తాజా వార్తలు

Facebook Share Twitter Share Comments Telegram Share
IND vs NZ: న్యూజిలాండ్‌పై జైత్రయాత్ర.. టీమ్‌ఇండియా అదిరిపోయే రికార్డులు..!

12 టెస్టు సిరీస్‌ల్లో ఒక్కటీ గెలవలేకపోయిన కివీస్‌

ముంబయి: న్యూజిలాండ్‌తో జరిగిన రెండో టెస్టులో టీమ్‌ఇండియా ఘన విజయం సాధించగా పలు ఆసక్తికర రికార్డులు నమోదయ్యాయి. అందులో కొన్ని భారత జట్టు సాధించగా మరికొన్ని రవిచంద్రన్‌ అశ్విన్‌వి ఉన్నాయి. ఒక్కటి మాత్రం కివీస్‌ స్పిన్నర్‌ అజాజ్‌ పటేల్‌ నెలకొల్పాడు. అవేంటో ఓ లుక్కేద్దాం.

పరుగుల పరంగా భారత్‌కిదే అత్యంత భారీ విజయం..

* 372: 2021లో ముంబయి వేదికగా న్యూజిలాండ్‌పై (ఈ మ్యాచ్‌లోనే)

* 337: 2015లో దిల్లీ వేదికగా దక్షిణాఫ్రికాతో ఆడిన మ్యాచ్‌లో.

* 321: 2016లో ఇండోర్‌ వేదికగా న్యూజిలాండ్‌తో తలపడిన వేళ.

* 320: 2008లో మొహాలి వేదికగా ఆస్ట్రేలియాతో ఆడినప్పుడు.

ఈ టెస్టు సిరీస్‌లో నమోదైన రికార్డులివే..

* ఈ ఏడాది అశ్విన్‌ పడగొట్టిన వికెట్ల సంఖ్య 52కి చేరుకుంది. టెస్టుల్లో ఓ క్యాలెండర్‌ ఇయర్‌లో 50, అంతకన్నా ఎక్కువ వికెట్లు పడగొట్టడం అశ్విన్‌కిది నాలుగో సారి. 2015, 2016, 2017, 2021లో ఈ ప్రదర్శన చేసిన అశ్విన్‌.. అత్యధిక సార్లు ఆ ఘనత సాధించిన భారత బౌలర్‌గా రికార్డులకెక్కాడు. ఇదివరకు హార్భజన్‌, కుంబ్లే 3 సార్లు మాత్రమే ఈ ఘనత సాధించారు. దీంతో ఆ ఇద్దరి దిగ్గజాలను అశ్విన్‌ ఇప్పుడు వెనక్కినెట్టాడు.

* న్యూజిలాండ్‌పై టెస్టుల్లో ఇప్పటివరకు అశ్విన్‌ తీసిన వికెట్లు 66. రెండు జట్ల మధ్య టెస్టుల్లో అత్యధిక వికెట్లు తీసిన బౌలర్‌.. కివీస్‌ దిగ్గజ ఆల్‌రౌండర్‌ రిచర్డ్‌ హ్యాడ్లీ(65)ని అశ్విన్‌ అధిగమించాడు.

* ఈ మ్యాచ్‌లో కివీస్‌ స్పిన్నర్‌ అజాజ్‌ బౌలింగ్‌ గణాంకాలివి 14/225. ఇక ఒకే ఇన్నింగ్స్‌లో పది వికెట్లు తీసిన మూడో బౌలర్‌గా చరిత్ర సృష్టించాడు. మరోవైపు ఓ టెస్టు మ్యాచ్‌లో భారత్‌పై అత్యుత్తమ ప్రదర్శన చేసిన బౌలర్‌గానూ అతడు నిలిచాడు. కివీస్‌ తరపున టెస్టుల్లో అతడికిది రెండో అత్యుత్తమ ప్రదర్శన. రిచర్డ్‌ హ్యాడ్లీ (1985లో ఆస్ట్రేలియాపై 15/123) అగ్రస్థానంలో ఉన్నాడు.

* భారత్‌లో న్యూజిలాండ్‌ ఆడిన 12 టెస్టు సిరీస్‌ల్లో ఒక్కసారి కూడా సిరీస్‌ కైవసం చేసుకోలేదు. చివరిసారిగా ఆ జట్టు 1988లో వాంఖడే మైదానంలోనే ఒక టెస్టు గెలిచింది.

* భారత్‌కు ఇది స్వదేశంలో వరుసగా 14వ టెస్టు సిరీస్‌ విజయం.

భారత్‌లో అత్యధిక టెస్టు వికెట్లు తీసిన ఆటగాళ్లలో అశ్విన్‌..

* 350 అనిల్‌కుంబ్లే

* 300 రవిచంద్రన్‌ అశ్విన్‌

* 265 హర్భజన్‌ సిగ్‌

* 219 కపిల్‌ దేవ్‌

స్వదేశాల్లో టెస్టుల్లో వేగంగా 300 వికెట్ల క్లబ్‌లో చేరిన ఆటగాళ్లలో అశ్విన్‌..

* 48 మ్యాచ్‌ల్లో ముత్తయ్య మురళీధరన్‌ తొలి స్థానంలో నిలిచాడు.

* 49 మ్యాచ్‌ల్లో రవిచంద్రన్‌ అశ్విన్‌ ఆ ఘనత సాధించి రెండో స్థానం.

* 52 మ్యాచ్‌ల్లో అనిల్‌కుంబ్లే మూడులో నిలిచాడు.

* 65 మ్యాచ్‌ల్లో షేన్‌వార్న్‌ నాలుగో స్థానం.

* 71 మ్యాచ్‌ల్లో జిమ్మీ ఆండర్సన్‌ ఐదులో ఉన్నాడు.

* 76 మ్యాచ్‌ల్లో స్టువర్ట్‌బ్రాడ్‌ ఆరో స్థానంలో నిలిచాడు.

మ్యాచ్‌లో ఓటమిపాలైనా అత్యంత మేటి బౌలింగ్‌ ప్రదర్శనలో అజాజ్‌ టాప్‌

* 14/225: 2021లో భారత్‌పై అజాజ్‌ పటేల్‌ నంబర్‌ వన్‌

* 13/132: 1999లో పాకిస్థాన్‌పై జవగళ్‌ శ్రీనాథ్‌

* 13/163: 1902లో ఆస్ట్రేలియాపై సిడ్నీ బార్న్స్‌

* 13/217: 1988లో వెస్టిండీస్‌పై మెర్వ్‌ హ్యూస్‌

* 13/244: 1896లో ఆస్ట్రేలియాపై టామ్‌ రిచర్డ్స్‌

పరుగుల పరంగా న్యూజిలాండ్‌కిదే అత్యంత భారీ ఓటమి

* 372: 2021లో భారత్‌తో తలపడిన మ్యాచ్‌లో.

* 358: 2007లో జోహెనస్‌బర్గ్‌లో దక్షిణాఫ్రికాతో ఆడినప్పుడు.

* 321: 2016లో భారత్‌తో ఆడినప్పుడు.

* 299: 2001లో ఆక్లాండ్‌లో పాకిస్థాన్‌తో ఆడిన వేళ.


మరిన్ని

దేవ‌తార్చ‌న

+

© 1999- 2022 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

For Editorial Feedback - eMail: infonet@eenadu.net
For Digital Marketing enquiries Contact : 040 -
23318181 eMail :marketing@eenadu.net
Best Viewed In Latest Browsers
Terms & Conditions   |   Privacy Policy
Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.