ఆంధ్రప్రదేశ్

Facebook Share Twitter Share Comments Telegram Share
6 ప్యాకేజీల్లో ఒక్క బిడ్డూ రాలేదు

ప్రైవేటుగా చిన్నతరహా ఖనిజాల సీనరేజ్‌ వసూళ్లకు స్పందన కరవు

ఈనాడు, అమరావతి: రాష్ట్రంలో చిన్నతరహా ఖనిజాలకు సీనరేజ్‌ ఫీజు, కన్సిడరేషన్‌ నగదు వసూళ్ల బాధ్యత ప్రైవేటు సంస్థలకు అప్పగించేందుకు వీలుగా టెండర్లు పిలిచిన గనులశాఖకు చుక్కెదురైంది. ఆరు ప్యాకేజీల్లో రెండేళ్ల కాలానికి రూ.5,882 కోట్ల మేర భారీ మొత్తాన్ని రిజర్వ్‌ ధరగా పేర్కొనగా.. ఎవరూ బిడ్లు దాఖలు చేయకపోవడంతో గనులశాఖ కంగుతింది. కొంత కాలంగా రాష్ట్రంలో నిర్మాణ రంగం నెమ్మదించడం, ప్రభుత్వ పనులు దాదాపు లేకపోవడం, ఈ సమయంలో ఎక్కువ లక్ష్యం మేర సీనరేజ్‌ వసూళ్లు కష్టమనే ఉద్దేశంతో ఎవరూ బిడ్లు వేయలేదని తెలుస్తోంది. ఇప్పటి వరకు సీనరేజ్‌ వసూళ్లను గనులశాఖ చేపడుతోంది. అయితే చెల్లించిన సీనరేజ్‌ విలువ కంటే లీజుదారులు ఎక్కువ పరిమాణంలో అక్రమంగా ఖనిజాన్ని తరలిస్తున్నారని, దానిని అడ్డుకునేందుకు వీలుగా ప్రైవేటు సంస్థలకు సీనరేజ్‌ వసూళ్ల బాధ్యతలు అప్పగించాలని భావించారు. రాష్ట్రమంతా 6 ప్యాకేజీలుగా విభజించి రెండేళ్ల కాల వ్యవధికి గత నెలలో టెండర్లు పిలిచారు. ప్యాకేజీ-1లోని శ్రీకాకుళం, విజయనగరం, విశాఖపట్నం జిల్లాలకు రిజర్వ్‌ ధరగా రూ.1,056 కోట్లు, ప్యాకేజీ-2లోని ఉభయగోదావరి జిల్లాలకు రూ.485 కోట్లు, ప్యాకేజీ-3లో కృష్ణా, గుంటూరు జిల్లాలకు రూ.944 కోట్లు, ప్యాకేజీ-4లో ప్రకాశం జిల్లాకు రూ.1,659 కోట్లు, ప్యాకేజీ-5లో నెల్లూరు, చిత్తూరు జిల్లాలకు రూ.862 కోట్లు, ప్యాకేజీ-6లోని అనంతపురం, కర్నూలు, కడప జిల్లాలకు రూ.876 కోట్లు కలిపి మొత్తం రూ.5,882 కోట్లు రిజర్వ్‌ ధరగా పేర్కొన్నారు.

గతం కంటే రిజర్వు ధర అధికం

చిన్నతరహా ఖనిజాలకు గత రెండేళ్లలో వసూళ్లయిన సీనరేజ్‌ సగటుకు అదనంగా 30 శాతం కలిపి, కొత్త నిబంధన మేరకు కన్సిడరేషన్‌ నగదునూ జత చేసి అన్ని ప్యాకేజీల రిజర్వు ధరగా టెండరులో పేర్కొన్నారు. ఇది ధర ఎక్కువని గుత్తేదారులు ముందుకు రాలేదని భావిస్తున్నారు. మళ్లీ ఇదే రిజర్వ్‌ ధరలతో టెండర్లు పిలవాలా? రిజర్వ్‌ ధరను తగ్గించాలా? అనే దానిపై ప్రభుత్వ ఆదేశాల మేరకు నిర్ణయం తీసుకుంటామని గనులశాఖ అధికారులు పేర్కొంటున్నారు.


మరిన్ని

దేవ‌తార్చ‌న

+

© 1999- 2022 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

For Editorial Feedback - eMail: infonet@eenadu.net
For Digital Marketing enquiries Contact : 040 -
23318181 eMail :marketing@eenadu.net
Best Viewed In Latest Browsers
Terms & Conditions   |   Privacy Policy
Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.