తాజా వార్తలు

Facebook Share Twitter Share Comments Telegram Share
Delhi Airport: ఒమిక్రాన్‌ కట్టడికా? ఆహ్వానానికా?.. రైల్వేస్టేషన్‌ను తలపించిన దిల్లీ ఎయిర్‌పోర్టు

దిల్లీ: ఈ ఫొటో చూసి.. పండగల వేళ రైళ్ల కోసం ఎదురుచూస్తున్న జనాలతో కిక్కిరిసిపోయిన రైల్వే ప్లాట్‌ఫామ్‌ అనుకుంటున్నారా..! కానేకాదు, దేశ రాజధాని దిల్లీలోని ఇందిరాగాంధీ అంతర్జాతీయ విమానాశ్రయం ఇది. ఒమిక్రాన్‌ భయంతో విదేశాల నుంచి వచ్చే ప్రయాణికులకు కఠిన నిబంధనలు తీసుకొచ్చింది కేంద్ర సర్కారు. దీంతో ఎయిర్‌పోర్టుల్లో రద్దీ పెరుగుతోంది. ఫలితంగా కరోనా నిబంధనలు గాలికొదిలే పరిస్థితులు తలెత్తుతున్నాయి. 

దేశంలో ఒమిక్రాన్‌ వేరియంట్‌ వ్యాప్తి ఆందోళనకు గురిచేస్తోన్న నేపథ్యంలో అప్రమత్తమైన అధికారులు.. వైరస్‌ వ్యాప్తి కట్టడిలో భాగంగా అంతర్జాతీయ విమానాశ్రయాల్లో కఠిన నిబంధనలు అమలు చేస్తున్నారు. విదేశాల నుంచి ముఖ్యంగా ఒమిక్రాన్‌ ప్రభావిత దేశాల నుంచి వచ్చే ప్రయాణికులకు ఎయిర్‌పోర్టుల్లో కరోనా పరీక్షలు తప్పనిసరి చేశారు. దీంతో పరీక్షలు చేయించుకుని ఫలితం తెలుసుకునే వరకు ప్రయాణికులు గంటల తరబడి వేచి చూడాల్సి వస్తోంది. 

దిల్లీ ఎయిర్‌పోర్టుకు వచ్చే ప్రయాణికులకు అక్కడి అధికారులు రెండు అవకాశాలు కల్పించారు. ఒకటి.. సాధారణ ఆర్‌టీ-పీసీఆర్‌ పరీక్ష. దీనికి రూ.500 వసూలు చేస్తున్నారు. ఈ పరీక్ష ఫలితం రావాలంటే ప్రయాణికులు 6-8 గంటలు ఎదురుచూడాల్సి వస్తుంది. ఇక రెండోది.. ర్యాపిడ్‌ పీసీఆర్‌ టెస్ట్‌. దీని ధర రూ.3,500. రెండు గంటల్లో ఫలితం వస్తుంది. ఆర్‌టీ-పీసీఆర్‌ పరీక్ష ఫలితానికి చాలా సేపు పడుతుండటంతో ఖర్చు ఎక్కువైనా ప్రయాణికులు ర్యాపిడ్‌ టెస్టులు చేయించుకుంటున్నారు. అయితే దీని ఫలితం కోసం కూడా రెండు గంటల సమయం ఎదురుచూడాల్సి వస్తుంది. ఈ నేపథ్యంలో ఇమ్మిగ్రేషన్‌ డెస్కుల వద్ద రద్దీ ఎక్కువగా ఉంటోంది. ఇక, పరీక్షల కోసం పెద్ద పెద్ద క్యూలైన్లలో గంటల తరబడి నిరీక్షించాల్సి వస్తోందని ప్రయాణికులు ఆందోళన వ్యక్తం చేస్తున్నారు. 

దిల్లీ ఎయిర్‌పోర్టులో ఆదివారం నాటి దృశ్యాలను కొందరు ఫొటోలు తీసి సోషల్‌మీడియాలో పంచుకున్నారు. కరోనా నిబంధనలు పక్కనబెడితే.. ఈ పరిస్థితులతో ఎయిర్‌పోర్టులే హాట్‌స్పాట్‌లుగా మారుతున్నాయని ఆవేదన వ్యక్తం చేశారు. ప్రస్తుతం ఈ ఫొటోలు వైరల్‌గా మారాయి. ఇందులో ప్రయాణికులు కనీస నిబంధనలైన మాస్క్‌లు, భౌతిక దూరాన్ని పాటించకపోవడం కలవరపెడుతోంది. ఈ నిబంధనలు ఒమిక్రాన్‌ కట్టడికా? ఆహ్వానానికా? అన్నట్లుగా ఉంది. ఇదిలా ఉండగా.. ప్రయాణికులకు వైరస్‌ పరీక్షల కోసం దిల్లీ ఎయిర్‌పోర్టులో కొత్తగా 20 కౌంటర్లను తెరిచినట్లు అధికారులు ఆదివారం వెల్లడించారు.



మరిన్ని

దేవ‌తార్చ‌న

+

© 1999- 2022 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

For Editorial Feedback - eMail: infonet@eenadu.net
For Digital Marketing enquiries Contact : 040 -
23318181 eMail :marketing@eenadu.net
Best Viewed In Latest Browsers
Terms & Conditions   |   Privacy Policy
Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.