యాయవాది హాజరు మినహాయింపు కోరుతూ పిటిషన్‌ దాఖలు చేసినా, సంతకం చేయకపోవడంతో కోర్టు వారంటు జారీచేసింది. ఈ నెల 8న నిందితులను హాజరుపరిచేలా చర్యలు తీసుకోవాలని పోలీసు అధికారులకు ఆదేశాలు జారీచేసింది. ఓబుళాపురం మైనింగ్‌ కేసులో 6వ నిందితురాలైన ఐఏఎస్‌ అధికారి వై.శ్రీలక్ష్మి డిశ్ఛార్జి పిటిషన్‌లో వాదనలు పూర్తికాగా సీబీఐ వాదనల నిమిత్తం ఈ నెల 7వ తేదీకి వాయిదా వేసింది. జగన్‌ అక్రమాస్తుల వ్యవహారంలో పెన్నా సిమెంట్స్‌ కేసులో నిందితుల జాబితాలో ఉన్న కార్మెల్‌ ఏషియా లిమిటెడ్‌ డిశ్ఛార్జి పిటిషన్‌పై విచారణ జరిగింది. అనంతపురం జిల్లా యాడికి మండలంలో పెన్నా సిమెంట్స్‌కు 231 ఎకరాల కేటాయింపు నిబంధనల ప్రకారమే జరిగిందని కార్మెల్‌ తరఫు న్యాయవాది అశోక్‌రెడ్డి అన్నారు. తాడిపత్రిలో ఇలాగే చేసిన భూకేటాయింపులో అక్రమాలు లేవన్న సీబీఐ.. ఇక్కడ మాత్రం భిన్నంగా చెబుతోందన్నారు.


మరిన్ని

+

© 1999- 2022 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

For Editorial Feedback - eMail: infonet@eenadu.net
For Digital Marketing enquiries Contact : 040 -
23318181 eMail :marketing@eenadu.net
Best Viewed In Latest Browsers
Terms & Conditions   |   Privacy Policy
Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.