తాజా వార్తలు

Facebook Share Twitter Share Comments Telegram Share
హెలికాప్టర్‌ దుర్ఘటనపై మమత షాక్‌.. సమావేశాన్ని మధ్యలోనే ముగించి బయటకు..!

మాల్దా: సీడీఎస్‌ బిపిన్‌ రావత్‌ సహా 14మంది ప్రయాణిస్తున్న సైనిక హెలికాప్టర్‌ తమిళనాడులోని నీలగిరి కొండల్లో కూలిపోయిన ఘటనపై బెంగాల్‌ సీఎం మమతా బెనర్జీ తీవ్ర దిగ్భ్రాంతి వ్యక్తంచేశారు. అధికారులతో సమీక్షలో ఉండగా ఈ ప్రమాదం గురించి తెలియడంతో మధ్యలోనే సమావేశాన్ని ముగించారు. ‘‘ఎంతో బాధాకరమైన వార్త తెలిసింది. ఈ విషయం తెలిసి షాక్‌కు గురయ్యా. తీవ్ర బాధలో ఉన్న నాకు మాటలు రావడం లేదు. సమావేశాన్ని ముగించి బయటకు వచ్చేశా’’ అని దీదీ తెలిపారు.

ఈ దుర్ఘటనపై దీదీ ట్విటర్‌లోనూ తన ఆవేదన వ్యక్తంచేశారు. ‘‘కూనూరులో జరిగిన ఘటన తీవ్ర విషాదం రేపింది. బిపిన్‌ రావత్‌, ఆయన కుటుంబ సభ్యులతో పాటు ఆ హెలికాప్టర్‌లో ఉన్నవారందరూ క్షేమంగా ఉండాలని యావత్‌ దేశం ప్రార్థిస్తోంది. ఈ దుర్ఘటనలో తీవ్ర గాయాలపాలైన ప్రతిఒక్కరూ త్వరగా కోలుకోవాలి’’ అని మమత ఆకాంక్షించారు.

సీడీఎస్‌ జనరల్‌ బిపిన్‌ రావత్‌ ప్రయాణిస్తున్న విమానం తమిళనాడులోని కూనూరు వద్ద కుప్పకూలిన విషయం తెలిసిందే. ఇప్పటివరకు ఐదుగురు మృతిచెందగా.. మరో ఇద్దరి పరిస్థితిని విషమంగా ఉన్నట్టు తెలుస్తోంది. ప్రస్తుతం అక్కడ సహాయక చర్యలు కొనసాగుతున్నాయి. జనరల్‌ బిపిన్‌ రావత్‌ పరిస్థితికి సంబంధించిన అధికారిక సమాచారం మాత్రం ఇంతవరకు రాకపోవడం గమనార్హం.

Read latest National - International News and Telugu News


మరిన్ని

దేవ‌తార్చ‌న

+

© 1999- 2022 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

For Editorial Feedback - eMail: infonet@eenadu.net
For Digital Marketing enquiries Contact : 040 -
23318181 eMail :marketing@eenadu.net
Best Viewed In Latest Browsers
Terms & Conditions   |   Privacy Policy
Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.